2 Tɔ̀màtià 2:7 - Mundani

⁷ Me ku̧u̧te mènəè maa e shu awê la, na à me ku̧u̧te, ko Tǎt wa naa tɨŋe awê aa ko mènəè ègème la.

2 Tɔ̀màtià 2:7 Iomraidhean Croise

Lûk 21:15

maa li zǐ mèngǎ̧ a mètsəê mɨ̧, e mě zì mèyì a ètsə bɨ̧, ndɨ betsiꞋa wòt ane bɔmbù̧ bɨ̧ è ka tu̧ ànəa bɨ shua la.

Lûk 24:45

Tà ghɨ̀ ale, ngàꞋte ètsə bɔb ngɨ̀ bɔ ko ànəa èngǎ̧ Mbɔ̧ɔ̧mà e shuà la.

Lûk 9:44

“Bɨ̀ zi ànəê yaa e nkɨ eshu awɨ̧ la a mèntɨ̧ɨ̧ mɨ̧. Bɔɔ baãaã Waã Wòt ezǐ a tèkitebu bɔbȩ.”

Jɔ̌n 14:26

Ka wòt wu tàa kɨꞋɨ me tɨŋe awɨ̧ la, Fo Kèfə yu tǎt am nàà tsàà ane èlen laã la, naa kɨꞋɨ̀ e nyɨꞋte awɨ̧ èghɨ ègème, mè ngɨ̀ bɨ ku̧u̧tè èghɨ ègème mâ shu abua yɨ̧ la.

Jɔ̌n 16:13

Fo Mbɔ̧ɔ̧mà yu nàa nyɨ̀Ꞌta nkûŋ la naa me ghɨ̀ tê nkɨ̀Ꞌɨ̂, ngɨ̀ bɨ ko nkûŋ ègème è dzə abua Mbɔ̧ɔ̧mà la, nkàà nê tà kà gha elàꞋa ànəa zi zìambɔŋ. Taa làꞋà wuê ànəa ye zə la, mè shu awɨ̧ mènəè nàa li ghɨ̀ la.

ÀfaꞋa 7:10

tè ntsì atò a èbem ngoꞋ tègème. AfɨꞋa Jòsêb pùùla a mbì Felɔ̀ wu tà lè wu fɔ̧̀ Ejìb la, Mbɔ̧ɔ̧mà ŋa atò ètsəê ntsɔ̧̀ nè èyì. Felɔ̀ me ye tè ndzɔ̀Ꞌɔ a Jòsêb ane gɔvanɔ̀ vi a ègwet àlaꞋ və nè lobte ntɔꞋ tègème.

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

Filìpȩ 4:8

Bɔnyɨ bɔ̧, ànəa e nkɨ elìa eshu awɨ̧ la wu nê, bɨ̀ me mɨ̀ɨ̀tè wuê mènəè è wû nkûŋ la, nè mènəè bòt àa nkùkta la, mè nè mènəè è kùꞋù la. Bɨ̀ me mɨ̀ɨ̀te mènəè kà ye àŋɔꞋte adù̧, nè mènəè nàa mbɔ̀, bòt e mè me kɔ̀ŋke la. Èghɨ bu e taꞋa wua mbɔ̀, bòt e mè me wùꞋte bùà la wu èbe bɨ̀a me mɨ̀ɨ̀tè la.

Kɔ̀losìà 1:9

Mènəè maa ègème ghɨ̂ ba me tseka ntsàꞋta Mbɔ̧ɔ̧mà ane yɨ̧ àfɨ̀Ꞌ àgème, ebùꞋù tê ane àlia mbì yu ba li ndzə ànəa yɨ̧ la. Baa ndzìa ntsàꞋta Mbɔ̧ɔ̧mà nê Fo tò ghɨa bɨ̀ bɔ èyì, mè nko mènəè, mbɨ̀Ꞌɨ̀ eko àghɨa Mbɔ̧ɔ̧mà nàa nkɨà nê bɨ̀ me ghɨ̀ la.

1 Tɔ̀màtià 4:15

Me ghɨ̌ èghɨ bàagème mâ shu la nè èntɨ̧ɨ̧ wê ègème mbɨ̀Ꞌɨ̀ bòt bàgème aa ye ndɨ àa ngà nè mbì ane alu̧ Mbɔ̧ɔ̧mà la.

2 Tɔ̀màtià 2:6

È me wu ane ànəa mbȩ ko wòt tàa mbɨ̀à njùta èghɨ mbȩ àfɨꞋa e kweele la wu tòà wu tà ghɨ̌ àfàꞋa kekweelè la.

2 Tɔ̀màtià 2:8

Me ku̧u̧te a Yesò Klistò, tà li mpfə mè njù̧ù̧mê la. Tà lè wu wòt àndǎ̧ Fɔ̧̀ Dàbid, mbɨ̀Ꞌɨ̀ Ntu̧ Ntsɔ̧̀ yàa e ntsɔ̀tà la nàa nyɨ̀Ꞌta la.

Ebùlù 12:3

Bɨ̀ ye ànəa a li ndze atò la. Bòt kàbɔ̀ŋ e li ngɨ̧ɨ̧ne atò, ka tà bɔ̂ nkùùle wuê èntɨ̧ɨ̧ vi. È wu ale, bɨ̀ambɔŋ è ka nkaã ntsì mèntɨ̧ɨ̧ mɨ̧ ane Mbɔ̧ɔ̧mà.

Ebùlù 13:7

Bɨ̀ ku̧u̧te ànəa bòt bu bɔ li ngu àtsəa yɨ̧ la, ye bu bɔ li ndàꞋ èngǎ̧ Mbɔ̧ɔ̧mà abua yɨ̧ la. Bɨ̀ kwàꞋte ndɨ bɔ li ngua ntsèka tè ndɨ pfə la, ndzì èntɨ̧ɨ̧ wɨ̧ ane Mbɔ̧ɔ̧mà mbɨ̀Ꞌɨ̀ bɔ li ndzì è wɔb la.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Ebùlù 7:4

Bɨ̀ chɨɨme ndzě ndɨ tà li nge la! Abàlàghâm wu tà li ngu tǎt mbì wa la li ngàbtè èghɨ tà nɨa èbet la ane èdzìꞋ èghem ŋǎ àdziꞋ yeamɔꞋ abua tò.

Jimsì 1:5

Wòt bùa èyì, tà lò̧o̧ abua Mbɔ̧ɔ̧mà wu tàa ŋǎ èyì abua wòt ègème la, ko tàa ŋa abua tò. Tàà kà kuꞋte àbu, tà kà wua ŋȩ̀ta.

Jimsì 3:15

Èwuu èyì waa è ka dzə abua Mbɔ̧ɔ̧mà, e dzə a sitsǎꞋ, Fo Mbɔ̧ɔ̧mà kà meè ngu adù̧. E dzə abua Satàn.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.