2 Tɔ̀màtià 2:26 - Mundani

²⁶ A wu ale, ko ateko mèyǐ mɔb naa mě ekua tê bɔɔ dzəâ a èbem àtaã Satàn yu a li mbà̧à̧ àwɔb bɔ tsiꞋa nkùŋà mènəè tò la.

2 Tɔ̀màtià 2:26 Iomraidhean Croise

Lûk 11:21

“Wòt kèkweelè nàa ngɨ̀ tà taŋke èghɨ èbet enɨ baabe lob zi, èghɨ tò ègème e tseke ntsɔ̧̀.

Lûk 15:17

“ÀfɨꞋa èyǐ tò e kua la, tà shu abua zi zìambɔŋ nê, ‘BɔfàꞋ tǎt am bàgème e bɔ èghɨjɨ tè e me tsèà wɔb a njɨ̀a, e ngu àdziꞋ yaa mpfəà ndzìtsə.

Lûk 5:10

Jimsì bɔ̂ Jɔ̌n bɔ̧ Zebèdiì, bɔ̂ tò ba e li ngùa fàꞋà nɔ̂ la. Yesò shu abua Simùn nê, “À ka mbɔ̀ɔ̂, e bùꞋu àfɨ̀Ꞌ yaa, à ka tsi buꞋu basə a. Aa tsiꞋi me kɨ bɔbȩ nɨa nkɨ̀Ꞌa abua am.”

Jɔ̌n 13:2

È tseke tè ngu àfɨꞋa nyèmtèsi ane àlia ngaa, bɔ̂ tò ba e tseke a si me jɨ èghɨjɨ, Satàn ko nê ye ghɨ̂ Judàs wu è wu waã Simùn Iskaliòt la me mɨ̀ɨ̀te ndɨ yea fɨ̧̀ɨ̧̀ne a Yesò la.

Jɔ̌n 13:27

Mbɨ̀Ꞌɨ̀ Judàs bê nɨa bled wu la Satàn nyi a èntɨ̧ɨ̧ tò. Ale, Yesò shu abua Judàs nê “Ghɨ̀ àghɨa à kɨ eghɨ̀ la chàba.”

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

ÀfaꞋa 5:3

Pità bììte a Ànàniàs nê, “Ànàniàs, ghǎ ghɨ̂ ka a ghɨ̀ Satàn nyi a èntɨ̧ɨ̧ wê, tè ngɨ̀ à làꞋà mèfà̧ abua Fo Kèfə, kwat tè ndò̧ àbəèꞋ ane èkab wu bɨ fɨ̧̀ɨ̧̀nè àdziꞋa si yu nɨŋ la à?

1 Kɔlìn 15:34

Bɨ̀ kubte mènkwàꞋte mɨ̧, bɨ̀ ka tsi ngɨ a kàbɔ̀ŋ. ÀbəèꞋ àyɨ̧ ako a bakà bê nkoê wòt Mbɔ̧ɔ̧mà wû wùà la. E ndàꞋà àyaa mbɨ̀Ꞌɨ̀ bɨa bɔ àtsəa kɔꞋɔ.

2 Kɔlìn 2:11

Bà ghɨ̀ ale, mbɨ̀Ꞌɨ̀ ka Satàn jɨ̀ mèntɨ̧ɨ̧ ma nkàà nê ba ko àŋɔꞋta tò.

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

1 Tɔ̀màtià 1:20

Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

1 Tɔ̀màtià 3:7

Wòt àtsəa bòt Yesò è bɔ̂ ndɨ tàa wu wòt bòt nàbȩ̂ àa ka laꞋa kàbɔ̀ŋ adù̧ tò la, mbɨ̀Ꞌɨ̀ ka tà lòo èku vi, nkwene a èbem àtaã Satàn.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.