2 Tɔ̀màtià 2:24 - Mundani

²⁴ Wɔ̀fàꞋ Mbɔ̧ɔ̧mà bakà bɔ ndɨ tàa me yɔ̌ bɔ̂ bòt la. Tà bɔ ndɨ tàa me ghɨ̌ a ntsɔ̧̀ abua waa waa, e mě ewu nyɨꞋtà ntsɔ̧̀ tà bɔ àbɔɔla èntɨ̧ɨ̧ la.

2 Tɔ̀màtià 2:24 Iomraidhean Croise

Matìù 12:19

Bɔ̂ wòt è ka yɔ̌a, tà kà wu ŋȩ, Wòt kà wu ezə àtɔŋ tò a èbuꞋ èlu̧,

Jɔ̌n 6:52

Tà làꞋ ale Bèjuê bu e bùꞋ me yɔ̌ a kètsìà wɔb shua nê, “Mbê waa ghɨ̀ na ka nê yea ŋa mbɨ̧̀ ènyit zi abua ya baa kwele à?”

ÀfaꞋa 15:2

Pɔ̂l bɔ̂ Bànabasì e taꞋa kààne ànəê yaa mè ndzɔ̀ŋ bɔ̂ tò ba. Mbɨ̀Ꞌɨ̀ àyɔ̀ŋ yu a dzə a si la, bɔ làŋkè nê Pɔ̂l bɔ̂ Bànabasì nè èbeko nè bòt Yesò a Antìɔ̀k e gha a Jèlusalèm ndzè bɔntu̧ Yesò ko bu nè bɔɔjuŋ ayɔɔ bòt Yesò ane ànəa ngaa.

ÀfaꞋa 23:9

Àŋȩte yu a me kɔꞋɔ ngà wuê nè ègwet, tè bènyɨꞋtà mbɨ̧te Musì ko bɔ̀ le wu akwene Bèfalèsiì bu la, e lɔ̀Ꞌɔ a si me ŋȩa ntù̧a àyɔb mɨ̧̂, shua nê, “Ba bakà ye ànəa kàbɔ̀ŋ ako mbê waa è ghɨ̀ la. Ateko wantu̧ Mbɔ̧ɔ̧mà kǒ, kò wuê fo kǒ leꞋ, è làꞋa abua tò ane nkûŋ.”

ÀfaꞋa 7:26

ÈtsəꞋ e tsi, tà ye bòt Izəèlȩê ko babe nùà la, nê ye kɨ ètsəꞋne àyɔ̀ŋ àyɔb, shu abua yɔb nê, ‘Bɨ̀ zə, bɨ ghɨ̀ na ka me nû, bɨ wu bɔnyɨ la à?’

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

2 Kɔlìn 10:4

Èghɨ bàa nɨa nùà èbet wa la ntsě è bu bɔbȩ àa nɨa nùà èbet la. Ka wu èghɨ èbet bu e bɔ mètàŋ Mbɔ̧ɔ̧mà bàa nɨa ntsòkà èdziꞋi bɔmbù̧ Mbɔ̧ɔ̧mà àa ndò̧ò̧tà la.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

Filìpȩ 2:14

Bɨ̀ me ghɨ̀ mènəè ègème kà wua nkùùla mèsi mɨ̧, bɨ̀ ka mè me kààne ànəê.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

Kɔ̀losìà 3:13

Bɨ̀ me baãaã mèntɨ̧ɨ̧ mɨ̧, mè ngwaꞋà bèkàbɔ̀ŋ bɔnyɨ bɨ̧ ane àghɨ àgème bɔ ghɨ̂ bɨ me fèèlè àwɔb adù̧ la. Bɨ̀ me waꞋa bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò Lefɨ̀Ꞌ waꞋa è bɨ̧ la.

1 Tèsàlonikà 2:7

È li ngu àdziꞋa ya mbɨ̀Ꞌɨ̀ bɔntu̧ Yesò Klistò e ghɨ̌ bɨa me kukte awa, ka bà ka wua ngɨ̀à ale. Ba li mbɔ̀ɔ̀le awa a si me baãaã awɨ̧ wuê mbɨ̀Ꞌɨ̀ àvi nàa ngɨ̀ tà bɔ̀ɔ̀le avi me nyɔŋe bɔ̧ bi mè ndìà wɔb la.

1 Tɔ̀màtià 6:11

Ka àwɔ̀, wòt Mbɔ̧ɔ̧mà, à ka ndzì àbu ayê ane àghɨ ako ane èghɨ ba mâ tɨ̧ɨ̧ tê ndɔ̀Ꞌ la. NyɔꞋta me ghɨ̀ àghɨa Mbɔ̧ɔ̧mà nàa nkɨà la mè me zə wuê atò, mè ndzìà èntɨ̧ɨ̧ wê wuê ane tò, mè nèètà nkɔ̀ŋkà bɔbȩ ko. Me kuule èntɨ̧ɨ̧ wê mè njùa ane mènəè mê.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Tȩtɔ̀s 1:7

Ndɨ̀ wu tà wu àtsəa bòt Yesò fàꞋà àfàꞋa Mbɔ̧ɔ̧mà la, tà ka me ghɨ̀ mènəè bòt àa me fèèle atò la, tà ka mbɔ̌ ètsəê kàbɔ̀ŋ, tà ka me ghèmtè, tà ka me nu mèlùꞋ nyaŋ, tà ka me kɨ èbet, tà ka me zǐ èntɨ̧ɨ̧ vi ane èkab nyaŋ.

Tȩtɔ̀s 1:9

Ŋut bɔ ndɨ tàa nèète ebaãaã èngǎ̧ nkûŋ waa ba nyɨ̀Ꞌta la. Tà ghɨ̀ anè, ko taa ko enyɨꞋte bòt ko èngà̧ wu è wû nkûŋ la, e mě ghɨ̌ aa pùùla ayaã nê bòt bu bɔ̀ɔ ntù̧a èngà̧ waa la wu bòt mèfà̧.

Tȩtɔ̀s 3:2

Shu abua yɔb nê, wòt ka ndàꞋa kàbɔ̀ŋ adù̧ wòt kǒ, wòt ka nkɨ̀ àyɔ̀ŋ, bɔ̀ nɨ a waa waa mbɨ̀Ꞌɨ̀ shu̧, mè me ghɨ a ntsɔ̧̀ abua wòt ègème.

Jimsì 1:1

Letà Jimsì wafàꞋ Mbɔ̧ɔ̧mà bɔ̂ Yesò Klistò Lefɨ̀Ꞌ, Abua bòt Mbɔ̧ɔ̧mà bu bɔ taatè me tseke a èdziꞋ èdziꞋ a ngɔ̀ŋ ŋaa la. Maà ntsàꞋtà àwɨ̧.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

Jimsì 4:2

Bɨ̀a ngɨ̀ bɨ̀ kɨ àghɨ bɨ̀ baka bɔŋ, bɨ bùŋè wòt. Bɨ̀ mee bɨ̀ ghòꞋne àghɨ bɨ̀ baka bɔŋ, bɨ me yɔ̌ mè nùà mèbet. Bɨ̀a ngɨ̀ bɨ̀ me baka bɔ àghɨ ale, è wu ndɨ bɨ̀ baka lo̧ abua Mbɔ̧ɔ̧mà la.

1 Pità 3:8

Enɨ lìà àyaa nè ànəê, tsiꞋ è shu abua yɨ̧ bɨ̀agème nê, bɨ̀ wu ane ètsəê wemɔꞋ, me ku tèsȩte bɔnyɨ bɨ̧, mè nkɔ̀ŋkà wɔb. Bɨ̀ me yu ane mènəè mɨ̧, mè mbɔ̌ èntɨ̧ɨ̧ ntsɔ̧̀ ane bòt.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.