2 Tɔ̀màtià 2:19 - Mundani

¹⁹ Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

2 Tɔ̀màtià 2:19 Iomraidhean Croise

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Matìù 7:23

Mbə maa shu abua yɔb nê, ‘E mbakà ko awɨ̧, bɨ̀ lɔ̀Ꞌɔ a ngèt yaã, bɨ̀a bòt kàbɔ̀ŋ’.

Matìù 7:25

Mbɨ̀ŋ lu, èdzî e lu̧, àfeme a mè ntsè ndèbè lob mbɔŋ, ka è kà kwen, nkàà nê bɔ bɔ̧ a ègwet èwu.

Ntu̧ Ntsɔ̧̀ MAK 12:16

Bɔ nɨ àkwȩkab nkɨ̀Ꞌɨ̂ ŋǎ abua tò. Tà bììte awɔb nê “Àtsə yàa nè èlen làa adù̧ la wu ayea wàà?” Bɔ bɨ̀ɨ̀lè nê “Àtsəa Sisà.”

Ntu̧ Ntsɔ̧̀ MAK 13:22

Bòt nyaŋ aa li kɨꞋɨ me fɨta shua nê bɔ wu Fɔ̧̀ mbɔŋ, èbeko aa me fɨte nê bɔ wu bèndàꞋàtɔŋ Mbɔ̧ɔ̧mà. Bɔɔ li me ghɨ̀ èghɨ àa nyɨ̀Ꞌta mètàŋ Mbɔ̧ɔ̧mà la e mě me lute tèkaŋtsə, enɨ fɨte bòt Mbɔ̧ɔ̧mà, na bɔ wu ko e ghɨ̀ la.

Lûk 13:27

“Ko taa mě tse a lob e shu nê, ‘E mbakà ko awɨ̧, bɨ̀ lɔ̀Ꞌɔ a mbì ètsələèꞋ am, bɨ̀a wu bɨ̀a ngɨ̀à mènəè kàbɔ̀ŋ la.’

Lûk 6:48

Tà wu mbɨ̀Ꞌɨ̀ wòt tà me kuule lob zi ntu si mbɔ̧̀ àtetsi a ègwet èwu la. Èdzî e tsekè tè ndu̧ nkɔꞋ ndèbè lob yu, ka è kà bentè, nkàà ndɨ tà lè bɔ̧ɔ̧ àtetsi ntsɔ̧̀ la.

Jɔ̌n 10:14

“E ngu ngule mbaabà njɨ̀, mâ ko njɨ̀ taã, njɨ̀ taã te mè nkǒ am,

Jɔ̌n 13:18

“È nka laꞋà ŋǎ abua yɨ̧ bɨ̀agème, mâ ko èwuu bòt bu mâ tɔ awɔb la. Ka èngǎ̧ Mbɔ̧ɔ̧mà e bɔ ndɨ àa wu nkûŋ la nê, ‘Wòt ba tò e fɔtè èghɨjɨ la, è gheble te ntsìꞋa nùa am’.

Jɔ̌n 3:33

Wòt tà bɨ̧ɨ̧ne èngǎ̧ tò la, nɨ àyea mbɔŋ nɨŋ nyɨ̀Ꞌte nê ànəa Mbɔ̧ɔ̧mà shu la wu nkûŋ.

ÀfaꞋa 11:26

Tà ye atò, ta nɨ atò nkɨ̀Ꞌɨ̂ a Antìɔ̀k. Ane èngùꞋebȩ ngaa ègème, bɔ̀ɔ̀ wu babe la e me fàꞋà nɔ̂ nè bòt chɔsì mè nyɨ̀Ꞌta mènəè Yesò abua ènɔ̧̂ bòt. È li ndɔ̀Ꞌ ngu a Antìɔ̀k və bɔ li mbɨ̀ ntɔ bɔkatè Yesò nê wu Bèklɨtèn la.

ÀfaꞋa 15:17

A wu ale, mbɨ̀Ꞌɨ̀ bòt sitsǎꞋ ŋàa bàgème aa kùŋè Mbɔ̧ɔ̧mà, bòt kà wu Bèjuê bu mâ tɔ awɔb nê bɔ̀ kɨꞋɨ ngu bòt bɔ̧ la.

ÀfaꞋa 9:14

Ko nê, bètǎt bèntsìà mèpɨ̧̀ Mbɔ̧ɔ̧mà e tu̧u̧ atò, nê tà kɨꞋɨ a Dàmaskɔ̀s ŋaa mbà̧aã bòt bɔ̀ɔ ntsàꞋtà awê la.”

Lûm 11:2

Mbɔ̧ɔ̧mà bakà waꞋa bòt bi bu tà li mbèle àfɨꞋa tsa ndà la. Bɨ bakà ko ànəa Àkata Mbɔ̧ɔ̧mà a shu ane ànəa Èlȩjà li ndàꞋ ane ànəa kàbɔ̀ŋ bòt Izəèlȩê abua Mbɔ̧ɔ̧mà la à?

Lûm 12:9

Bɨ̀ me kɔ̀ŋkè bòt nè nkûŋ, mpààbà àghɨa àa kàbɔ̀ŋ la, mbà̧aã àghɨa àa mbɔ̀ la ntsɔ̧̀.

Lûm 15:20

Maà ntsɔ̀tà Ntu̧ Ntsɔ̧̀ mbɔŋ ale, nyɔ̀Ꞌtà ndzèa nê e mbakà tsɔ̀ta àdziꞋa wòt è laꞋa ànəa Yesò Klistò abot la, mbɨ̀Ꞌɨ̀ ka e ngua mbɔ̧̀a a ègwet àtetsia wòt kǒ tsa.

Lûm 15:9

A li ngu ale mbɨ̀Ꞌɨ̀ bòt kà wu Bèjuê aa wùꞋte a Mbɔ̧ɔ̧mà mɨ̧̂ ane tèsȩ tu tà li mbɔ ane yɔb la. A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Ale maa wuꞋtè àwê a kètsìà bòt kà wu Bèjuê, e mèe kɔ̧ mètsəkù̧ ane èlen lê.”

Lûm 8:28

Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.

Lûm 9:11

Bɔ li bɔ̀ ka batè ndzìꞋi mbi àwɔb, bɔ̀ ka meè ndzìꞋì ngɨ̀ àghɨa ntsɔ̧̀ kò àyea kàbɔ̀ŋ leꞋ, ka mbɨ̀Ꞌɨ̀ aa nyɨꞋte nê Mbɔ̧ɔ̧mà li ndàà waã mbɔŋ ane mènkɔ̀ŋke mi mbɨ̀Ꞌɨ̀ tà li nɔ̀ŋè la,

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

1 Kɔlìn 8:3

Ka wòt nàa me kɔ̀ŋka Mbɔ̧ɔ̧mà, Mbɔ̧ɔ̧mà ko a ŋut.

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Gàlashìà 4:9

Ka àfɨ̀Ꞌ yaa bɨ koa Mbɔ̧ɔ̧mà la, kò è shu nê àfɨ̀Ꞌ yaa Mbɔ̧ɔ̧mà ko awɨ̧ la, ngulesi àghɨ yu a ghɨ̂ ka bɨ me kua akwèn nga abua èyo̧o̧te fotsə kà ye àfɨa la wu ghà à? Bɨ chɨɨmè ngɨ̀ nà ka mè me kɨ ewu èbùꞋ a èten tùà à?

Efesɔ̀s 2:20

Bɨ wu àyɨ̧ bòt ko ane lob yu bɔntu̧ Mbɔ̧ɔ̧mà nè bèndàꞋàtɔŋ Mbɔ̧ɔ̧mà è wu àtetsi, Yesò Klistò zìambɔŋ wu èti tɔ̀Ꞌɔ̀ lob la.

Efesɔ̀s 3:15

wu tà ghɨ̂ àndà̧ àgème a ègwet nè sitsǎꞋ a bɔ èlen li la.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

1 Tɔ̀màtià 3:15

Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

1 Tɔ̀màtià 6:19

Bɔ ghɨ̀ anè, bɔ ko nê bɔ wua nɔ̀ŋà èghɨ bɔb adzìꞋa ntsɔ̧̀, mbɨ̀Ꞌɨ̀ wòt ntàŋka mèntsèke ntsɔ̧̀ mi nàa li ewu ane àli ako la. ÀfɨꞋa mbɔŋ àa kɨꞋɨ bɔɔ bɔ ngule mèmpème mbɔŋ.

Ebùlù 11:10

Tà li ngua nchɨ̀Ꞌà e ghɨ̌ tseke a èbem àpfəèà nɨ̧ yu Mbɔ̧ɔ̧mà fɨ̀Ꞌtè mbɔ̧̀ɔ̧ zìambɔŋ la, è wu àpfəa àa wu ane àlia nè àlia la.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

1 Jɔ̌n 2:19

Bɔ li ndzəa ayɔɔ ya ka ba tò ba e li bà ka wu àghɨ yeamɔꞋ. Eyaa wu àghɨa a li ngɨ̀ ka bɔ dzə ayɔɔ ya ngà la. Bɔ li ngɨ̀ ale ngu àghɨ yeamɔꞋ ba tò ba ko bɔ li ntèꞋà ba tò ba. Ka bɔ li sà àwa ale, a nyɨꞋtè nê ba tò ba e li bà ka lâ ngu nɔ̂.

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.

Ètsə 2:13

Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.

Ètsə 21:14

Bɔ bɔ̧ àkaã yu bɔ nɨŋ ngààle àpfəèa mbɔŋ la a ègwet àti àtetsialob ntsɔ̀b yeabe, è shɨ tèlente bòt bu ntsɔ̀b babe, bɔ li ngu bɔntu̧ Wanjɨ̀ la adù̧.

Ètsə 22:4

Bɔɔ li e ye èsi Mbɔ̧ɔ̧mà, èlen tò e mè ngu wu a mèsi mɔb.

Ètsə 3:8

Mâ ko èghɨ bɨ̀a ngɨ̀à la. Bɨ̀ ye, mâ tsɔꞋɔ ètsələèꞋ abua yɨ̧ betsiꞋa wòt kà koê ngàbà la. Mâ ko nê bɨ batè mbɔ wuê adziꞋi mètàŋ ale, ka mbɔ̀ me ghɨ̀ àghɨa mâ shu la, bɨ̀ ka mè ntu̧ èlen laã.