2 Tɔ̀màtià 2:18 - Mundani

¹⁸ Bɔ sà alu̧ nkûŋ me gheeba ntsòkà ètsə bòt Yesò ko è shùa nê, Mbɔ̧ɔ̧mà è yu̧u̧me bòt bɔ pfəꞋte la tè ndɔ̀Ꞌ.

2 Tɔ̀màtià 2:18 Iomraidhean Croise

Matìù 15:13

Yesò bɨ̀ɨ̀lè nê, “Tǎt am a ègwet naa tsɔꞋte àghɨ àgème tà bakà liꞋ la.

Matìù 22:29

Yesò bɨ̀ɨ̀lè èngǎ̧ wɔb nê, “Bɨ fâ̧, nkàà nê bɨ bakà ko èngǎ̧ Mbɔ̧ɔ̧mà, bɨ̀ ka mě ko mètàŋ tò.

Lûk 8:13

Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà.

ÀfaꞋa 5:39

Mbə è wu àghɨa Mbɔ̧ɔ̧mà taŋke la, ko betsiꞋa bɨ̀ ka tsokè. Bɨ me kɨ e ghɨ̌ ale, ko bɨa ye nê, bɨ wua nua a Mbɔ̧ɔ̧mà zìambɔŋ.” Gàmalìà làꞋ ale bòt èsaꞋa wu e bɨ̧ɨ̧nè nkɨ̀à yu tà ŋa abua yɔb la.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

1 Kɔlìn 15:12

Bɔ me làꞋà èngǎ̧ Mbɔ̧ɔ̧mà shua nê Yesò Klistò li njù̧ù̧me, ghǎ ghɨ̀ ka bòt ko ane yɨ̧ e me shu nê wòt nàa ngɨ̀ tà pfə, tà kà tsi njù̧ù̧me à?

Kɔ̀losìà 3:1

Mbɔ̧ɔ̧mà li njù̧ù̧me awɨ̧ nè Yesò, è wu ale bɨ̀ nɔ̀ŋè mèntɨ̧ɨ̧ mɨ̧ ane èghɨ è wu a ègwet adzìꞋa Yesò Klistò è tseke adù̧ àtɨ̧a kèfɔ̧̀ vi, àbâ àbualu̧ a Tǎt vi Mbɔ̧ɔ̧mà la.

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

1 Tɔ̀màtià 6:21

Bòt ko e tanda nê bɔ bɔ wùà, tè sà alu̧ Yesò ntsì mèntɨ̧ɨ̧ mɔb ane tò. Maà shù̧ù̧ta nê Mbɔ̧ɔ̧mà è me nyɨꞋte a ntsɔ̧̀ vi abua yɨ̧ bɨ̀agème.

2 Tɔ̀màtià 2:14

Ghɨ̌ bòt bê è ku̧u̧te mèngà̧ mu e shu awê la, mè nèètè səèŋkè ètû̧ bɔb a mbì Mbɔ̧ɔ̧mà nê, bɔ̀ ka me yɔ̌ a ègwet mèngǎ̧ àku. Nê, lə mèngǎ̧ àku è ntsě, nàà ntsòkà wuê mèntɨ̧ɨ̧ bòt bu bɔ̀ɔ njùtâ mèngǎ̧ mbɔŋ la.

Tȩtɔ̀s 1:11

Bòt bu àtsəa bòt Yesò la e bɔ̂ ndɨ bɔ̀ɔ ghɨ̌ bèŋût aa kate mètsəê mɔb la, nkàà nê bɔɔ̀ ngèèba ntsòkà lobte bòt, nyɨ̀Ꞌta awɔb mènəè bɔ ghɨ bɔ̀ ka wu nyɨꞋte la. Bɔɔ̀ nyɨ̀Ꞌta mènəè maa anè ngua nkɨà wuê èkab, ale nko nê bɔ loà mèkù mɔb.

Ebùlù 3:10

Eyaa wu àghɨa a li ngɨ̀ e ntsoo ane bòt ngaa tè nê, ‘Mèntɨ̧ɨ̧ bòt ba te ntsě ane yaã, bɔ mè ntû̧ eko àghɨa màa kɨa nê bɔ̀ me ghɨ̀ la.’

Jimsì 5:19

Bɔnyɨ bɔ̧, wòt ane yɨ̧ sà alu̧ nkûŋ è nyɔ̂, wòt kǒ tsa mèè tɨ̀ŋe atò nɨ̀a tò nɨŋ nkɨ̀Ꞌɨ̀ adù̧,

1 Jɔ̌n 2:19

Bɔ li ndzəa ayɔɔ ya ka ba tò ba e li bà ka wu àghɨ yeamɔꞋ. Eyaa wu àghɨa a li ngɨ̀ ka bɔ dzə ayɔɔ ya ngà la. Bɔ li ngɨ̀ ale ngu àghɨ yeamɔꞋ ba tò ba ko bɔ li ntèꞋà ba tò ba. Ka bɔ li sà àwa ale, a nyɨꞋtè nê ba tò ba e li bà ka lâ ngu nɔ̂.