2 Tɔ̀màtià 2:14 - Mundani

¹⁴ Ghɨ̌ bòt bê è ku̧u̧te mèngà̧ mu e shu awê la, mè nèètè səèŋkè ètû̧ bɔb a mbì Mbɔ̧ɔ̧mà nê, bɔ̀ ka me yɔ̌ a ègwet mèngǎ̧ àku. Nê, lə mèngǎ̧ àku è ntsě, nàà ntsòkà wuê mèntɨ̧ɨ̧ bòt bu bɔ̀ɔ njùtâ mèngǎ̧ mbɔŋ la.

2 Tɔ̀màtià 2:14 Iomraidhean Croise

Matìù 16:26

Wòt wua ane njɨ̀a èghɨ sitsǎꞋ ègème, mbɔ̂ nyɔ̂ zìambɔŋ tà ko nê ye vi ghàà? Kò àghɨa ko aà və betsiꞋa wòt ŋa nɨŋ nchùꞋ àtsəa zi la à?

ÀfaꞋa 13:10

mbɔ̂ nê, “À wu waã Satàn. À wu wɔ̀mbù̧ àghɨ a ntsɔ̧̀ àgème. Èbɨ̀Ꞌte èŋɔꞋte mènəè e lu̧u̧ a èbèm lê. Àa ntsèka nyɔ̀Ꞌtà mènəè Mbɔ̧ɔ̧mà mu è wu nkûŋ la ezi ane àfɨte.

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

Lûm 14:1

Bɨ̀ baãaã wòt tà bakà zìꞋì nkwèèle ane mènəè Mbɔ̧ɔ̧mà la ntsɔ̧̀, bɨ̀ ka me buꞋu ètsə bɨ̧ ane àghɨa tà wu ghɨ̌, ko baka ghɨ̀ la leꞋ.

Gàlashìà 1:7

È ka lema shua nê èngǎ̧ Mbɔ̧ɔ̧mà ko tsa aà və, ka bòt ko aà və bɔ̀ɔ ŋǎ wɨ̧ ngoꞋ nkɨ etsòke Ntu̧ Ntsɔ̧̀ Yesò Klistò la.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

2 Tèsàlonikà 3:6

Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.

1 Tɔ̀màtià 1:4

Shu abua yɔb nê, bɔ̀ sà tèlète kà ye àtsə, nè ànyaꞋne tèlente bètǎt nyaꞋ ba tu bɔ̀ɔ ndzìa ntɔ̀ la. ÀfaꞋa èghɨ baa a ntsě ane èngǎ̧ Mbɔ̧ɔ̧mà wu ba wu ko, na ba zìà mèntɨ̧ɨ̧ ma ane tò la. Aà ngɨ̀à bòt e kàànà wuê mènəè a kètsìà wɔb.

1 Tɔ̀màtià 1:6

Bòt ko e lùùlà mènəè ntsɔ̧̀ maa, ngà nyɔ a èbem mèngǎ̧ èkèghɨ̧̀.

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.

1 Tɔ̀màtià 5:21

Mâ chɨɨme shù̧ù̧te awê a mbì Mbɔ̧ɔ̧mà nè Yesò Klistò nè bɔntu̧ bu tà làà la nê, yute nkɨ̀a tàa e ŋa la ntsɔ̧̀. Me ghɨ̌ àghɨ àgème kà wua ndɨ̀ŋkà mèsi, à ka mè ngɨ̀ ànəê nê ye kɨ efɨte etɨŋe wòt kǒ.

1 Tɔ̀màtià 6:13

E ngu nkɨ e mě shu awê àyaa nè ànəê. E ngua shua a mbì Mbɔ̧ɔ̧mà wu tàa ndzìà fo ane èghɨ ègème la, bɔ̂ Yesò wu tà li ntɨ̧ a mbì Pontìùs Pȩlèt ngàꞋte shu wòt ye wu wùà la.

2 Tɔ̀màtià 1:6

Ale, e ngua nkù̧ù̧ta awê nê, ko mbɨ̀Ꞌɨ̀ à sàŋ àghɨ yu Mbɔ̧ɔ̧mà li ŋǎ abua yê àfɨ̀Ꞌ yu e ndi nɔ̀ŋè èbu bɔ̧ adù̧ yê la, a fi.

2 Tɔ̀màtià 2:16

Ko mbɨ̀Ꞌɨ̀ à zì ètsəê wê ane mènəè àku mu kà bɔ àbu ane mènəè Mbɔ̧ɔ̧mà la. Èwuu mènəè mbɔŋ nàà mpàa ntsìà bòt tsǐ ane Mbɔ̧ɔ̧mà.

2 Tɔ̀màtià 2:23

Ko mbɨ̀Ꞌɨ̀ à zì ètsəê wê a èbem mèngǎ̧ àku mu bòt àa ndàꞋà kà ko ànəa bɔ shua la. Ko nê, mèngǎ̧ mbɔŋ nàà ndìà wuê nè àyɔ̀ŋ.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

Tȩtɔ̀s 3:1

Neeta shu abua bòt Yesò nê, bɔ̀ me zə bòt bɔ̀ɔ mbà̧aã àlaꞋ la, mè ngɨ̀à àghɨa bɔ shu la, mè me taŋke à màngɨa mènəè ntsɔ̧̀.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

2 Pità 1:13

Mâ mɨɨtè nê aa mbɔ̀ nê è ndɔ̀ktè mèntɨ̧ɨ̧ mɨ̧ nɨŋ nkù̧ù̧te awɨ̧ mbɨ̀Ꞌɨ̀ è mbele yû̧ a nkem yaã la.