2 Tɔ̀màtià 2:12 - Mundani

¹² Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

2 Tɔ̀màtià 2:12 Iomraidhean Croise

Matìù 10:33

Ka wòt tà tɨ̧ɨ̧ a kètsìà bòt ntu̧ am la, maa li tu̧ atò mɨ̧̂ a mbì Tǎt am wu a ègwet la.

Matìù 26:35

Pità nê, “È màà ntsìꞋi wuê àyea màa pfə ba nè la, ko e nka tu̧ laꞋ nê e mbakà ko àwê a!” Bɔkatè ko bu e mè shu wuê a èlɨ mbɔŋ.

Matìù 26:75

Pità kù̧ù̧te ànəa Yesò yaã shu abua zi la, nê “Lu̧nkɔ̀Ꞌ naa me laꞋ nê yea ntɔa aa tû̧ ngò̧ tetat nê ye bakà ko am.” Tà ndzəè ngà àbȩ ndɨ̀ kwàꞋ ànyaꞋne.

Ntu̧ Ntsɔ̧̀ MAK 10:33

“Bɨ̀ zə, ba wua nkɔ̀Ꞌɔ ngà a Jèlusalèm, àdziꞋa bɔ̀ɔ baãaã Waã Wòt, ezǐ atò a tèkitebu bètǎt bèntsìà mèpɨ̧̀ Mbɔ̧ɔ̧mà nè bènyɨꞋtà mbɨ̧te Musì, bɔɔ saꞋa tò e ghɨ̌ bɔɔ bùŋe atò la.

Ntu̧ Ntsɔ̧̀ MAK 8:38

Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”

Lûk 12:9

Ka wòt tà tu̧ nê ye ntsě wòt am la, Waã Wòt naa li tu̧ atò a mbì bɔntu̧ Mbɔ̧ɔ̧mà.

Lûk 22:29

Ale, mbɨ̀Ꞌɨ̀ Tǎt am è yɔꞋ am ane Fɔ̧̀ la, wu ndɨ màa yɔꞋɔ awɨ̧ la.

Lûk 22:30

Bɨa li jɨ e mě nu ne nà̧ àfɨꞋa màa li tseke a ègwet àtɨ̧ kèfɔ̧̀ am la. ÀfɨꞋa mbɔŋ bɨa tsekte a ègwet ètɨ̧ nɨ̧, ka me saꞋa lətelob bòt Izəèlȩê tu èghem ntsɔ̀b tebe la.”

Lûk 9:26

Ale, àtsəa wòt a me kɔꞋɔ ambo yaã nè mèngǎ̧ mɔ̧, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ vi, nè we Tǎt vi bɔ̂ bɔntu̧ bi la.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

Lûm 5:17

È wu nê kàbɔ̀ŋ wòt wemɔ̀Ꞌ li ngɨ̀ èvə e kɨꞋɨ adù̧ wòt ègème, ko àghɨ yu wekǒ nè wòt li ngɨ̀ la, a tsè àyea mbɔŋ nyaŋ. Tà li ngɨ̀ nê bòt bu bàgème tà nyɨꞋte a ntsɔ̧̀ vi ànyaꞋne abua yɔb, bɔ mè ntsìꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, è bɔ mèmpème kàlìà, me ntsè àghɨ àgème, nkàà àghɨa Yesò Klistò è ghɨ̀ la.

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

Filìpȩ 1:28

Ko mbɨ̀Ꞌɨ̀ bɨ bê mbɔ̀ɔ bɔmbù̧ bɨ̧. Bɨ bakà bɔɔ̀, ko àyaa aa nyɨꞋte awɔb nê, bɔɔ leme, ka bɨ bɔ̂ ngu epeme, nkàà nê wu Mbɔ̧ɔ̧mà ka tàa ŋǎ mèmpème mbɔŋ abua yɨ̧ la.

1 Tɔ̀màtià 5:8

Wòt bakà wua ndɨ̀ŋkà bòt àndà̧ àzi, tè ngwaꞋ fɔ̀ɔ̀le bòt èbem lob zi, ŋut ko nê ye tu̧ alu̧ Yesò. Tà ghɨ̀ ale, tà ko nê ye bɨɨ te ntsè wòt kà zì èntɨ̧ɨ̧ vi ane Yesò.

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.

Ètsə 1:6

Tà li ngɨ̀ àwa ane bòt lèfɔ̧̀ vi, nê ba wu bèntsìà mèpɨ̧̀ bɔ̀ɔ ngɨ̀à àfaꞋa Tǎt vi Mbɔ̧ɔ̧mà la. Maà shù̧ù̧ta nê mèngùꞋte nè mètàŋ è wu abua Yesò Klistò ane àlia nè àlia. Àmèn.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 2:13

Mâ ko àdziꞋa bɨ̀a ntsèka la, wu àdziꞋa àtɨ̧a kèfɔ̧̀ Satàn à wu abot la. Mâ koê nê bɨ bakà li mè tu̧ nê bɨ wu bòt bɔ̧. Bɨ li bɨ̀ ka tsi mèntɨ̧ɨ̧ mɨ̧ ane yaã ka wuê àfɨꞋa bɔ li mbùŋa Antipà wu tà li ngua nkuŋe am nè èntɨ̧ɨ̧ vi wemɔꞋ la. Bɔ li mbùŋe atò a kètsìà wɨ̧, àdziꞋa Satàn nàa ntsèka la, nkàà ndɨ tà li ngua ndàꞋa èngǎ̧ am la.

Ètsə 20:4

E mè ndzè ètɨ̧ kèfɔ̧̀ bɔ ŋa mètàŋ abua bòt bɔ tsekte a ègwet la, bɔɔ me saꞋa mènəè. Mè ndzě èlɨ̀ŋkè bòt bu bɔ li ndòòte ètsə bɔb nkàà ndɨ bɔ̀ɔ shua nê bɔ bɨ̧ɨ̧ne ane Yesò Klistò, mè me làꞋa èngǎ̧ Mbɔ̧ɔ̧mà la. Eyaa wu bòt bu bɔ li bɔ̀ kà wuꞋtè nyà̧mɔ̀Ꞌ yu bɔ̂ wamâlem tò wu la, mè ntu̧ enɨ àlȩê tò yu a mèsi mɔb nè èbu bɔb la. Bòt mbɔŋ e li njù̧ù̧me me baãaã èlaꞋ bɔ̂ Yesò Klistò ba mbɨ̀Ꞌɨ̀ bèfɔ̧̀ ane mèngùꞋebȩ tɔsì.

Ètsə 20:6

Ntsɔ̧̀ wu bòt bu bɔ̀ɔ li yu̧u̧me ayɔɔ bòt mbì bàa la. Bɔ wu bòt Mbɔ̧ɔ̧mà. Èvə lu wòt nàa mpfəa mè mpfəa la è ka li tsi e bɔ mètàŋ a ègwet lɔb a. Bɔɔ li wu bèntsìà mèpɨ̧̀ Mbɔ̧ɔ̧mà bɔ̂ Yesò Klistò ba, e mě me baãaã èlaꞋ mbɨ̀Ꞌɨ̀ bèfɔ̧̀ nè Yesò ane mèngùꞋebȩ tɔsì.

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.

Ètsə 3:8

Mâ ko èghɨ bɨ̀a ngɨ̀à la. Bɨ̀ ye, mâ tsɔꞋɔ ètsələèꞋ abua yɨ̧ betsiꞋa wòt kà koê ngàbà la. Mâ ko nê bɨ batè mbɔ wuê adziꞋi mètàŋ ale, ka mbɔ̀ me ghɨ̀ àghɨa mâ shu la, bɨ̀ ka mè ntu̧ èlen laã.

Ètsə 5:10

À ghɨ̀ àwɔb ane bòt lèfɔ̧̀ wê, bɔ mè ngu bèntsìà mèpɨ̧̀ abua Tǎt wa Mbɔ̧ɔ̧mà. Bɔ̀ɔ li me baãaã ngɔ̀ŋ yaa.”