2 Tɔ̀màtià 1:5 - Mundani

⁵ Maa mè nkù̧ù̧ta ndɨ à li ndzì èntɨ̧ɨ̧ wê ane Yesò, wuê mbɨ̀Ꞌɨ̀ nyɨ̌ jûŋ wê Lɔsì bɔ̂ nyɨ̌ wè Yunìs e li ndzì mɔb la. Mâ lâ nko nê èntɨ̧ɨ̧ wê ewu wuê ane tò.

2 Tɔ̀màtià 1:5 Iomraidhean Croise

Jɔ̌n 1:47

ÀfɨꞋa Yesò yea Nàtanìà nkɨ̀Ꞌa la, tà nê, “Bɨ̀ ye ngule wòt Izəèlȩê, kà ye ànəa fɨte ane zi!”

ÀfaꞋa 16:1

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.

ÀfaꞋa 26:26

Fɔ̧̀ Aglipà, à ko mènəè maa ègème, è wu ale, e ngu elàꞋa abua yê kà bɔ̀â. Mâ ye nê, ànəa ko ane ngaa kà à koê a ntsě, nkàà nê mènəè ngaa li è ka wua ntsèà a ntsèm.

Lûm 14:14

Mâ lâ nko, ndɨ̀ wu è ntsiꞋi àghɨ yeamɔꞋ nè Yesò Lefɨ̀Ꞌ la nê àghɨa jɨ ako àa mbɨ̀a a mànjɨa la a ntsě, ka wòt yèa nê àghɨa ko bɔ̀ɔ njɨ̀a la wu àghɨa kàbɔ̀ŋ, mbɔ̂ njɨ, ko wu kàbɔ̀ŋ tà ghɨ̀ la.

Lûm 14:5

Wòt kǒ nàa ngɨ̀ tà me nɨ àlia ko nê wu àlia nɨ̧, ka wekǒ me nɨ èli ègème nê aà ndɨŋndɨ̀ŋ. Ka tsiꞋ waa waa lâ nko nê àyea àa èntɨ̧ɨ̧ vi la wu ndɨ a bɔ ndɨ àa wu la.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

Lûm 4:21

Tà li mbê ndâ mbɨ̧̀ɨ̧̀ne nê, Mbɔ̧ɔ̧mà bɔ mètàŋ e ghɨ̀ àghɨa tà kàꞋa tò nê yea ghɨ̀ la.

Lûm 8:38

Mâ lâ nko nê betsiꞋa èvə, kò màngua yu̧, kò bɔntu̧ Mbɔ̧ɔ̧mà, kò fo tu a ègwet te bɔ àtɔŋ nè mètàŋ la, kò èghɨ àa àfɨ̀Ꞌ yaa la, kò èbe nga kɨꞋɨ la leꞋ,

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Tɔ̀màtià 3:15

mè nko ànəa Àkata Mbɔ̧ɔ̧mà a shua la, e bùꞋù tê àfɨ̀Ꞌ yu à li mbèle watèchɨɨle la. Letà waa nàa nyɨ̀Ꞌta ndɨ betsiꞋa à bɔ̌ èyì wu àa ghɨ̌ aa zǐ èntɨ̧ɨ̧ wê ane Yesò Klistò mbɨ̀Ꞌɨ̀ Mbɔ̧ɔ̧mà naa ŋa awê mèmpème mi la.

Ebùlù 11:13

Bòt baa bàgème bɔ tɨ̧ɨ̧ tèlen tɔb la e li me pfəꞋte mèntɨ̧ɨ̧ mɔb bele wuê ane Mbɔ̧ɔ̧mà, mbɔ̂ me pfəꞋte ale èghɨ bu Mbɔ̧ɔ̧mà li nkàꞋ la e bele kà ko àfɨꞋa àa li lɔ̀Ꞌɔ̀ ewu la. Ka bɔ li ndzaŋe eye bùà tea a endɨ̌ sèè. Mbɨ̀Ꞌɨ̀ bɔ ye ale la, bɔ bɨ̧ɨ̧nè nê bɔ wu bègɨ̧̀, mè ngu bòt ntsèa tsě a sitsǎꞋ ŋàa la.

Ebùlù 6:9

Ngule bèshu̧ bɔ̧, ba batè ndàꞋ anè ale, ka mbɔ̂ nga ane ànəa yɨ̧ ndâ nko nê bɨa nga egha ane alu̧ ntsɔ̧̀ wu Mbɔ̧ɔ̧mà nàa ghɨ̌ bɨa bɔ mèmpème la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.