2 Tɔ̀màtià 1:14 - Mundani

¹⁴ Neeta mbààbe èghɨ nkûŋ bu Fo Kèfə yu nàa ntsèka ane ya la è zì a tèkitebu tê la.

2 Tɔ̀màtià 1:14 Iomraidhean Croise

Lûk 16:11

Ale, tè bɨ bakà ko mbà̧à̧te èghɨ sitsǎꞋ yàa ndɨŋndɨ̀ŋ, ko wàà naa li lɔ̀Ꞌɔ evi àghɨa ko eŋa abua yɨ̧ nê wu àyɨ̧ à?

Jɔ̌n 14:17

Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.

Lûm 3:2

Àbȩ̀ a taꞋa wu ane èghɨ bàa, ane abà àgème. Enɨ bùꞋu, Mbɔ̧ɔ̧mà li ndzì èngǎ̧ vi a tèkitebu Bèjuê.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

1 Kɔlìn 3:16

Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?

1 Kɔlìn 6:19

Bɨ bakà ko nê mbɨ̧̀ ènyit yɨ̧ wu lob Fo Kèfə yu è dzə abua Mbɔ̧ɔ̧mà la à? Bɨ ntsě àtsəa yɨ̧.

1 Kɔlìn 9:17

Mâ ghɨ̀ ale, ngua ngɨ̀à àyaa ane mènkɔ̀ŋke mɔ̧, ko maa bɔ àbȩ̀, ka ndɨ̀ wu màa ka ghɨ ane mènkɔ̀ŋke mɔ̧ la, ko wu Mbɔ̧ɔ̧mà ka tà zǐ àfaꞋa mbɔŋ a tèkitebu taã nê è me ghɨ̀ la.

2 Kɔlìn 5:16

Ale, ebuꞋu àfɨ̀Ꞌ yaa e me ghà ne mbì, ba kà tsi ndzè àghɨa wòt wu yùà la ane ndɨ bɔbȩ àa ndzea la. Wu nkûŋ nê e ndi mbàte ngua ndzea Yesò Klistò ane èlɨ bɔbȩ àa ndzea la, ka maa kà tsi ndze a èlɨ mbɔŋ àfɨ̀Ꞌ yaa.

Gàlashìà 2:7

Ka bɔ li ndzè na Mbɔ̧ɔ̧mà zi ànəa màndaꞋa Ntu̧ Ntsɔ̧̀ zi abua bòt kà wu Bèjuê a tèkitebu taã wuê mbɨ̀Ꞌɨ̀ tà li ndzì ànəa màndaꞋa èngǎ̧ vi abua Bèjuê a tèkitebu Pità la.

Efesɔ̀s 2:22

Tàà fèta wɨ̧ mɨ̧̂ ndzia ayɔɔ bòt Mbɔ̧ɔ̧mà ko mbɨ̀Ꞌɨ̀ bɨ̀agème aa tsiꞋi àdziꞋa Fo Mbɔ̧ɔ̧mà nàa ntsèka la.

Efesɔ̀s 5:18

Bɨ̀ ka tsi mbè mèlùꞋ, è wù àghɨa àa ngɨ̀à bɨ ghɨ̀à mènəè mbɨ̀Ꞌɨ̀ èkèghɨ̧̀ la, ka bɨ̀ tsiꞋ Fo Mbɔ̧ɔ̧mà lu̧u̧ a mèntɨ̧ɨ̧ mɨ̧.

Kɔ̀losìà 4:11

Yesò wu èlen tò ko wu Justùs la nàà ntsàꞋtà wɨ̧ mɨ̧̂. Ane Bèjuê bu bɔ zì mèntɨ̧ɨ̧ mɔb ane Yesò Klistò la, wu ndàꞋà bòt baa batat ba tò ba àa fàꞋà nɔ̂ mbɨ̀Ꞌɨ̀ e ghɨ̌ Kèfɔ̧̀ Mbɔ̧ɔ̧mà naa kɨꞋɨ la. Bɔ taꞋa tɨŋe am.

1 Tèsàlonikà 5:19

Bɨ̀ ka nkàle àfaꞋa Fo Mbɔ̧ɔ̧mà.

1 Tɔ̀màtià 1:11

Mènəè maa e dzə a èbem Ntu̧ Ntsɔ̧̀ yu Mbɔ̧ɔ̧mà li ndzì a tèkitebu taã nê è me tsɔ̀tè la. Ntu̧ mbɔŋ nàà nyɨ̀Ꞌta ènɨ̧ Mbɔ̧ɔ̧mà wu, tà wû ndàꞋ wòt bòt àa ngùꞋtà la.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.