1 Tɔ̀màtià 6:9 - Mundani

⁹ Ka, wòt nàa ngɨ̀ tà bela nkɨ̀a èghɨ nyaŋ, tà kwene a èbem àtaã Satàn, ntsìꞋi me kɔ̀ŋkè èkèghɨ̧̀ èghɨ bu àa ntsòkà wòt ndììma tò nènkèm la.

1 Tɔ̀màtià 6:9 Iomraidhean Croise

Matìù 13:22

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.

Matìù 19:22

Mbɨ̀Ꞌɨ̀ wakèsà wu zə ànəê yaa la, tà lɔ̀Ꞌɔ me ghǎ ane tèsȩ, nkàà nê tà li ntaꞋa bɔ èghɨ nyaŋ.

Matìù 26:15

mbììte awɔb nê, “E fɨ̧̀ɨ̧̀ne a Yesò abua yɨ̧ ko bɨ̀a ŋa ghà abua am à?” Tà biite ale, bɔ ŋa tò èkwȩkab èghem yetat.

Matìù 6:19

“Bɨ̀ ka nɔ̀ŋè èghɨ èkab bɨ̧ a sitsǎꞋ, adzìꞋa èsoꞋo e bakà kwet ko àwèlàka aa baãaã, mbə bètsɔŋ e bəꞋə lob nyi nɨŋ la.

Ntu̧ Ntsɔ̧̀ MAK 4:19

ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.

Lûk 12:21

Yesò me paa èngǎ̧ vi nê, “Eyaa ndɨ àa li wu ane wòt ègème tàa fèta èghɨ nyaŋ mpàŋa abua zi zìambɔŋ a sitsǎꞋ ŋàa, ka mbɔ̂ ngu wòt ntseb a mbì Mbɔ̧ɔ̧mà la.”

Lûk 21:35

nkàà nê, àlia ngaa aa li kɨꞋɨ kwene ane bòt bàgème bɔ̀ wu a sitsǎꞋ ŋàa la.

ÀfaꞋa 8:20

Pità bɨ̀ɨ̀lè nê, “Tè bɨ èkab wê wu è lem, ndɨ̀ wu à kwaꞋtè nê betsiꞋa bɔ yu̧ mètàŋ Mbɔ̧ɔ̧mà ane èkab la.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

1 Tɔ̀màtià 1:9

Ba chɨɨme nko ntsɔ̧̀ nê, Mbɔ̧ɔ̧mà li tà kà wua ngɨ̀à mbɨ̧ taa abua bòt bɔ tɨ̧ɨ̧ ndɨŋndɨ̀ŋ la. Tà li ngùa ngɨ̀à mbɨ̧tsə abua bòt bɔ̀ɔ mpààtà mbɨ̧tsə la, nè bòt àtsə àkekweelè. Mbɨ̧tsə te wu abua bòt bu bɔ̀ɔ ntsò̧ò̧ta a Mbɔ̧ɔ̧mà, mè ngɨ̀à mènəè kàbɔ̀ŋ la. Mè ngu abua bòt bu mènəè mɔb bakà tɨ̧ɨ̧ ndɨŋndɨ̀ŋ a mbì tò la, mè nè bòt bu bɔ̀ɔ ntsòꞋa èngǎ̧ tò la. Mbɔ̧ɔ̧mà li mèe ngɨ̀ mbɨ̧ taa abua bòt bu bɔ̀ɔ mbùŋà bètǎt bɔb nè bènyɨ̌ bɔb la, nè waa waa tàa mbùŋa bɔbȩ la.

1 Tɔ̀màtià 3:7

Wòt àtsəa bòt Yesò è bɔ̂ ndɨ tàa wu wòt bòt nàbȩ̂ àa ka laꞋa kàbɔ̀ŋ adù̧ tò la, mbɨ̀Ꞌɨ̀ ka tà lòo èku vi, nkwene a èbem àtaã Satàn.

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

2 Tɔ̀màtià 2:26

A wu ale, ko ateko mèyǐ mɔb naa mě ekua tê bɔɔ dzəâ a èbem àtaã Satàn yu a li mbà̧à̧ àwɔb bɔ tsiꞋa nkùŋà mènəè tò la.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.