1 Tɔ̀màtià 6:5 - Mundani

⁵ Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

1 Tɔ̀màtià 6:5 Iomraidhean Croise

Matìù 12:33

“À me kɨ tètaãaãte àyɨt a ntsɔ̧̀, à kɨ àyɨt àa mbèꞋnà la. À bɔ àyɨt kàbɔ̀ŋ ko tètaãaãte tò tea me bɨɨ. Bɔɔ̀ nkoà àyɨt àgème ane tètaãaãte tò.

Matìù 21:13

Tà ghɨ̀ ale, shu abua yɔb nê “Àkate a Mbɔ̧ɔ̧mà a laꞋ ne, ‘Lob yaã wu lob bɔ̀ɔ me tsàꞋtè am a èbèm la’, ka bɨ nɨŋ ngɨ̀ è tsìꞋi àdziꞋa bètsɔŋ aa nkɨ̀Ꞌa ndɔ̧̀ɔ̧̀tà la.”

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

1 Kɔlìn 11:16

Ka wòt bakà ye ne nà̧ ane ànəê yaa, ko ndàꞋ ànəa màa shu la wu nê, bàa nè bèchɔsì Mbɔ̧ɔ̧mà e bakà bɔ èlɨ̀ ko tsa bàa nɨa ntsàꞋta Mbɔ̧ɔ̧mà la.

2 Tèsàlonikà 3:6

Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.

1 Tɔ̀màtià 1:6

Bòt ko e lùùlà mènəè ntsɔ̧̀ maa, ngà nyɔ a èbem mèngǎ̧ èkèghɨ̧̀.

1 Tɔ̀màtià 3:3

Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

1 Tɔ̀màtià 3:8

Bèdikɨ̀n mɨ̧̂ e bɔ̂ ndɨ bɔ̀ɔ wu bòt mènəè ntsɔ̧̀ la, bɔ̀ ka me fible bòt. Bɔ̀ ka me nu mèlùꞋ nyaŋ, bɔ̀ ka me kɨ nê àghɨ àgème wu ayɔb.

1 Tɔ̀màtià 4:7

Ko mbɨ̀Ꞌɨ̀ à yute tèlete èkèghɨ̧̀ tu bòt àa ndzèa ngoꞋ ntsàà kà te bɔ ànəê ane èngǎ̧ Mbɔ̧ɔ̧mà la. Me taŋke awê ndɨ àa me tseke wuê mbɨ̀Ꞌɨ̀ Mbɔ̧ɔ̧mà è kɨa la.

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.

1 Tɔ̀màtià 6:6

Ka bòt bu bɔ̀ɔ ndzə wuê a Mbɔ̧ɔ̧mà, mě me yele àghɨa bɔ bɔ la, e lâ mbɔ̀ ngule àbȩ̀.

2 Tɔ̀màtià 3:5

Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

2 Tɔ̀màtià 3:8

Bòt mbɔŋ bɔ̀ɔ ngèèba ale la aa ntù̧a mènəè nkûŋ wuê mbɨ̀Ꞌɨ̀ Janèsìs bɔ̂ Jamblès è le tu̧u̧ mènəè mu Musì li ngua ndàꞋà la. Eyaa wu bòt bɔ̀ɔ ka tsi nko nkwàꞋtè mènəè ntsɔ̧̀, mèntɨ̧ɨ̧ mɔb ka meè ndâ ngu ane Yesò la.

Tȩtɔ̀s 1:11

Bòt bu àtsəa bòt Yesò la e bɔ̂ ndɨ bɔ̀ɔ ghɨ̌ bèŋût aa kate mètsəê mɔb la, nkàà nê bɔɔ̀ ngèèba ntsòkà lobte bòt, nyɨ̀Ꞌta awɔb mènəè bɔ ghɨ bɔ̀ ka wu nyɨꞋte la. Bɔɔ̀ nyɨ̀Ꞌta mènəè maa anè ngua nkɨà wuê èkab, ale nko nê bɔ loà mèkù mɔb.

2 Pità 2:15

Bɔ sà èlu̧ ntsɔ̧̀ ntsìꞋa nkùŋà èwe kàbɔ̀ŋ. Bɔ tsiꞋi kùŋè wuê tèkate Balààm waã Beò wu tà li nkɔ̀ŋkè e ghɨ a kàbɔ̀ŋ, mbɨ̀Ꞌɨ̀ ebɔ èkab ane àbȩ̀ àzi la.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.

Ètsə 18:13

Nè èghɨ e bɔ èghaa ntsɔ̧̀ la, mbɨ̀Ꞌɨ̀ àyɨt ko bɔ̀ɔ ntɔ ane sinamɔ̀n la, nè tènùꞋatsə, nè mèwet kǒ bɔ̀ɔ nto̧a la, nè məə, nè èwuu èlȩê ko, nè mèlùꞋ nè mèwet, nè flawà ntsɔ̧̀ nè èwuu ntsəètè ko nè mpɔ̀ŋtsə nè njɨ̀tsə, nè bèloà, nè bèmatùà ko bèloà àa səèà la, ndɔ̀Ꞌ nè èbùꞋ, è wu bɔbȩ la.

Ètsə 18:3

Tà ŋa mèlùꞋ àfàꞋa mànjɨa àbȩ, tè bòt sitsǎꞋ e nu mbe, bèfɔ̧̀ sitsǎꞋ e mè mpàꞋte atò. Bòt tèwen e mè ntsìꞋi bòt èkab nkàà èghɨ bu tàa nəèꞋa vi a èbèm la.”