1 Tɔ̀màtià 6:4 - Mundani

⁴ ŋut wua ŋèꞋa avi a ègwet, ntanda nê ye ko àghɨ ako ale, ka àghɨ à ka wu àtsə atò. ÀfàꞋ atò a kùꞋu ndɨ tàa me ghɨ̧̀ɨ̧̀na ndzɔ̀ mè nkàànà mèngà̧ la. Àyaa aà ndìꞋa ghòꞋnà, nè àyɔ̀ŋ, bɔ̂ tèntsɔ̧̀ɔ̧̀mètsə, mè ngɨ̀à bòt e mɨ̀ɨ̀tà kàbɔ̀ŋ adù̧ bɔnyɨ bɔb.

1 Tɔ̀màtià 6:4 Iomraidhean Croise

ÀfaꞋa 15:2

Pɔ̂l bɔ̂ Bànabasì e taꞋa kààne ànəê yaa mè ndzɔ̀ŋ bɔ̂ tò ba. Mbɨ̀Ꞌɨ̀ àyɔ̀ŋ yu a dzə a si la, bɔ làŋkè nê Pɔ̂l bɔ̂ Bànabasì nè èbeko nè bòt Yesò a Antìɔ̀k e gha a Jèlusalèm ndzè bɔntu̧ Yesò ko bu nè bɔɔjuŋ ayɔɔ bòt Yesò ane ànəa ngaa.

ÀfaꞋa 18:15

Ka ndɨ̀ wu è wu ànəa bɨ kaana adù̧ mèngà̧, nè tèlentsə, nè mbɨ̧ tɨ̧ bɨ̀ambɔŋ la, bɨ bɔ̂ ndɨ bɨ̀a tsɔꞋte ayea ngaa bɨ̀ambɔŋ la. BetsiꞋa è nka saꞋa èwuu mènəè ale.”

ÀfaꞋa 8:9

Wòt kǒ li ngu àpfəa nɨ̧ və bɔ me tɔ atò nê Simùn. Tà ghɨ̀ tà lute tèkaŋtsə tè ànəa ngaa a bê ntsè wòt ègème a Sàmalìà. Simùn waa ghɨ̀ tà me wu̧u̧ nkùꞋ zi shua nê ye ghe.

Lûm 12:16

Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Lûm 14:1

Bɨ̀ baãaã wòt tà bakà zìꞋì nkwèèle ane mènəè Mbɔ̧ɔ̧mà la ntsɔ̧̀, bɨ̀ ka me buꞋu ètsə bɨ̧ ane àghɨa tà wu ghɨ̌, ko baka ghɨ̀ la leꞋ.

Lûm 2:8

Ka è me wu bòt bu bɔ̀ɔ nkɨà nê àghɨ àgème a wu wu ayɔb la, mè ntu̧u̧ bɨ̧ɨ̧ne ànəa nkûŋ yu a dzə abua Mbɔ̧ɔ̧mà la, me ghɨ̀ wuê mènəè kàbɔ̀ŋ la, ko Mbɔ̧ɔ̧mà naa nyɨꞋte ntsǒ zi, enɔ̀ŋe ngoꞋ kèkweelè a ègwet lɔb.

1 Kɔlìn 11:16

Ka wòt bakà ye ne nà̧ ane ànəê yaa, ko ndàꞋ ànəa màa shu la wu nê, bàa nè bèchɔsì Mbɔ̧ɔ̧mà e bakà bɔ èlɨ̀ ko tsa bàa nɨa ntsàꞋta Mbɔ̧ɔ̧mà la.

1 Kɔlìn 11:18

Ànəa mbì wu nê, mâ zə nê bɨ̀a ngɨ̀ bɨ̀ bù̧ù̧tè mbɨꞋɨ̀ bòt chɔsì, àghàbtè a wu a kètsìà wɨ̧, e mbɔ̂ nko nê, àdziꞋ nkûŋ aa ane ànəa mbɔŋ.

1 Kɔlìn 3:18

Ko mbɨ̀Ꞌɨ̀ wòt fɨ̀te avi. Wòt kǒ ane yɨ̧ me mɨ̀ɨ̀te nê ye bɔ èyì ane ndɨ bòt ngɔ̀ŋ àa mɨ̀ɨ̀tà la, tà tsiꞋi nɨ avi mbɨ̀Ꞌɨ̀ àkèghɨ̧̀ mbɨ̀Ꞌɨ̀ lâ bɔ èyì.

1 Kɔlìn 3:3

nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.

2 Kɔlìn 11:20

Wòt nàa ngɨ̀ tà kɨꞋɨ bɨ sàŋ tà nɨ̀ àwɨ̧ mbɨ̀Ꞌɨ̀ èbùꞋ, me fible awɨ̧ nɨa èghɨ bɨ̧, ntsèka a ègwet lɨ̧, mè ntsò̧ò̧tà wɨ̧.

Gàlashìà 5:15

È wu nê bɨa ndù̧a bɔnyɨ bɨ nkwèla, bɨ me ko awɨ̧, mbɨ̀Ꞌɨ̀ ka bɨ bela ngɨ̀à ndììme awɨ̧ bɨ̀ambɔŋ.

Gàlashìà 5:26

Bà ka me ŋeꞋe tèkwȩ ta a ègwet è shua nê baa wu àghɨa kà wu yùà, ngwȩ̀ȩ̀tà bɔnyɨ ba, mè ngòꞋnà èghɨ bɔnyɨ ba nkɨà nê è wu tsiꞋi eba.

Gàlashìà 6:3

Wòt me mɨ̀ɨ̀te nê ye wu àghɨa ko, kà lem ngu àghɨ, tà wua fɨ̀ta avi zìambɔŋ.

Filìpȩ 1:15

Wu nkûŋ nê, bòt ko ane yɔb aà ntsɔ̀tà Ntu̧ Ntsɔ̧̀ Yesò Klistò nè ghòꞋnà nùà nkɨ enɨ àdziꞋa am ka bòt ko e bɔ̂ nguê bɔ̀ɔ ntsɔ̀tà ntu̧ yu nè èntɨ̧ɨ̧ kèfə,

Filìpȩ 2:14

Bɨ̀ me ghɨ̀ mènəè ègème kà wua nkùùla mèsi mɨ̧, bɨ̀ ka mè me kààne ànəê.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

2 Tèsàlonikà 2:4

Taa kɨꞋɨ etu̧u̧ àghɨ àgème bòt àa ngùꞋtà nê wu mbɔ̧ɔ̧mà la, e me ŋeꞋe avi a ègwet shua nê ye tse bùà ègème. Taa ghǎ fɔɔle a èbem lob nɨ̧ Mbɔ̧ɔ̧mà, e tseke a èbem e me shu bòt nê zìambɔŋ ka ye wu Mbɔ̧ɔ̧mà la.

1 Tɔ̀màtià 1:4

Shu abua yɔb nê, bɔ̀ sà tèlète kà ye àtsə, nè ànyaꞋne tèlente bètǎt nyaꞋ ba tu bɔ̀ɔ ndzìa ntɔ̀ la. ÀfaꞋa èghɨ baa a ntsě ane èngǎ̧ Mbɔ̧ɔ̧mà wu ba wu ko, na ba zìà mèntɨ̧ɨ̧ ma ane tò la. Aà ngɨ̀à bòt e kàànà wuê mènəè a kètsìà wɔb.

1 Tɔ̀màtià 1:7

Bɔɔ̀ nkɨ̀ ewu bènyɨꞋtà mbɨ̧te Mbɔ̧ɔ̧mà, ka bɔ̀ ka ko mèngà̧ mu bɔ nyɨꞋtà la, nè èghɨ bu bɔ̀ɔ ngù̧a nkùꞋ tɔb ndàꞋà la.

1 Tɔ̀màtià 3:6

Ko mbɨ̀Ꞌɨ̀ bɨ nɨ wòt tà bèla ndzìà èntɨ̧ɨ̧ vi zǐ ane Yesò la ndzì àtsəa bòt Yesò, mbɨ̀Ꞌɨ̀ tà me ŋeꞋe avi a ègwet Mbɔ̧ɔ̧mà tsǐ mpəəte tò, mbɨ̀Ꞌɨ̀ tà li ngɨ̀ nè Satàn la.

2 Tɔ̀màtià 2:14

Ghɨ̌ bòt bê è ku̧u̧te mèngà̧ mu e shu awê la, mè nèètè səèŋkè ètû̧ bɔb a mbì Mbɔ̧ɔ̧mà nê, bɔ̀ ka me yɔ̌ a ègwet mèngǎ̧ àku. Nê, lə mèngǎ̧ àku è ntsě, nàà ntsòkà wuê mèntɨ̧ɨ̧ bòt bu bɔ̀ɔ njùtâ mèngǎ̧ mbɔŋ la.

2 Tɔ̀màtià 2:23

Ko mbɨ̀Ꞌɨ̀ à zì ètsəê wê a èbem mèngǎ̧ àku mu bòt àa ndàꞋà kà ko ànəa bɔ shua la. Ko nê, mèngǎ̧ mbɔŋ nàà ndìà wuê nè àyɔ̀ŋ.

2 Tɔ̀màtià 3:4

Bòt aa li tsiꞋa ndàꞋà mèngà̧ nɨ̀a fɨ̧̀ɨ̧̀nà beko, ngɨ̀à mènəè èkèghɨ̧̀ ŋèꞋa tèkwȩ tɔb a ègwet kwàꞋ ànyaꞋne. Bɔɔ li tsiꞋa nkɔ̀ŋkà wuê èghɨ àa mbɔ̀ àwɔb la, tè ntse a Mbɔ̧ɔ̧mà.

Tȩtɔ̀s 3:9

È me wu awê, ko mâ laꞋnê ka ndzì ètsəê wê ane mèngǎ̧ èkèghɨ̧̀. Bòt e me kààne ànəê adù̧ èseele tèlente bètǎt nyaꞋ ba, à ka ntɨ̧ɨ̧ abot, à ka ndzɔ̀ bɨ wòt. Bɨ wòt è ka nkàànè ànəê adù̧ mbɨ̧te Musì. Mènəè ngaa wu mènəè àku, kà wua ntɨ̀ŋa bòt.

Jimsì 1:19

Ngule bɔnyɨ, bɨ̀ me ku̧u̧te èngà̧ waa nê, wòt ègème me yàŋa ndzəa ànəê, ka tà ka me làꞋa kwàla, tà ka mè me tsoo kwàla.

2 Pità 2:12

Ka bòt baa aa ndàꞋa kàbɔ̀ŋ ane mènəè bɔ̀ baka ko la. Bɔɔ mbɨ̀Ꞌɨ̀ nyaãtebàꞋ kà wua kwàꞋtà ànəê, bɔ bi awɔb wuê mbɨ̀Ꞌɨ̀ eliime la. Bɔ̀ɔ wàa aa li eleme wuê mbɨ̀Ꞌɨ̀ nyaãtebàꞋ tèa ndèma la.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

Jûd 1:10

Ka bòt ba aà ndàꞋa kàbɔ̀ŋ adù̧ ànəê àgème bɔ̀ bakà ko la. Bɔɔ ngɨ̀à mènəè mbɨ̀Ꞌɨ̀ mbɨ̧te ènyit tɔb tèa nkɨà la kà kwàꞋtè, wuê mbɨ̀Ꞌɨ̀ banyaãbàꞋ. Bɔɔ ye ngoꞋ nkàà èghɨ bàa.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.

Ètsə 3:17

Bɨà shua nê bɨ wu bòt èsi ntsɔ̧̀, mbɔ àghɨ àgème, tè bɨ ka tsi ngua mbùa àghɨ. Ka bɨà shua ale bɨ̀ ka lem nko nê bɨ bakà bɔ àghɨ, ngu mbɨ̀Ꞌɨ̀ bòt bòt aa me ku tèsȩ tɨ̧ la, ngȩ̀ȩ̀nà mbɨ̀Ꞌɨ̀ bòt ntseb kà kwaãaã ndǐtsə, mè ngu mbɨ̀Ꞌɨ̀ bòt àghɨ àleme.