1 Tɔ̀màtià 6:14 - Mundani

¹⁴ Mâ shu awê nê, ghɨ àghɨ àgème e shua nê à ghɨa la kà ŋɔꞋte ànəê adù̧. Ko mbɨ̀Ꞌɨ̀ à ghɨ̀ ànəê àko ndɨ bòt àa fèèlè awê la, tè ndɨ Yesò Klistò Lefɨ̀Ꞌ wa nàa li e mě kɨꞋɨ la.

1 Tɔ̀màtià 6:14 Iomraidhean Croise

1 Kɔlìn 1:8

Taa ghɨ̌ èngǎ̧ waa aa shɨꞋɨ a mèntɨ̧ɨ̧ mɨ̧ te ghǎ e dzəâ ane àli yu tàa mě kɨꞋɨ la, tè wòt naa baka ye àghɨa tàa fèèlè àwɨ̧ adù̧ ane àlia ngaa la.

Efesɔ̀s 5:27

Tà li ngɨ̀ anè mbɨ̀Ꞌɨ̀ enɨ a chɔsì waa ane ndzà zi è ghe nàa mbɔ̀ la, kà ye a kàbɔ̀ŋ adù̧, àghɨ à ka wuê betsiꞋa bɔ fèèle atò adù̧ la. Bɔɔ mbɨ̀Ꞌɨ̀ wòt kà ye àlɔꞋ ane zi, kà ye ka wuê adziꞋi kàbɔ̀ŋ ane zi nè àghɨa ko tsa betsiꞋa a tsòkè wòt la.

Filìpȩ 1:10

A wu ale, ko bɨa me ntsèka nkoa àghɨa è wù àyea ntsɔ̧̀ la. Ko bɨa tsiꞋi bòt mèntɨ̧ɨ̧ kèfə, kà wòt wuê ko eshu nê bɨ ghɨa kàbɔ̀ŋ te eghǎ edzə ane àli yu Yesò Klistò nàa li e mě ekɨꞋɨ la.

Filìpȩ 1:6

Mâ lâ nkoê nkûŋ nkûŋ nê, Mbɔ̧ɔ̧mà wu tà li mbùꞋ àfàꞋa ntsɔ̧̀ àzi a èbem mèntɨ̧ɨ̧ mɨ̧ la, naa me ghɨa nɨa ngà nè mbì te tsiꞋi epaate ane àli yu Yesò Klistò nàa li mě ekɨꞋɨ la.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

Kɔ̀losìà 1:22

Ka àfɨ̀Ꞌ yaa Waã tò kɨꞋɨ ntsìꞋi wɔ̀bȩ̂ mpfə la, Mbɔ̧ɔ̧mà nɨ èvə Waã vi mbɔŋ ngɨ̀ bɨ tsiꞋi bèshu̧ tò, mbɨ̀Ꞌɨ̀ taa nɨ awɨ̧ enɨ kɨꞋɨ a mbì li mbɨ̀Ꞌɨ̀ ngule bòt bi, kà ye àlɔꞋ nè àghɨa ko bɔ̀ɔ fèèlè àwɨ̧ adù̧ la.

Kɔ̀losìà 4:17

Bɨ̀ shu abua Achipùs nê, “Ye nê à paa àfàꞋ yu bɔ̀ le ŋa abua ye nê faꞋa mbɨ̀Ꞌɨ̀ wòt ntɨ̀ŋa Tè Yesò la.”

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

2 Tèsàlonikà 2:1

È me wu ane ànəa Yesò Klistò Lefɨ̀Ꞌ wa, ndɨ tàa mèe gheble avi ekɨꞋɨ la, nè ndɨ bàa li ebù̧ù̧te ewu ne tò la, ko e ngua shù̧ù̧ta wɨ̧ à bɔnyɨ nê,

2 Tèsàlonikà 2:8

Wu àfɨꞋa mbɔŋ ka wòt wu tàa ka bê nkɨ ezə ànəa Mbɔ̧ɔ̧mà la nàa pùùlà la. Ka Yesò Lefɨ̀Ꞌ naa me ghɨ̀ tê nkɨ̀Ꞌɨ̂ ane ènɨ̧ vi mbê foo atò, ngɨ̀ àyea tò a mì.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 1:19

È li ngu àlo̧ a Yesò Klistò yu a tse àghɨ àgème la. Ale, Yesò wu mbɨ̀Ꞌɨ̀ wanjɨ̀ kà ye àlɔꞋ bɔ li nkɨ̧̀ɨ̧̀me àtsəa bòt la.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

2 Pità 2:21

A li mbê mbɔ̀ŋ nê, ŋut ka nko ndɨ Mbɔ̧ɔ̧mà nàa nkɨà nê bòt è me tseke la, tè ntsè ndɨ tàa ko, e bɔ̂ mèe gheble tu̧u̧ nkɨ̀a Mbɔ̧ɔ̧mà yu bɔ li ŋǎ abua tò la.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

2 Pità 3:2

E nkɨa bɨa ku̧u̧te mèngà̧ mu ngule bèndàꞋàtɔŋ Mbɔ̧ɔ̧mà e li ndàꞋ àfɨꞋa mbì la, nè ànəa Lefɨ̀Ꞌ Mpemnà wa li ngɨ̀ bɔntu̧ tò elàꞋ la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!