1 Tɔ̀màtià 6:1 - Mundani

¹ È me wu bòt bu bɔ wu èbùꞋ la, bɔ bɔ ndɨ bɔ̀ɔ me nèèta ndzəèa bòt bu bɔ bɔ awɔb la, mbɨ̀Ꞌɨ̀ wòt kǒ làꞋà kàbɔ̀ŋ ane èlen Mbɔ̧ɔ̧mà nè mènəè tò mu bàa nyɨ̀Ꞌta la.

1 Tɔ̀màtià 6:1 Iomraidhean Croise

Matìù 11:30

Mèngà̧ mu e nyɨꞋtà àwɨ̧ la nàà njùa a mànkoa, àbòꞋà yu e ndzia a tèkwȩ tɨ̧ la a mè me yàŋe.”

Matìù 11:9

Bɨ li nchɨɨmê ngua nga àbȩ abàꞋa ghǎ? E ghǎ eye a ndàꞋàtɔŋ Mbɔ̧ɔ̧mà? Oò kwat! Bɨ li ndze wòt mènəè tò è tsě me ndàꞋàtɔŋ la.

Lûk 17:1

Yesò ghɨ̀ ale, è shu abua bɔkatè bi nê, “Èghɨ àa ngɨ̀à bòt e ghɨa kàbɔ̀ŋ la e bɔ ndɨ àa kɨꞋɨ la. Ka aa li bɨɨ àbâ wòt wu tà ghaꞋa èlu̧ ka e kɨꞋɨ la.

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 10:7

Wantu̧ Mbɔ̧ɔ̧mà wu tà wua ndàꞋa abua tò la è ghǎ, Kɔ̀nelìà tɔ ndaŋe bɔfàꞋ bi babe nè shujà kǒ, tà kǒ a Mbɔ̧ɔ̧mà mè ngu wòt tàa fàꞋà ngule mènəè Kɔ̀nelìà la.

ÀfaꞋa 15:10

Ale, bɨ ghɨ̀ na ka me kɨ nyɔ̀Ꞌte a Mbɔ̧ɔ̧mà ezǐ àbòꞋà yaa a kɔ̧̀ bɔkatè Yesò bu à? Eyaa wu àbòꞋa bètǎt nyaꞋ ba, kò bàambɔŋ leꞋ e li è ka wuê ko eŋeꞋe ayùà la.

Lûm 2:24

Mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Bòt kà wu Bèjuê aa ndàꞋa kàbɔ̀ŋ adù̧ èlen Mbɔ̧ɔ̧mà nkàà àghɨa bɨ̀a Bèjuê àa ngɨ̀à la.”

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

Gàlashìà 5:1

Yesò Klistò li ndzà àwa ntsì a èbem mbɨ̧te Musì, è wu ale bɨ̀ ŋwètè èka bɨ̧ a si ntsɔ̧̀, bɨ̀ ka mbɨ̧̀ɨ̧̀ne àghɨa ko a mè ngɨ̀ bɨ tsiꞋi èbùꞋ.

1 Tɔ̀màtià 5:14

Mbɨ̀Ꞌɨ̀ àa ale la, è wu nè mmɔ̌, ko bènempfə bu bɔ̀ bele bɔɔ̀zi techɨɨle la e mě ndzɔ̀Ꞌɔ bèlu̧, mbì bɔ̧ bɔb, mè ntsèke a si me taŋke lob tɔb. Bɔ ghɨ̀ ale, ko bɔmbù̧ ba è ka ye èlu̧ elàꞋa mènəè kàbɔ̀ŋ adù̧ ya a.

Tȩtɔ̀s 2:5

Bɔ̀ nyɨꞋte bèzi techɨɨle baa ndɨ̀ bɔ̀ɔ me koa mbà̧aã mèntɨ̧ɨ̧ mɔb ka ngɨ̀à mènəè la, mbààba ènyit yɔb, nko ndɨ bɔ̀ɔ me mbà̧aã lob tɔb ntsɔ̧̀, ngɨa ntsɔ̧̀ abua bòt, mè ndzəa bèlu̧ bɔb la. Bɔ̀ me ghɨ̀ anè mbɨ̀Ꞌɨ̀ wòt kǒ làꞋa kàbɔ̀ŋ adù̧ èngǎ̧ Mbɔ̧ɔ̧mà.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.