1 Tɔ̀màtià 5:6 - Mundani

⁶ Ka nempfə wu tà zǐ èntɨ̧ɨ̧ vi ane èghɨ ngɔ̀ŋ la, batè mbèle kà pfə, ka mbɔ̂ ntsìꞋi mbɨ̀Ꞌɨ̀ wòt tà pfə te ndɔ̀Ꞌ la.

1 Tɔ̀màtià 5:6 Iomraidhean Croise

Matìù 8:22

Yesò shu abua tò nê, “KɨꞋɨ nkùŋè am, tsiꞋ èpfəꞋte bòt è tu bèmpfəà bɔb.”

Lûk 12:19

AfɨꞋa màa paa la, maa shu abua am mmɔ̌ mbɔŋ nê, “E ngu wòt èsi ntsɔ̧̀. Mâ bɔ èghɨ ntsɔ̧̀ ègème màa nkɨ̀a la ane mèngùꞋ nyaŋ. È nka tsi dèbè ènyit yaã a, maa jɨ, enu, e mě wùꞋte am ntsɔ̧̀.” ’

Lûk 15:13

“Àli a me wu, we kwèn wu fɨ̧̀ɨ̧̀nè àzi ne abà, mbɔ̂ sà àpfəè, nɨ èkab nɨŋ nga àlaꞋ ako a endɨ̌. Tà ghà àlaꞋ yu ale, me tsòkè èkab wu ane ndɨ ye kɔ̀ŋkè la, kà ye àghɨa tà ghɨ̀à nè wùà la.

Lûk 15:24

Na waã am waa lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, tà lè lɔ̂Ꞌ nyɔ̂, ka nè àfɨ̀Ꞌ yaa mâ ye atò.” Tà làꞋ ale, bɔ bùꞋ me wùꞋtè àwɔb.

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Lûk 16:19

Yesò ghɨ̀ ale, mè shu abua yɔb nê, “Wòt èkab, kǒ lè lɔ̂Ꞌ nguê, ntaꞋa wua nkwà̧aã ndìte èkab ete membaŋ nè te kèfə, mbɔ̂ me tseke a èbem èghɨ ntsɔ̧̀ àli àgème,

Lûk 7:25

Tè a bakà wu ale, ko bɨ li ngua nga àbȩ eye ghà à? Bɨ li ngua nga eye wòt bɔ wèe atò ane ndìte ntsɔ̧̀ la à? Bɨ ko nê, bòt bɔ wèè àwɔb ane ndìte ntsɔ̧̀ la bɔɔ ntsèka ne èbem ntɔꞋtsə.

Efesɔ̀s 2:1

È li ngu àfɨꞋa mbì, bɨ wu bòt bɔ pfəꞋte la a mbì Mbɔ̧ɔ̧mà, nkàà ndɨ bɨ li ngua nkwèèla àtsə abua Mbɔ̧ɔ̧mà ngɨa kàbɔ̀ŋ la.

Efesɔ̀s 2:5

tè ngɨ̀ awa wu ba li ngu bòt bɔ pfəꞋte a mbì tò la, ba tsiꞋi bòt yu̧ ba Yesò Klistò ba. Ba pem nkàà a ntsɔ̧̀ Mbɔ̧ɔ̧mà wu tà nyɨꞋte abua ya la.

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Kɔ̀losìà 2:13

È lè wu àfɨ̀Ꞌ àko, bɨ wu mbɨ̀Ꞌɨ̀ bòt bɔ pfəꞋte la a mbì Mbɔ̧ɔ̧mà ndɨ̀ wu bɨ̀ le wua ngɨa kàbɔ̀ŋ, mè ngu bòt kà ko a Mbɔ̧ɔ̧mà, bɨ̀ ka ko mbɨ̧te Musì la. Ka Mbɔ̧ɔ̧mà è yu̧u̧me àwɨ̧ àfɨ̀Ꞌ yaa, ŋà wɨ̧ mèmpème bɨ Yesò Klistò ba. Mbɔ̧ɔ̧mà li ngwaꞋa mènəè kàbɔ̀ŋ ma bǎgème.

2 Tɔ̀màtià 3:6

Bòt ko ane yɔb aa ngèèba nyaꞋa nyia èpfəè bòt, fɨ̀ta bèzi bɔ bɔ mèntɨ̧ɨ̧ lèyu la, mbɨ̀Ꞌɨ̀ bɔɔ bɨ̧ɨ̧ne ànəa bɔ shuà la. Eyaa wu èwuu bèzi bu kàbɔ̀ŋ kuule awɔb tè bɔ tsiꞋa ngɨ̀à àghɨ àgème a kɨꞋɨ àtsəa yɔb la.

Jimsì 5:5

Bɨ tseke a sitsǎꞋ ntsɔ̧̀, mè me ghɨ̀ mbɨ̀Ꞌɨ̀ èntɨ̧ɨ̧ wɨ̧ e kɔ̀ŋkè la. Bɨ jɨ te fàŋkê ntsìꞋi mbɨ̀Ꞌɨ̀ mpɔ̀ŋtsə nchɨ̀Ꞌà àlia bɔ̀ɔ wààlè àwɔb la.

Ètsə 18:7

Bɨ̀ ŋa tò ngoꞋ mè ngɨ̀ tà me tseke ane tèsȩ tè è wu mbɨ̀Ꞌɨ̀ ènɨ̧ nè èghɨ bu tàa ntòòlà àvi a èbèm la. Bɨ̀ ghɨ̀à ale ndɨ̀ wu tàa ngù̧a nkùꞋ zi è shua nê, ye tseke mbɨ̀Ꞌɨ̀ fɔ̧̀ àvi, yè ka wu nempfə, yè ka meè ngu li lɔꞋɔ edɨ̀ mèsi la.

Ètsə 3:1

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sadìs la nê: ‘Eyaa mèngǎ̧ wòt wu tà bɔ fote Mbɔ̧ɔ̧mà tu tesà̧à̧mbe nè těnto̧ tu tesà̧à̧mbe la. Mâ ko èghɨ bɨ̀a ngɨ̀à la, bòt aà ndzèa wɨ̧ nê bɨ wu bòt yu̧, ka bɨ bɔ ngu bèmpfəà.