1 Tɔ̀màtià 5:5 - Mundani

⁵ Àvi wu tà wu ngule nempfə kà ye wòt tàa tɨŋe atò la, nàa ngɨ̀ tà me zì wuê ntɨ̀ zi ane Mbɔ̧ɔ̧mà, ntsèke ntsàꞋtà àli àgème ndò̧a ètɨŋe abua tò.

1 Tɔ̀màtià 5:5 Iomraidhean Croise

Lûk 18:1

Yesò ghɨ̀ ale, shu bɔkatè bi èngà̧teme wàa nɨŋ nyɨ̀Ꞌte awɔb nê, bɔ bɔ̂ ndɨ bɔ̀ɔ me dɨ̀a abua Mbɔ̧ɔ̧mà àfɨ̀Ꞌ àgème kà kaã la.

Lûk 18:7

Tè a wu anè ko bɨ mɨɨtè nê betsiꞋa Mbɔ̧ɔ̧mà kà laŋkè mènəè bòt bi bu tà làà wɔb bɔ̀ɔ ndɨ̀à mènəè mɔb abua tò àli àgème la à?”

Lûk 2:37

Ka mbɔ̂ ngu nempfə àfɨꞋa mbɔŋ ane èngùꞋebȩ èghem yefà̧aã ntsɔ̀b yekwì. Anà mbɔŋ li ngua ntsèka a èbem lob nɨ̧ Mbɔ̧ɔ̧mà àfɨ̀Ꞌ àgème nkùkta atò ètsəꞋ bɔ̂ nèngû̧, ntsèka àfɨ̀Ꞌ àko kà jɨ èghɨjɨ mbɔ̂ me tsàꞋte wuê a Mbɔ̧ɔ̧mà.

ÀfaꞋa 26:7

Eyaa wu èghɨ mbɔŋ bu Mbɔ̧ɔ̧mà li nkàꞋ abua lətelob Izəèlȩê tu èghem ntsɔ̀b tebe nê bɔɔ li ebɔ mbɨꞋɨ̀ bɔ̀ɔ ngùꞋtà àvi a nyèmtèsi nè tètsɔꞋ la. Fɔ̧̀ Aglipà, Bèjuê e kɨ enɨ àtsə am anè ngu ànəa ntɨ̀ ngaa ba tò ba e bɔ la.

ÀfaꞋa 6:1

Àfɨ̀Ꞌ àko a tsè, bɔkatè Yesò e me kwèꞋne, àyɔ̀ŋ a dzə a kètsìà Bèjuê bu bèa ndàꞋà wuê ndɨ̧ Glɨ̂k la, nè Bèjuê bu è wù bèlèkɔꞋasi la. Èbu bèa ndàꞋà wuê ndɨ̧ Glɨ̂k la e me tsoo nê, bɔ̀ɔ ngɨ̀ bɔ̀ me ghàbtè èghɨ àli àgème bɔ̀ ka ŋa be bènempfə bɔb.

ÀfaꞋa 9:39

Pità bê ndɔ̀Ꞌ a si ngà bɔ̂ tò ba. AfɨꞋa tà tà nyi abot la, bɔ nɨ atò nkɔꞋ ngà àtsəa lob a ègwet yu bɔ̀ le nɔŋa mpfəà wu a èbèm la. Bènempfə be li ntaꞋa kɨꞋɨ̀ ngààle atò abot, me dɨ̀a nyɨ̀Ꞌta atò ndìte èten tɔb bɔ̂ te ègwet, è wù te Dɔkàs wu le ghɨ àfɨꞋa tà bele ka pfə la.

ÀfaꞋa 9:41

Pità tsàà àbu azi ntɨ̀ŋe atò, tà lɔ̀Ꞌɔ a si. Tà tɔ bòt Mbɔ̧ɔ̧mà nè bènempfə bu ŋa atò tà yu̧u̧me la abua yɔb.

Lûm 1:12

E nkɨ kɨꞋɨ e ye awɨ̧ mbɨ̀Ꞌɨ̀ èntɨ̧ɨ̧ wɨ̧ wu bɨ zi ane Yesò la aa zǐ èntɨ̧ɨ̧ am, è wɔ̧ wu ane tò la aa zǐ mèntɨ̧ɨ̧ mɨ̧.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

1 Kɔlìn 7:32

Maà kà kɨ nê bɨ̀ me mɨ̀ɨ̀tè mènəè nyaŋ. Mbâ̧ kà yɔꞋ è wu wòt Mbɔ̧ɔ̧mà la nàa ngɨ̀ tà nɔ̀ŋè èntɨ̧ɨ̧ vi a màngɨa wuê mènəè Tè Yesò, mɨ̀ɨ̀tà wuê ndɨ yèa me ghɨ̀ mènəè nàa mbɔ̀ Tè Yesò la.

1 Kɔlìn 7:34

Ale, ŋut nàa ngɨ̀ tà tsiꞋi èntɨ̧ɨ̧ tebe. Àvi kà bɔ lu̧, kò waàvi tèchɨɨle leꞋ, nàa ngɨ̀ tà nɔ̀ŋè èntɨ̧ɨ̧ vi a màngɨa wuê mènəè Tè Yesò, mɨ̀ɨ̀tà wuê ndɨ yèa ŋa èntɨ̧ɨ̧ vi nè mbɨ̧̀ ènyit zi nènkèm wuê abua Mbɔ̧ɔ̧mà la. Ka àvi tà yɔꞋɔ la nàa ngɨ̀ tà nɔ̀ŋè èntɨ̧ɨ̧ vi a màngɨa wuê mènəè ngɔ̀ŋ, mɨ̀ɨ̀tà wuê ndɨ yèa me ghɨ̀ mènəè nàa mbɔ̀ lu̧ vi la.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Filìpȩ 4:6

Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.

1 Tɔ̀màtià 2:1

Ànəê a mbì e nkɨ enɔ̀ŋe adù̧ bòt Yesò la wu nê bɔ̀ me tsàꞋte a Mbɔ̧ɔ̧mà àtsəa waa waa. Bɔ̀ me shu̧u̧te a Mbɔ̧ɔ̧mà nê, tà me tɨŋe awɔb, ŋà àwɔb àghɨa bɔ̀ɔ nkɨ̀ŋkà la, ndɔ̀Ꞌ mè kɔ̀ŋkè a Mbɔ̧ɔ̧mà ane wòt ègème.

1 Tɔ̀màtià 5:16

Ka àvi tà zì èntɨ̧ɨ̧ vi ane Yesò la, è bɔ bènempfə a èbem ləlob zi, tà me lɨ̀ŋke àwɔb. Tà ka mɨ̀ɨ̀tè nê yea zǐ àbòꞋà adù̧ chɔsì, mbɨ̀Ꞌɨ̀ bɔɔ tsiꞋi me tɨŋe wuê ndâ bènempfə.

1 Tɔ̀màtià 5:3

Me baãaã bènempfə bu bɔ̀ wu ndâ bènempfə la ntsɔ̧̀.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.

1 Pità 3:5

Eyaa wu ndɨ bèzi bu àfɨꞋa mbì bɔ li ngu bòt Mbɔ̧ɔ̧mà, nɔ̀ŋè ntɨ̀ yɔb ane tò la e li ngua nèètè àwɔb la. Bɔ li ngua dzəa bèlu̧ bɔb