1 Tɔ̀màtià 5:25 - Mundani

²⁵ Wu wuê a èlɨ mbɔŋ bòt e taꞋa wua ndzàŋà ndzèa mènəè ntsɔ̧̀ wòt la. È màà ngu wuê mènəè ntsɔ̧̀ mu è lò̧ò̧tè la, ko betsiꞋa è kà tseke ka mpùùla ayaã.

1 Tɔ̀màtià 5:25 Iomraidhean Croise

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Lûk 11:33

“Wòt nàà kà tò̧ èkaꞋà ndò̧, tà kà tsia a èten èpfəêꞋ. Tàa ngɨ̀ tà tsia a ègwet èkɔꞋ, mbɨ̀Ꞌɨ̀ aa me bàŋe bòt bɔ̀ɔ nyìa a lob la.

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 22:12

“Wòt kǒ li ngu abàꞋ və èlen tò wu Ànàniàs la, mbɔ̂ ngu wòt Mbɔ̧ɔ̧mà, me kùŋe mbɨ̧ ta. Bèjuê bàgème bèa ntsèka a Dàmaskɔ̀s la e mè ntàꞋa wua nguꞋta atò.

ÀfaꞋa 9:36

Àvi kǒ li ngu a Jopà, èlen tò wu Tàbità, tà wu wakatè Yesò la. (Ane ndɨ̧ Glɨ̂k èlen tò lu wu Dɔkàs, ngua shua nê tà wu èmvə.) Tà li ntàꞋa wua ngɨ̀à ntsɔ̧̀ mè ntɨ̀ŋa bòt ntseb àfɨ̀Ꞌ àgème.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

1 Tɔ̀màtià 3:7

Wòt àtsəa bòt Yesò è bɔ̂ ndɨ tàa wu wòt bòt nàbȩ̂ àa ka laꞋa kàbɔ̀ŋ adù̧ tò la, mbɨ̀Ꞌɨ̀ ka tà lòo èku vi, nkwene a èbem àtaã Satàn.

Ètsə 14:13

E me zə àtɔŋ a dzəè a ègwet me shu nê, “Shɨ àghɨ yaa a si: Ntsɔ̧̀ wu bòt bu bɔ̀ɔ pfə mbɨ̀Ꞌɨ̀ bòt Yesò e bùꞋu àfɨ̀Ꞌ yaa me ghà ne mbì la.” Fo Mbɔ̧ɔ̧mà nê, “Oo, wu nkûŋ. Bɔɔ yète ane àfàꞋ àyɔb, nkàà nê àfàꞋa ntsɔ̧̀ àyɔb aa li kùŋè àwɔb.”