1 Tɔ̀màtià 5:22 - Mundani

²² Ko mbɨ̀Ꞌɨ̀ à tèmnê, a mànɔŋa èbu bê àtsəa wòt kǒ nê, tà me fàꞋa àfàꞋ ako ayɔɔ bòt Yesò. Ko mbɨ̀Ꞌɨ̀ à zì àbu ayê a èbem mènəè kàbɔ̀ŋ wòt. Tsì awê a èbem mènəè kàbɔ̀ŋ.

1 Tɔ̀màtià 5:22 Iomraidhean Croise

ÀfaꞋa 13:3

Bɔ mè ntsàꞋte a Mbɔ̧ɔ̧mà kà jɨ èghɨjɨ, mbɔ̂ nɔ̀ŋè èbu bɔb àtsə ayɔb ntsàà àwɔb bɔ me ghǎ.

ÀfaꞋa 18:6

AfɨꞋa bɔ ntu̧ ànəa Pɔ̂l shua la, mè me làꞋà mènəè kàbɔ̀ŋ ane tò la, tà ŋȩ̀ àwɔb, nyìꞋì àbeb ntsi ane ndǐ ti ndèb kwen zi. Me shua wɔb nê, “Bɨ lia nyɔ̂, ko à yu a ye awɨ̧. È ntsě èsaꞋa am.” E bùꞋu àfɨ̀Ꞌ yaa me ghà ne mbì, maa sà àwɨ̧ eghǎ me làꞋa èngǎ̧ Mbɔ̧ɔ̧mà abua bòt kà wu Bèjuê.

ÀfaꞋa 20:26

È wu ale, e ngua shua abua yɨ̧ laane wàà nê, bɨ ghɨ̀à ndɨ Mbɔ̧ɔ̧mà nàa liime awɨ̧ la, àyu a ye awɨ̧. È ntsě èsaꞋa am.

ÀfaꞋa 6:6

Bɔ làa ale nkɔ̀ke àwɔb a mbì bɔntu̧ bu, bɔ nɔ̀ŋè èbu bɔb adù̧ yɔb, ntsàꞋte a Mbɔ̧ɔ̧mà àtsə ayɔb.

Efesɔ̀s 5:11

Bɨ̀ ka ntèm àka nè bòt me ghɨ̌ èghɨ ndzěm bu kà wua ntɨ̀ŋa wòt, bòt àa ngɨ̀à la, ka bɨ̀ ghɨa bòt è ko nê èghɨ mbɔŋ aa mbɨ̀a.

1 Tɔ̀màtià 3:10

Bɨ me kɨ ezǐ bòt ane bèdikɨ̀n, bɨ bàŋè àwɔb, bɨ̀ ye nê bɔ kuêꞋ, ka bɨ zì àwɔb.

1 Tɔ̀màtià 3:2

Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

1 Tɔ̀màtià 3:6

Ko mbɨ̀Ꞌɨ̀ bɨ nɨ wòt tà bèla ndzìà èntɨ̧ɨ̧ vi zǐ ane Yesò la ndzì àtsəa bòt Yesò, mbɨ̀Ꞌɨ̀ tà me ŋeꞋe avi a ègwet Mbɔ̧ɔ̧mà tsǐ mpəəte tò, mbɨ̀Ꞌɨ̀ tà li ngɨ̀ nè Satàn la.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

1 Tɔ̀màtià 4:14

À ka ngwaꞋa àghɨ yu Fo Mbɔ̧ɔ̧mà è ŋa abua yê, à lè bɔ àfɨ̀Ꞌ yu bɔ li ndàꞋà àtɔŋ Mbɔ̧ɔ̧mà, bɔɔjuŋ ayɔɔ bòt tò e nɔ̀ŋè èbu bɔb adù̧ yê la.

2 Tɔ̀màtià 1:6

Ale, e ngua nkù̧ù̧ta awê nê, ko mbɨ̀Ꞌɨ̀ à sàŋ àghɨ yu Mbɔ̧ɔ̧mà li ŋǎ abua yê àfɨ̀Ꞌ yu e ndi nɔ̀ŋè èbu bɔ̧ adù̧ yê la, a fi.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

Ebùlù 6:2

Bà ka tsi mè me làꞋa wuê ànəa balu̧ a màndzia èbem èdzî nè ànəa mànɔŋa èbu àtsəa bòt Mbɔ̧ɔ̧mà. Bà ka tsi me làꞋà wuê ndɨ bèmpfəà àa li yu̧u̧me la. Bà ka mè me làꞋa wuê ndɨ Mbɔ̧ɔ̧mà nàa li saꞋa bòt la.

2 Jɔ̌n 1:11

E shua awê nkàà nê, wòt tà tsaꞋte a ŋut la ko nê ye tsiꞋi wòt kàbɔ̀ŋ mbɨ̀Ꞌɨ̀ tòà.

Ètsə 18:4

E mè ndzəè àtɔŋ ko a ègwet a me shu nê, “Bòt bɔ̧, bɨ̀ dzəa a èbem àpfəèà nɨ̧ yu, mbɨ̀Ꞌɨ̀ bɨ fɔtè atò me ghɨa kàbɔ̀ŋ, mbɨ̀Ꞌɨ̀ bɨ ye ngoꞋ yu nàa kɨꞋɨ ane tò la.