1 Tɔ̀màtià 5:20 - Mundani

²⁰ È me wu bòt bu bɔ̀ɔ ngɨ̀à mènəè kàbɔ̀ŋ nɨa ngà wuê nè mbì la, à me tsia wɔb a kètsìà bòt ŋȩ̀te awɔb, mbɨ̀Ꞌɨ̀ bòt ko aa ye e bɔɔ.

1 Tɔ̀màtià 5:20 Iomraidhean Croise

ÀfaꞋa 19:17

AfɨꞋa Bèjuê nè bòt Glɨ̂k bàgème a Efesɔ̀s e zə ànəê yaa la, kèbɔa ke baãaã awɔb, tè bɔ tsiꞋi me paa ngùꞋtà èlen Yesò Lefɨ̀Ꞌ mè mbɔ̀a lùà.

ÀfaꞋa 5:11

Bòt chɔsì bàgème nè waa waa tà zə àghɨa a ghɨ̀ la, e bɔ̀â kwàꞋ ànyaꞋne.

ÀfaꞋa 5:5

Mbɨ̀Ꞌɨ̀ Ànàniàs è zə ànəê yaa la, tà bê ndèbe a si kwàꞋ afɨꞋa mbɔŋ mpfəè tê fi. Bòt bàgème bɔ zə àghɨa a ghɨ̀ la, e bɔ̀ɔ̂ kwàꞋ ànyaꞋne.

2 Kɔlìn 7:11

Bɨ̀ lâ ndzè àghɨa ànəê yaa a saa awɨ̧, àbu a Mbɔ̧ɔ̧mà àa adù̧ la, a ghɨ ane yɨ̧ la. Bɨ li ngɨ̀ ntsɔ̧̀ a mànkubta mèntɨ̧ɨ̧ mɨ̧, mè ntso ane àghɨa bòt e ghɨ̀ la. A li ngɨ̀ bɨ lâ me kɨ eye am, mè me kɨ etàŋe ànəê am, mè ndɔ̀Ꞌ me kɨ enɔ̀ŋe ngoꞋ àtsəa wòt tà ghɨ a kàbɔ̀ŋ la. Bɨ nyɨꞋte ane balu̧ bàgème nê àbu ayɨ̧ a ntsě ane ànəa mbɔŋ.

Efesɔ̀s 5:11

Bɨ̀ ka ntèm àka nè bòt me ghɨ̌ èghɨ ndzěm bu kà wua ntɨ̀ŋa wòt, bòt àa ngɨ̀à la, ka bɨ̀ ghɨa bòt è ko nê èghɨ mbɔŋ aa mbɨ̀a.

1 Tɔ̀màtià 1:20

Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Tȩtɔ̀s 1:13

Ànəê yaa tà li shu la a bɔ̂ ngu nkûŋ. Mbɨ̀Ꞌɨ̀ aa anè la, à bɔ ndɨ àa taꞋa ŋȩte awɔb mbɨ̀Ꞌɨ̀ bɔɔ me nèèta nkùŋà alu̧ Mbɔ̧ɔ̧mà la.

Tȩtɔ̀s 2:15

NyɨꞋte mènəè maa abua bòt. Nɨ nkȩ yê me zì mèntɨ̧ɨ̧ bòt mè nyɨꞋte bòt mènəè bɔ fà̧à̧tè la. Ko mbɨ̀Ꞌɨ̀ à sàŋ wòt kǒ tà me waa awê.