1 Tɔ̀màtià 5:19 - Mundani

¹⁹ Wòt wemɔ̀Ꞌ è shu ànəê àtsəa wajûŋ kǒ ayɔɔ bòt Yesò, à ka ndzə. TsiꞋ bòt mbɔ̀ŋè babe kò batat leꞋ è shu ànəa ngaa, ka à yùte.

1 Tɔ̀màtià 5:19 Iomraidhean Croise

Matìù 18:16

Mbə à shu ale, tà bakà bɨ̧̀ɨ̧̀ne nê ye fà̧, à mè nɨ wòt kǒ wemɔ̀Ꞌ kò babe leꞋ nkwèꞋne ane yê ka bɨ ghà mè ndaꞋa abua tò mbɨ̀Ꞌɨ̀ bòt bàa aa zə emě ko shu ànəa àgème bɔ zə la.

Jɔ̌n 18:29

Ale, gɔvanɔ̀ Pȩlèt gha àbȩ mbììte awɔb nê, “Ànəa kàbɔ̀ŋ mbê waa ghɨ̀ la wu ghà à?”

Jɔ̌n 8:17

Àkata mbɨ̧ tɨ̧ aa nyɨ̀Ꞌta nê, bòt babe àa shua ànəê yeamɔꞋ ane ànəê, ànəa bɔ shua la wu nkûŋ.

ÀfaꞋa 11:30

Bɔ chùbtè èghɨ mbɔŋ ale, ntsaa Bànabasì bɔ̂ Sɔ̂l, nê bɔ̀ gha ŋǎ abua bɔɔjuŋ ayɔɔ bòt Yesò bu bɔ̀ ghabta.

ÀfaꞋa 25:16

“Ka e shu abua yɔb nê, aa abua ya bàa bòt Luêm, bɔ̀ɔ ngɨ̀ bɔ̀ laꞋnê wòt è ghɨ ànəa kàbɔ̀ŋ, bà me laꞋ nê baa ngɨ̀à taa tsə àtsɔb, ba ye nê, bɔ̂ bòt bu bɔ shu ànəê yu àtsəa ŋut la e bù̧ù̧te a lob èsaꞋa, tè tà làꞋ èngà̧ enɨ fàà àtsə azi.

2 Kɔlìn 13:1

Eyaa wu ngò̧ tetat màa nkɨ mě kɨꞋɨ eye awɨ̧ la. E nkɨ̀Ꞌà, bɔ nɨa ànəa kàbɔ̀ŋ wòt ghɨ̀ la nɨŋ nkɨ̀Ꞌɨ̂ abua am, ko maa nyi a èbèm na bòt babe kò batat leꞋ e me ghà ne mbì e shua nê bɔ li ndze ndɨ ŋut ghɨa àghɨa ngaa la.

1 Tɔ̀màtià 4:14

À ka ngwaꞋa àghɨ yu Fo Mbɔ̧ɔ̧mà è ŋa abua yê, à lè bɔ àfɨ̀Ꞌ yu bɔ li ndàꞋà àtɔŋ Mbɔ̧ɔ̧mà, bɔɔjuŋ ayɔɔ bòt tò e nɔ̀ŋè èbu bɔb adù̧ yê la.

1 Tɔ̀màtià 5:17

Bɨ̀ me nèèta mbà̧aã bɔɔjuŋ bu bɔ̀ɔ fàꞋà àfaꞋa Yesò la ntsɔ̧̀. È me wu èbu bɔ̀ɔ fàꞋà nyaŋ, ndàꞋà mè nyɨ̀Ꞌta èngǎ̧ Mbɔ̧ɔ̧mà la, bɨ baãaã awɔb ntsɔ̧̀ tè ntsè bòt bàgème.

Tȩtɔ̀s 1:6

Ko nê, wòt tà wu àtsəa bòt Yesò la, bakà bɔ ndɨ tàa me ghɨ̀ mènəè bòt àa me fèèle atò la. Tà bɔ ndɨ tàa bɔ wuê àvi wemɔ̀Ꞌ la, bɔ̧ tò mè ngu bòt bɔ zì mèntɨ̧ɨ̧ mɔb ane Yesò la. Bɔ̀ ka me ghɨ̀ mènəè mbɨ̀Ꞌɨ̀ nyaãtebàꞋ, bɔ̀ ka me ghɨ̀ àtsəa kekweelè.

Ebùlù 10:28

Wòt li nguê tàa ngɨ̀ tà bəꞋə mbɨ̧ Musì, tè bòt babe kò batat leꞋ, è làꞋà nê bɔ ye, bɔ mbuŋe a ŋut kà ku tèsȩ.