1 Tɔ̀màtià 5:17 - Mundani

¹⁷ Bɨ̀ me nèèta mbà̧aã bɔɔjuŋ bu bɔ̀ɔ fàꞋà àfaꞋa Yesò la ntsɔ̧̀. È me wu èbu bɔ̀ɔ fàꞋà nyaŋ, ndàꞋà mè nyɨ̀Ꞌta èngǎ̧ Mbɔ̧ɔ̧mà la, bɨ baãaã awɔb ntsɔ̧̀ tè ntsè bòt bàgème.

1 Tɔ̀màtià 5:17 Iomraidhean Croise

Matìù 24:25

Bɨ̀ zə na mâ shua wɨ̧ àfɨꞋa ntsɔ̧̀ tè ndɔ̀Ꞌ la.

Lûk 10:7

Bɨ bɔ̂ ndɨ bɨ̀a tseke a lob ngaa e me jɨa mè nua àghɨ àgème bɔ ŋa abua yɨ̧ la, nkaa nê wɔ̀fàꞋ ègème è bɔ̂ ndɨ tàa bɔ àbȩ̀ ane àfàꞋ àzi la. Bɨ̀ ka me ghȩ̀ȩ̀ne nembuꞋ, nyia a lob yaa ndzəèà nyia àzia.

Lûk 12:42

Yesò bɨ̀ɨ̀lè nê, “WafàꞋ ntsɔ̧̀ tà bɔ èyì la wu we ŋa à? Wu wu tǎt àfàꞋ tò zi atò àtsəa beko nê tà me ŋa wɔb èghɨjɨ àfɨꞋa ntsɔ̧̀ la.

Jɔ̌n 4:38

Mâ tsàà àwɨ̧ nê bɨ̀ ghǎ fùꞋ èghɨ ka bɨ̀ liꞋ. Bòt tsa e ghɨ̌ afàꞋà kekweelè tè ndɔ̀Ꞌ, tè bɨ tsiꞋa njɨ̀a àbȩ̀ àfàꞋ àyɔb.”

ÀfaꞋa 11:30

Bɔ chùbtè èghɨ mbɔŋ ale, ntsaa Bànabasì bɔ̂ Sɔ̂l, nê bɔ̀ gha ŋǎ abua bɔɔjuŋ ayɔɔ bòt Yesò bu bɔ̀ ghabta.

ÀfaꞋa 20:35

Mâ nyɨꞋtè àwɨ̧ ane balu̧ bàgème ndɨ ba bɔ̂ ndɨ bàa me fàꞋà nyaŋ mbɨ̀Ꞌɨ̀ me tɨŋe bòt kà ye ayɔb la, nkwàꞋte ànəa Yesò Lefɨ̀Ꞌ zìambɔŋ li shuê la, nê, ‘MèngùꞋte naa ne màŋa tè ntse a mànɨa.’ ”

ÀfaꞋa 28:10

Bɔ li ntàꞋa eŋa awa èghɨ, tè è li ngu àlia baa ghà la, bɔ zì èghɨ àa tɨŋe awa a lèghȩ̀ȩ̀nè wu la a èbem ànkànuꞋ aya nê, bà nɨŋ me ghǎ.

Lûm 12:8

Wòt èwe tò nè èghàb wu màndzìa mèntɨ̧ɨ̧ bòt la, tà me zǐ, wòt èwe tò wu màŋa èghɨ abua bòt la, tà me ŋa ka kuule abua. Wòt tà wu àtsə bòt la, me fàꞋa ntsɔ̧̀, wòt tàa ngɨa ntsɔ̧̀ la me ghɨ nê àŋwàŋne.

Lûm 15:27

Bɔ li ngɨ̀ àyaa ane mènkɔ̀ŋke mɔb. Ane nkûŋ, bɔ bɔ ndɨ bɔ̀ɔ tɨŋe bòt ntseb bàa la. Bòt kà wu Bèjuê e jɨ àbȩ̂ èghɨ ntsɔ̧̀ bu Mbɔ̧ɔ̧mà ghɨ̂ abua Bèjuê la. Ale, bɔ bɔ ndɨ bɔ̀ɔ tɨŋe Bèjuê mɨ̧̂, nè èghɨ bu Mbɔ̧ɔ̧mà lɔ̀ɔ̀le àwɔb adù̧ la.

Lûm 16:12

Bɨ̀ tsàꞋte Tȩ̀fenà bɔ̂ Tȩ̀fosà, è wu bòt bɔ̀ɔ fàꞋà abua Yesò Klistò la. Bɨ̀ tsàꞋtè ngule shu̧ yaã Pesìs wu tàa ndâ fàꞋa abua Yesò Klistò la.

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

1 Kɔlìn 16:16

Mâ shu̧u̧te awɨ̧ nê bɨ̀ me zə èwuu bòt baa, nè bòt ko tsa bɔ̀ɔ fɔta fàꞋà nè Stefanàs ba la.

1 Kɔlìn 3:9

Ba wu bòt bàa fɔta fàꞋà nɔ̂ abua Mbɔ̧ɔ̧mà la. Bɨ wu mbȩ Mbɔ̧ɔ̧mà, mè ngu lob Mbɔ̧ɔ̧mà.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

Gàlashìà 6:6

Wòt wu bɔ̀ɔ nyɨ̀Ꞌte atò èngǎ̧ Mbɔ̧ɔ̧mà la è bɔ ndɨ tàa me ghàbtè èghɨ bi ŋǎ àbəèꞋ abua nyɨꞋtà vi la.

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

Filìpȩ 2:29

È wu ale, taa kɨꞋɨ, bɨ taꞋa sèe atò nè mèngùꞋte, ndɨ̀ wu bɨ tò ba è wu bòt Yesò Klistò la. Bɨ ye a wòt mbɨ̀Ꞌɨ̀ tòà ale, bɨ ŋa kènuke abua tò,

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

1 Tɔ̀màtià 3:5

Wòt bakà wu ko ebaãaã lob zi, tà ghɨ̀ na ka nko mbà̧aã bòt Mbɔ̧ɔ̧mà à?

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

1 Tɔ̀màtià 4:14

À ka ngwaꞋa àghɨ yu Fo Mbɔ̧ɔ̧mà è ŋa abua yê, à lè bɔ àfɨ̀Ꞌ yu bɔ li ndàꞋà àtɔŋ Mbɔ̧ɔ̧mà, bɔɔjuŋ ayɔɔ bòt tò e nɔ̀ŋè èbu bɔb adù̧ yê la.

1 Tɔ̀màtià 4:16

Me nèèta mbààba awê mè mbààba èngà̧ wu àa nyɨ̀Ꞌta la. Me ghɨ̀ wuê èghɨ bàa nkàà nê, à ghɨ̀ ale, ko aa tɨŋe awê nè bòt bu bɔ̀ɔ njùtâ awê la, bɨa bɔ ngule mèmpème.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

1 Tɔ̀màtià 5:19

Wòt wemɔ̀Ꞌ è shu ànəê àtsəa wajûŋ kǒ ayɔɔ bòt Yesò, à ka ndzə. TsiꞋ bòt mbɔ̀ŋè babe kò batat leꞋ è shu ànəa ngaa, ka à yùte.

1 Tɔ̀màtià 5:3

Me baãaã bènempfə bu bɔ̀ wu ndâ bènempfə la ntsɔ̧̀.

2 Tɔ̀màtià 2:6

È me wu ane ànəa mbȩ ko wòt tàa mbɨ̀à njùta èghɨ mbȩ àfɨꞋa e kweele la wu tòà wu tà ghɨ̌ àfàꞋa kekweelè la.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Ebùlù 13:17

Bɨ̀ me zə bòt bu bɔ̀ wu àtsəa yɨ̧ la, ngɨ̀à àghɨa bɔ̀ɔ shua la. Bɔɔ̀ mbààba awɨ̧ àfɨ̀Ꞌ àgème kà yètè nkàà nê, bɔɔ li shu a Mbɔ̧ɔ̧mà ndɨ bɔ ghɨ àfàꞋ àyɔb la. Bɨ me zə awɔb ko bɔɔ me ghɨ àfàꞋ àyɔb nè mèngùꞋte, mbə bɨ̀ baka wua ndzəa wɔb, ko bɔɔ me fàꞋa èntɨ̧ɨ̧ wɔb è ka wua mbɔ̀, àyea mbɔŋ à ka wuê etɨŋe awɨ̧.

Ebùlù 13:24

Bɨ̀ tsàꞋte bòt bu bɔ̀ wu àtsəa yɨ̧ la bàgème, mè nè bòt Mbɔ̧ɔ̧mà bàgème. Bɔnyɨ baa bu a Itàlì la aà ntsàꞋtè awɨ̧.

Ebùlù 13:7

Bɨ̀ ku̧u̧te ànəa bòt bu bɔ li ngu àtsəa yɨ̧ la, ye bu bɔ li ndàꞋ èngǎ̧ Mbɔ̧ɔ̧mà abua yɨ̧ la. Bɨ̀ kwàꞋte ndɨ bɔ li ngua ntsèka tè ndɨ pfə la, ndzì èntɨ̧ɨ̧ wɨ̧ ane Mbɔ̧ɔ̧mà mbɨ̀Ꞌɨ̀ bɔ li ndzì è wɔb la.