1 Tɔ̀màtià 5:15 - Mundani

¹⁵ Ko nê, bènempfə ko e sà alu̧ Yesò tè ntsìꞋa kùŋe a Satàn.

1 Tɔ̀màtià 5:15 Iomraidhean Croise

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

1 Tɔ̀màtià 1:20

Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

2 Tɔ̀màtià 1:15

À ko nê, bòt bàgème àbâ àlaꞋ a Esìà, fɔ̀ɔ̀le ne Fìgelùs nè Emogìn, e waꞋa am.

2 Tɔ̀màtià 2:18

Bɔ sà alu̧ nkûŋ me gheeba ntsòkà ètsə bòt Yesò ko è shùa nê, Mbɔ̧ɔ̧mà è yu̧u̧me bòt bɔ pfəꞋte la tè ndɔ̀Ꞌ.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

2 Pità 2:2

Bòt Yesò nyaŋ aa me kùŋe èbɨꞋte ènəê bòt baa, te ghɨ̌ bòt aa me làꞋa kàbɔ̀ŋ ane ànəa alu̧ Mbɔ̧ɔ̧mà wu è wû nkûŋ la.

2 Pità 3:16

Tà làꞋa ànəê yaa a èbem èkatè ègème tà shɨ la. Mènəè ko naa a èbem èkatè mbɔŋ nàa nkwèèla a mànkoa la. Eyaa mènəè bòt bu kà ko àghɨa nkûŋ wu yùà la, bɔ̀ ka mê nko àdziꞋa bɔ tɨ̧ɨ̧ la, àa mbà̧aã nəèꞋà wuê mbɨ̀Ꞌɨ̀ bɔ̀ɔ ngɨa ane èdzìꞋ ko a èbem Àkata Mbɔ̧ɔ̧mà la. Bɔɔ ngɨ̀à àyaa ale ngua ngaꞋa èlu̧ abua Mbɔ̧ɔ̧mà taa li eliime awɔb.

1 Jɔ̌n 2:19

Bɔ li ndzəa ayɔɔ ya ka ba tò ba e li bà ka wu àghɨ yeamɔꞋ. Eyaa wu àghɨa a li ngɨ̀ ka bɔ dzə ayɔɔ ya ngà la. Bɔ li ngɨ̀ ale ngu àghɨ yeamɔꞋ ba tò ba ko bɔ li ntèꞋà ba tò ba. Ka bɔ li sà àwa ale, a nyɨꞋtè nê ba tò ba e li bà ka lâ ngu nɔ̂.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.