1 Tɔ̀màtià 5:10 - Mundani

¹⁰ mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

1 Tɔ̀màtià 5:10 Iomraidhean Croise

Matìù 25:17

È wu nè wòt nè bètɔsì babe la ghà ndzì è vi ane èwen mɨ̧̂, àbȩ̀ a nyî a ègwet ane bètɔsì babe.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Lûk 7:38

ntɨ̧ɨ̧ àdziꞋa Yesò wù la, me dɨ̌, mèsi tò me chua shùa èka tò. Tà ŋɔ̀Ꞌne a si ndzòò èka tò bu ane nyemtetsə ti, èsènè ndɔ̀Ꞌ ndzɔꞋ ane mèwet mu.

Lûk 7:44

Ale, Yesò ghèble avi ndɨ̀ŋkè àvi wu mbɔ̂ shu abua Simùn nê, “À ye àvi wàa? Mâ ghɨ̀ nkɨ̀Ꞌɨ̂ a lob yê, à kà shu bòt bê nê bɔ̀ ŋa mèleb è shùù èka bɔ̧. Ka àvi waa shùù èka bɔ̧ ane mèsi mi ndɔ̀Ꞌ ndzòò ane nyemtetsə ti.

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 22:12

“Wòt kǒ li ngu abàꞋ və èlen tò wu Ànàniàs la, mbɔ̂ ngu wòt Mbɔ̧ɔ̧mà, me kùŋe mbɨ̧ ta. Bèjuê bàgème bèa ntsèka a Dàmaskɔ̀s la e mè ntàꞋa wua nguꞋta atò.

ÀfaꞋa 6:3

È wu ale, bɔnyɨ ba, bɨ lȩ̀ bòt basà̧à̧mbe a kètsìà wɨ̧ bɨ ko nê bòt aa ndaꞋa ntsɔ̧̀ ane tèlen tɔb, Fo Mbɔ̧ɔ̧mà mè ndù̧u̧ a mèntɨ̧ɨ̧ mɔb, bɔ mè mbɔ èyì la, bà zi ànəa yaa a tèkitebu tɔb.

ÀfaꞋa 9:36

Àvi kǒ li ngu a Jopà, èlen tò wu Tàbità, tà wu wakatè Yesò la. (Ane ndɨ̧ Glɨ̂k èlen tò lu wu Dɔkàs, ngua shua nê tà wu èmvə.) Tà li ntàꞋa wua ngɨ̀à ntsɔ̧̀ mè ntɨ̀ŋa bòt ntseb àfɨ̀Ꞌ àgème.

ÀfaꞋa 9:39

Pità bê ndɔ̀Ꞌ a si ngà bɔ̂ tò ba. AfɨꞋa tà tà nyi abot la, bɔ nɨ atò nkɔꞋ ngà àtsəa lob a ègwet yu bɔ̀ le nɔŋa mpfəà wu a èbèm la. Bènempfə be li ntaꞋa kɨꞋɨ̀ ngààle atò abot, me dɨ̀a nyɨ̀Ꞌta atò ndìte èten tɔb bɔ̂ te ègwet, è wù te Dɔkàs wu le ghɨ àfɨꞋa tà bele ka pfə la.

Lûm 12:13

Bɨ̀ me tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la, mè me sèè bègɨ̧̀.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

1 Tɔ̀màtià 2:10

Ka bɔ me ghɨ̌ wuê mènəè ntsɔ̧̀ nàa nyɨ̀Ꞌte nê bɔ wu bèzi bɔ̀ɔ ngùꞋtà a Mbɔ̧ɔ̧mà la.

1 Tɔ̀màtià 3:2

Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

1 Tɔ̀màtià 3:7

Wòt àtsəa bòt Yesò è bɔ̂ ndɨ tàa wu wòt bòt nàbȩ̂ àa ka laꞋa kàbɔ̀ŋ adù̧ tò la, mbɨ̀Ꞌɨ̀ ka tà lòo èku vi, nkwene a èbem àtaã Satàn.

1 Tɔ̀màtià 5:16

Ka àvi tà zì èntɨ̧ɨ̧ vi ane Yesò la, è bɔ bènempfə a èbem ləlob zi, tà me lɨ̀ŋke àwɔb. Tà ka mɨ̀ɨ̀tè nê yea zǐ àbòꞋà adù̧ chɔsì, mbɨ̀Ꞌɨ̀ bɔɔ tsiꞋi me tɨŋe wuê ndâ bènempfə.

1 Tɔ̀màtià 5:25

Wu wuê a èlɨ mbɔŋ bòt e taꞋa wua ndzàŋà ndzèa mènəè ntsɔ̧̀ wòt la. È màà ngu wuê mènəè ntsɔ̧̀ mu è lò̧ò̧tè la, ko betsiꞋa è kà tseke ka mpùùla ayaã.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

2 Tɔ̀màtià 1:5

Maa mè nkù̧ù̧ta ndɨ à li ndzì èntɨ̧ɨ̧ wê ane Yesò, wuê mbɨ̀Ꞌɨ̀ nyɨ̌ jûŋ wê Lɔsì bɔ̂ nyɨ̌ wè Yunìs e li ndzì mɔb la. Mâ lâ nko nê èntɨ̧ɨ̧ wê ewu wuê ane tò.

2 Tɔ̀màtià 2:21

È wu ale, wòt me kɨ ewu mbɨ̀Ꞌɨ̀ bapfəèꞋ bu bɔ̀ɔ mbà̧à̧ta wuê àfɨꞋa ngule ànəê a saꞋa la, tà yòò èntɨ̧ɨ̧ vi ane mènəè kàbɔ̀ŋ mi ègème, ko Mbɔ̧ɔ̧mà naa enɨ atò enɨ fàꞋà ngule efàꞋ ebi. Mbɔ̧ɔ̧mà naa ghɨ̌ ale nkàà nê ŋut tsiꞋi wòt èntɨ̧ɨ̧ kèfə, mè nkùꞋ abua tǎt vi a màngɨa àfaꞋa ntsɔ̧̀ àgème.

2 Tɔ̀màtià 3:15

mè nko ànəa Àkata Mbɔ̧ɔ̧mà a shua la, e bùꞋù tê àfɨ̀Ꞌ yu à li mbèle watèchɨɨle la. Letà waa nàa nyɨ̀Ꞌta ndɨ betsiꞋa à bɔ̌ èyì wu àa ghɨ̌ aa zǐ èntɨ̧ɨ̧ wê ane Yesò Klistò mbɨ̀Ꞌɨ̀ Mbɔ̧ɔ̧mà naa ŋa awê mèmpème mi la.

2 Tɔ̀màtià 3:17

Mbɔ̧ɔ̧mà li ngɨ̀à anè mbɨ̀Ꞌɨ̀ wɔ̀fàꞋ tò naa la ekùꞋu e mě eko a màngɨa èwuu èfaꞋ ntsɔ̧̀ ègème.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Tȩtɔ̀s 3:1

Neeta shu abua bòt Yesò nê, bɔ̀ me zə bòt bɔ̀ɔ mbà̧aã àlaꞋ la, mè ngɨ̀à àghɨa bɔ shu la, mè me taŋke à màngɨa mènəè ntsɔ̧̀.

Tȩtɔ̀s 3:14

NyɨꞋte bòt Yesò baa nê, bɔ̀ me zì ètsə bɔb fàꞋa èfàꞋ ntsɔ̧̀, mbɨ̀Ꞌɨ̀ e me tɨŋe bòt bu bɔ̀ɔ nkɨ̀ŋkà èghɨ la. Nê, bɔ̀ ka me tseke mbɨꞋɨ̀ bòt kà ye àtsə ànəê àyɔb.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 10:24

Bà bɔ èntɨ̧ɨ̧ ane bɔnyɨ ba, me tɨŋe awɔb nyɨ̀Ꞌta èkɔŋ, ngɨ̀a ntsɔ̧̀ ane yɔb.

Ebùlù 13:2

Bɨ̀ ka ndeene a màndia bègɨ̧̀, nkàà nê bòt ko e li mbèla ngɨa a èlɨ mbɔŋ ndì bɔntu̧ Mbɔ̧ɔ̧mà kà koê.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 4:9

Bɨ̀ me lì bègɨ̧̀ ntsɔ̧̀ kà wua nkɨ̀ɨ̀là mèsi mɨ̧.

3 Jɔ̌n 1:12

È wu a Dèmetulùs, ko waa waa nàà ndàꞋà ntsɔ̧̀ adù̧ tò. Mènəè tò mè me nyɨꞋte nê wu nkûŋ. Bàa mbɔŋ e ye mɨ̧̂ mè me shu nê tàà ngɨa ntsɔ̧̀, à mè nko nê baa kà laꞋa mèfà̧.