1 Tɔ̀màtià 4:7 - Mundani

⁷ Ko mbɨ̀Ꞌɨ̀ à yute tèlete èkèghɨ̧̀ tu bòt àa ndzèa ngoꞋ ntsàà kà te bɔ ànəê ane èngǎ̧ Mbɔ̧ɔ̧mà la. Me taŋke awê ndɨ àa me tseke wuê mbɨ̀Ꞌɨ̀ Mbɔ̧ɔ̧mà è kɨa la.

1 Tɔ̀màtià 4:7 Iomraidhean Croise

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

1 Tɔ̀màtià 1:4

Shu abua yɔb nê, bɔ̀ sà tèlète kà ye àtsə, nè ànyaꞋne tèlente bètǎt nyaꞋ ba tu bɔ̀ɔ ndzìa ntɔ̀ la. ÀfaꞋa èghɨ baa a ntsě ane èngǎ̧ Mbɔ̧ɔ̧mà wu ba wu ko, na ba zìà mèntɨ̧ɨ̧ ma ane tò la. Aà ngɨ̀à bòt e kàànà wuê mènəè a kètsìà wɔb.

1 Tɔ̀màtià 1:9

Ba chɨɨme nko ntsɔ̧̀ nê, Mbɔ̧ɔ̧mà li tà kà wua ngɨ̀à mbɨ̧ taa abua bòt bɔ tɨ̧ɨ̧ ndɨŋndɨ̀ŋ la. Tà li ngùa ngɨ̀à mbɨ̧tsə abua bòt bɔ̀ɔ mpààtà mbɨ̧tsə la, nè bòt àtsə àkekweelè. Mbɨ̧tsə te wu abua bòt bu bɔ̀ɔ ntsò̧ò̧ta a Mbɔ̧ɔ̧mà, mè ngɨ̀à mènəè kàbɔ̀ŋ la. Mè ngu abua bòt bu mènəè mɔb bakà tɨ̧ɨ̧ ndɨŋndɨ̀ŋ a mbì tò la, mè nè bòt bu bɔ̀ɔ ntsòꞋa èngǎ̧ tò la. Mbɔ̧ɔ̧mà li mèe ngɨ̀ mbɨ̧ taa abua bòt bu bɔ̀ɔ mbùŋà bètǎt bɔb nè bènyɨ̌ bɔb la, nè waa waa tàa mbùŋa bɔbȩ la.

1 Tɔ̀màtià 2:10

Ka bɔ me ghɨ̌ wuê mènəè ntsɔ̧̀ nàa nyɨ̀Ꞌte nê bɔ wu bèzi bɔ̀ɔ ngùꞋtà a Mbɔ̧ɔ̧mà la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.

1 Tɔ̀màtià 6:11

Ka àwɔ̀, wòt Mbɔ̧ɔ̧mà, à ka ndzì àbu ayê ane àghɨ ako ane èghɨ ba mâ tɨ̧ɨ̧ tê ndɔ̀Ꞌ la. NyɔꞋta me ghɨ̀ àghɨa Mbɔ̧ɔ̧mà nàa nkɨà la mè me zə wuê atò, mè ndzìà èntɨ̧ɨ̧ wê wuê ane tò, mè nèètà nkɔ̀ŋkà bɔbȩ ko. Me kuule èntɨ̧ɨ̧ wê mè njùa ane mènəè mê.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

1 Tɔ̀màtià 6:3

Wòt ègème tàa nyɨ̀Ꞌta mènəè tsǎ, mè ntù̧ ngule mènəè Yesò Klistò Lefɨ̀Ꞌ wa, nè ndɨ bàa nyɨ̀Ꞌta mènəè Mbɔ̧ɔ̧mà ma la,

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 2:16

Ko mbɨ̀Ꞌɨ̀ à zì ètsəê wê ane mènəè àku mu kà bɔ àbu ane mènəè Mbɔ̧ɔ̧mà la. Èwuu mènəè mbɔŋ nàà mpàa ntsìà bòt tsǐ ane Mbɔ̧ɔ̧mà.

2 Tɔ̀màtià 2:23

Ko mbɨ̀Ꞌɨ̀ à zì ètsəê wê a èbem mèngǎ̧ àku mu bòt àa ndàꞋà kà ko ànəa bɔ shua la. Ko nê, mèngǎ̧ mbɔŋ nàà ndìà wuê nè àyɔ̀ŋ.

2 Tɔ̀màtià 3:12

Wu nkûŋ nê bòt bu bɔ̀ɔ nkɨ me tseke mbɨ̀Ꞌɨ̀ bòt Mbɔ̧ɔ̧mà ndɨ̀ wu bɔ̂ Yesò Klistò ba è tsiꞋi àghɨ yeamɔꞋ la, aa ye ngoꞋ a tèkitebu bòt ko.

2 Tɔ̀màtià 3:5

Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

2 Tɔ̀màtià 4:4

Bɔɔ li tuu̧ eyute mènəè mu è wû me nkûŋ la, etsiꞋi me yute wuê tèlete àku.

Tȩtɔ̀s 1:14

Ŋȩte awɔb mbɨ̀Ꞌɨ̀ bɔ yute tèlete àku tu Bèjuê àa ntsàà la. Ŋȩte awɔb nê, bɔ̀ ka tsi nkùŋè mbɨ̧ tu bòt bɔ tu̧u̧ mènəè mu è wû nkûŋ la e tsite la.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

Tȩtɔ̀s 3:9

È me wu awê, ko mâ laꞋnê ka ndzì ètsəê wê ane mèngǎ̧ èkèghɨ̧̀. Bòt e me kààne ànəê adù̧ èseele tèlente bètǎt nyaꞋ ba, à ka ntɨ̧ɨ̧ abot, à ka ndzɔ̀ bɨ wòt. Bɨ wòt è ka nkàànè ànəê adù̧ mbɨ̧te Musì. Mènəè ngaa wu mènəè àku, kà wua ntɨ̀ŋa bòt.

Ebùlù 5:14

Wu ndàꞋ bòt bɔ tsə la ka bɔ̀ɔ njɨ̀a èghɨjɨ kekweelè la. Bòt ngaa wu bòt bɔ ghɨ̀ mènəè tè èyì e nyi àtsəa yɔb ndɨ bɔ̀ɔ ko a ntsɔ̧̀ nè kàbɔ̀ŋ la.