1 Tɔ̀màtià 4:4 - Mundani

⁴ Àghɨ àgème Mbɔ̧ɔ̧mà è ghɨ̀ la aà mbɔ̀, bà ka ntù̧ àyea ko. Wuê nê, baa wu bà me jɨ, ba ŋa mènkɔ̀ŋke abua Mbɔ̧ɔ̧mà.

1 Tɔ̀màtià 4:4 Iomraidhean Croise

ÀfaꞋa 10:15

Àtɔŋ yu a mè shu abua tò nê, “Ko mbɨ̀Ꞌɨ̀ à me nɨ èghɨjɨ Mbɔ̧ɔ̧mà zìambɔŋ naŋè nê bɔ me jɨ la, nê wu èghɨjɨ mèshɨ̀kè.”

ÀfaꞋa 15:29

Bɨ̀ ka tsi njɨ̀ èghɨ bɔ nɨŋ ntsì èpɨ̧̀ la. Bɨ̀ ka tsi nkwèle nyà̧ bɔ tɨ̀ŋè la. Bɨ kà mè ntsi njɨ̀ àlo̧. Bɨ̀ ka me nɔ̀ŋkè ne bèzi kà wu èbɨ̧. Bɨ paŋà mbɨ̧ tàa ntsɔ̧̀, ko bɨa taꞋa mě ètsə a èbem èngǎ̧ Mbɔ̧ɔ̧mà. Bɨ̀ tseke ntsɔ̧̀ bà tsiꞋi àfɨ̀Ꞌ àko.

ÀfaꞋa 21:25

È me wu bòt kà wu Bèjuê bu bɔ zì mèntɨ̧ɨ̧ mɔb ane Yesò la, ko bà le yaŋe tsàà àwɔb àkatè nê, bɔ̀ ka nkwèle nyà̧ bɔ nɨŋ ntsì èpɨ̧̀ adù̧ la, bɔ̀ ka nkwèle nyà̧ bɔ tɨ̀ŋè la, bɔ̀ ka mè njɨ̀ àlo̧, bɔ̀ ka mè ntsi nɔ̀ŋkè nè bèzi kà wu ebɔb.”

Lûm 14:14

Mâ lâ nko, ndɨ̀ wu è ntsiꞋi àghɨ yeamɔꞋ nè Yesò Lefɨ̀Ꞌ la nê àghɨa jɨ ako àa mbɨ̀a a mànjɨa la a ntsě, ka wòt yèa nê àghɨa ko bɔ̀ɔ njɨ̀a la wu àghɨa kàbɔ̀ŋ, mbɔ̂ njɨ, ko wu kàbɔ̀ŋ tà ghɨ̀ la.

Lûm 14:20

À ka ngà ambo èghɨjɨ ntsòkè àfaꞋa Mbɔ̧ɔ̧mà. Wu nkûŋ nê àghɨa ko wòt nàa shɨ̀kà a mànjɨa la a ntsě, ka aà kàbɔ̀ŋ abua wòt tàa jɨ àghɨa àa ghɨ̌ wanyɨ tò naa fà̧ ànəê a mbì Mbɔ̧ɔ̧mà la.

Lûm 14:6

Wòt tàa nɔ̀ŋà àlia ko mbɨ̀Ꞌɨ̀ àlia nɨ̧ la wua nɔ̀ŋà nkùkta Lefɨ̀Ꞌ. Wòt tàa njɨ̀a àghɨ kà wòt tsa wua njɨ̀a la mè ngua njɨ̀a nkùkta Lefɨ̀Ꞌ, ndɨ̀ wu tà kɔ̀ŋka Mbɔ̧ɔ̧mà adù̧ la. Wòt tà meè ntu̧u̧ e jɨ àghɨ la, wua ntù̧a nkùkta Lefɨ̀Ꞌ, mè nkɔ̀ŋkà Mbɔ̧ɔ̧mà adù̧.

1 Kɔlìn 10:23

Bòt aa shua nê “Mbɨ̧ kǒ nàa kele awa a màngɨa àghɨ la ntsě.” Ale, è ntsě àghɨ àgème àa ntɨ̀ŋa wòt la. Mbɨ̧ kǒ nàa kele awa a màngɨa àghɨ la ntsě, mbɔ̂ è kà wu àghɨ àgème àa ntɨ̀ŋa bòt la.

1 Kɔlìn 10:25

Bɨ yea nyà̧ a èwen bɔ̀ɔ fɨ̧̀ɨ̧̀nà la me yu̧u̧ bɨ̀ ka mbììte àdziꞋa è dzə la mbɨ̀Ꞌɨ̀ mèntɨ̧ɨ̧ mɨ̧ me fèèlè àwɨ̧.

1 Kɔlìn 10:26

Àkata Mbɔ̧ɔ̧mà a laꞋnê, “SitsǎꞋ nè àghɨ àgème àa a èbèm la wu abua Tǎt wa Lefɨ̀Ꞌ.”

1 Kɔlìn 10:30

E me jɨa nkɔ̀ŋkà Mbɔ̧ɔ̧mà adù̧, lə yu wòt nàa me tsǐ mpəè taã la wu ne ghàà?

1 Tɔ̀màtià 4:3

Èwuu bòt ngaa aà nyɨ̀Ꞌta bòt nê, bɔ̀ ka me yɔꞋɔ bèzi, mè nê bɔ̀ me shɨ̀kè èghɨjɨ ko. Ka ba ko nê, Mbɔ̧ɔ̧mà li ngɨ̀ èghɨjɨ abua bòt bu bɔ zì mèntɨ̧ɨ̧ mɔb ane zi, mè nko mènəè mi mu è wû nkûŋ la, nê bɔ̀ jɨ ŋǎ mènkɔ̀ŋke abua zi.