1 Tɔ̀màtià 3:6 - Mundani

⁶ Ko mbɨ̀Ꞌɨ̀ bɨ nɨ wòt tà bèla ndzìà èntɨ̧ɨ̧ vi zǐ ane Yesò la ndzì àtsəa bòt Yesò, mbɨ̀Ꞌɨ̀ tà me ŋeꞋe avi a ègwet Mbɔ̧ɔ̧mà tsǐ mpəəte tò, mbɨ̀Ꞌɨ̀ tà li ngɨ̀ nè Satàn la.

1 Tɔ̀màtià 3:6 Iomraidhean Croise

Lûk 10:18

Yesò bɨ̀ɨ̀lè nê, “E ndɨ ndzě ndɨ Satàn lɔ̀Ꞌɔ a ègwet mbɨ̀ŋkê nkwen mbɨꞋɨ̀ èfâŋ la.

1 Kɔlìn 3:1

Bɔnyɨ bɔ̧, e ndi ngu ba nɨ̧̀ ba ale, è nka laꞋa abua yɨ̧ mbɨ̀Ꞌɨ̀ bòt bɔ ko mènəè Mbɔ̧ɔ̧mà ntsɔ̧̀ la. E ndi ndàꞋ abua yɨ̧ mbɨ̀Ꞌɨ̀ e ndàꞋa abua bòt ngɔ̀ŋ, mè ndàꞋ mbɨ̀Ꞌɨ̀ e ndaꞋa abua bɔtechɨɨle ane mènəè Yesò Klistò.

1 Kɔlìn 8:1

È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

2 Kɔlìn 12:7

Mbɔ̧ɔ̧mà li tà kà wua nkɨà maa me ŋeꞋe tèkwȩ taã ane èghɨ bu e ghe tà ghaꞋte àghɨ am e ndze la. Ale, Mbɔ̧ɔ̧mà zì àghɨa ko ane yaã aa ghɔɔ am, ekele am mbɨ̀Ꞌɨ̀ e me ŋeꞋe tèkwȩ taã a ègwet nyaŋ. Àghɨ yaa a li ngu mbɨ̀Ꞌɨ̀ wantu̧ Satàn.

1 Tɔ̀màtià 3:7

Wòt àtsəa bòt Yesò è bɔ̂ ndɨ tàa wu wòt bòt nàbȩ̂ àa ka laꞋa kàbɔ̀ŋ adù̧ tò la, mbɨ̀Ꞌɨ̀ ka tà lòo èku vi, nkwene a èbem àtaã Satàn.

1 Tɔ̀màtià 6:4

ŋut wua ŋèꞋa avi a ègwet, ntanda nê ye ko àghɨ ako ale, ka àghɨ à ka wu àtsə atò. ÀfàꞋ atò a kùꞋu ndɨ tàa me ghɨ̧̀ɨ̧̀na ndzɔ̀ mè nkàànà mèngà̧ la. Àyaa aà ndìꞋa ghòꞋnà, nè àyɔ̀ŋ, bɔ̂ tèntsɔ̧̀ɔ̧̀mètsə, mè ngɨ̀à bòt e mɨ̀ɨ̀tà kàbɔ̀ŋ adù̧ bɔnyɨ bɔb.

2 Tɔ̀màtià 3:4

Bòt aa li tsiꞋa ndàꞋà mèngà̧ nɨ̀a fɨ̧̀ɨ̧̀nà beko, ngɨ̀à mènəè èkèghɨ̧̀ ŋèꞋa tèkwȩ tɔb a ègwet kwàꞋ ànyaꞋne. Bɔɔ li tsiꞋa nkɔ̀ŋkà wuê èghɨ àa mbɔ̀ àwɔb la, tè ntse a Mbɔ̧ɔ̧mà.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”

2 Pità 2:4

Mbɔ̧ɔ̧mà li tà kà sa bɔntu̧ bi bu bɔ li ngɨa kàbɔ̀ŋ la bɔɔ gha àku. Tà li màꞋà wɔb a èbem nkɨ̀Ꞌnè ngoꞋ, àdziꞋa bɔ kuule awɔb ane fȩtsə nɔ̀ŋè a èbem kèbìꞋà me chɨ̀Ꞌɨ̀ Àlia èsaꞋa Mbɔ̧ɔ̧mà la.

Jûd 1:6

Bɨ̀ ku̧u̧te ànəa bɔntu̧ Mbɔ̧ɔ̧mà bu bɔ li ngwaꞋa àdziꞋa tà tsia awɔb la ntsiꞋi me ghɨ a èlɨ tsa la. Tà kuule awɔb ane fȩte kà wu li loote, nɔ̀ŋè àwɔb a èbem kèbìꞋà me chɨ̀Ꞌɨ̀ àli yu tàa li saꞋa ngɔ̀ŋ yaa la.