1 Tɔ̀màtià 3:2 - Mundani

² Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

1 Tɔ̀màtià 3:2 Iomraidhean Croise

Lûk 1:6

Bòt baa babe la bɔ li ntɨ̧̀ɨ̧ ndɨŋndɨ̀ŋ a mbì Mbɔ̧ɔ̧mà mè me paŋe mbɨ̧te tò nè nkɨ̀atsə tò tègème.

Lûk 2:36

AfɨꞋa mbɔŋ taꞋa ndèn ndàꞋàtɔŋ Mbɔ̧ɔ̧mà ko èlen tò wu Anà, tà bɔ̂ ngu nempfə àvi la wu abot. Tǎt tò li ngu Fanùl, wòt àbâ àlaꞋ a Ashà. Tà lè tsekè ane èyɔꞋɔ ane èngùꞋebȩ yesà̧à̧mbe.

Lûm 12:13

Bɨ̀ me tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la, mè me sèè bègɨ̧̀.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

1 Tɔ̀màtià 3:12

Dikɨ̀n è bɔ̂ ndɨ tàa bɔ wu àvi wemɔ̀Ꞌ, e mě me koa mbà̧aã bɔ̧ bi nè lob zi ntsɔ̧̀ la.

1 Tɔ̀màtià 3:8

Bèdikɨ̀n mɨ̧̂ e bɔ̂ ndɨ bɔ̀ɔ wu bòt mènəè ntsɔ̧̀ la, bɔ̀ ka me fible bòt. Bɔ̀ ka me nu mèlùꞋ nyaŋ, bɔ̀ ka me kɨ nê àghɨ àgème wu ayɔb.

1 Tɔ̀màtià 4:3

Èwuu bòt ngaa aà nyɨ̀Ꞌta bòt nê, bɔ̀ ka me yɔꞋɔ bèzi, mè nê bɔ̀ me shɨ̀kè èghɨjɨ ko. Ka ba ko nê, Mbɔ̧ɔ̧mà li ngɨ̀ èghɨjɨ abua bòt bu bɔ zì mèntɨ̧ɨ̧ mɔb ane zi, mè nko mènəè mi mu è wû nkûŋ la, nê bɔ̀ jɨ ŋǎ mènkɔ̀ŋke abua zi.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

1 Tɔ̀màtià 5:22

Ko mbɨ̀Ꞌɨ̀ à tèmnê, a mànɔŋa èbu bê àtsəa wòt kǒ nê, tà me fàꞋa àfàꞋ ako ayɔɔ bòt Yesò. Ko mbɨ̀Ꞌɨ̀ à zì àbu ayê a èbem mènəè kàbɔ̀ŋ wòt. Tsì awê a èbem mènəè kàbɔ̀ŋ.

1 Tɔ̀màtià 5:9

Nempfə bele kà tse èngùꞋ èghem yentùa, à ka shɨ̀ èlen tò ayɔɔ ète bènempfə bu bɔ bɔ ndɨ bɔ̀ɔ me tɨŋe awɔb la. À me shɨ èlen nempfə, à mè ndze nê, tà li me yɔꞋɔ wuê lu̧ wemɔ̀Ꞌ,

2 Tɔ̀màtià 2:24

Wɔ̀fàꞋ Mbɔ̧ɔ̧mà bakà bɔ ndɨ tàa me yɔ̌ bɔ̂ bòt la. Tà bɔ ndɨ tàa me ghɨ̌ a ntsɔ̧̀ abua waa waa, e mě ewu nyɨꞋtà ntsɔ̧̀ tà bɔ àbɔɔla èntɨ̧ɨ̧ la.

Tȩtɔ̀s 2:2

Shu abua mbà̧te juŋ nê, bɔ̀ me yu ane mènəè mɔb, nɨ̀a èyì ka ngɨ̀à mènəè, mè mbà̧aã mèntɨ̧ɨ̧ mɔb ka ngɨ̀à mùà. Bɔ̀ mě me nèèta ndzìà mèntɨ̧ɨ̧ mɔb ane Mbɔ̧ɔ̧mà, nèètà nkɔ̀ŋkà bòt, mè nkìà ngoꞋtsə.

Ebùlù 13:2

Bɨ̀ ka ndeene a màndia bègɨ̧̀, nkàà nê bòt ko e li mbèla ngɨa a èlɨ mbɔŋ ndì bɔntu̧ Mbɔ̧ɔ̧mà kà koê.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

1 Pità 4:9

Bɨ̀ me lì bègɨ̧̀ ntsɔ̧̀ kà wua nkɨ̀ɨ̀là mèsi mɨ̧.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.