1 Tɔ̀màtià 3:13 - Mundani

¹³ Bòt e me fàꞋà ntsɔ̧̀ mbɨ̀Ꞌɨ̀ bèdikɨ̀n, ko bòt aa me zə awɔb, bɔ mè ngu me koa ndàꞋà ndɨ bɔ zì mèntɨ̧ɨ̧ mɔb ane Yesò Klistò la kà ye àtsəa kɔꞋɔ.

1 Tɔ̀màtià 3:13 Iomraidhean Croise

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Lûk 19:17

“Ŋut wu shu abua wafàꞋ ngaa nê, ‘À ghɨ ntsɔ̧̀, à wu wafàꞋ ntsɔ̧̀! Ndɨ̀ wu à baãaãte àdziꞋ èkab wàa ntsɔ̧̀ la, maa tsia awê àtsəa èpfəè nɨ̧ èghem.’

ÀfaꞋa 21:35

Bɔ nɨ a Pɔ̂l, bɔ̀ gha ane ntɨ̀a tu tèa nkɔ̀Ꞌa nga a èbem lob yu la, banyà̧ bu e tsiꞋi ŋeꞋe atò ŋeꞋe nkàà nê, ènɔ̧̂ bòt bu e li ntsòò tê mè me kɨ ebaãaã atò.

ÀfaꞋa 6:15

AfɨꞋa mbɔŋ, bòt bu a lob èsaꞋa yu la, e tsitè àghɨ a yɔb ane Stifèn me ko, èsi tò e kubtè ntsìꞋi mbɨ̀Ꞌɨ̀ èsi wantu̧ Mbɔ̧ɔ̧mà.

ÀfaꞋa 6:5

Bɔ làꞋ ale bòt Yesò bu bàgème e kɔ̀ŋkè ànəê yu bɔntu̧ tò bu e shu la. Bɔ lȩ̀ a Stifèn wu tà li ntaꞋa zǐ èntɨ̧ɨ̧ vi ane Yesò, Fo Kèfə mè ntaꞋa wu ane tò la, mè ndȩ̀ a Filìb bɔ̂ Plòkolùs nè Nikanɔ̀, bɔ̂ Timɔ̀n, nè Pàmenàs, ndɔ̀Ꞌ nè Nikòlâs, wòt Antìɔ̀k, tà kubtè ntsìꞋi wòt Juê la.

ÀfaꞋa 6:8

Stifèn li ngu wòt Mbɔ̧ɔ̧mà tàꞋa lɔ̀ɔ̀le atò mè ntàꞋa ŋa atò mètàŋ tà nɨŋ ngɨ̀ tèwuute ènəê kà ye fɨ̀Ꞌ bɔ̂ ngɨŋa ènəê nɨŋ nyɨ̀Ꞌte mètàŋ Mbɔ̧ɔ̧mà a kètsìà bòt la.

1 Kɔlìn 16:15

Bɔnyɨ bɔ̧, bɨ ko nê Stefanàs bɔ̂ bòt lob zi wu bòt mbì a èbem Akayà bɔ li ndzì mèntɨ̧ɨ̧ mɔb ane Yesò, mè ŋà wɔb e me faꞋa ntɨ̀ŋa bòt Mbɔ̧ɔ̧mà la.

Filìpȩ 1:14

Ànəa ko yeamɔꞋ wu nê, tèfȩ tàa è ngu a èbèm la, te ghɨ̂ bɔnyɨ ba nyaŋ e paà nkweele ane ànəa Lefɨ̀Ꞌ, tè ntsìꞋa ndàꞋà èngǎ̧ tò kà bɔ̀ɔ̂.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

1 Tɔ̀màtià 3:14

Mbɨ̀Ꞌɨ̀ e shɨa letà waa abua yɨ̧ la, maà nkwàꞋtà nê, e mbele eyàŋe ekɨꞋɨ eye awɨ̧.

2 Tɔ̀màtià 2:1

È me wu awê à waã am, à me kweele ane mènəè Mbɔ̧ɔ̧mà mu è wuê ma, ndɨ̀ wu ba tsiꞋi àghɨ yeamɔꞋ ane Yesò Klistò la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.