1 Tɔ̀màtià 3:1 - Mundani

¹ Ànəa e shua la wu nkûŋ. Wòt me kɨ ewu àtsəa bòt Yesò, ko wu àfaꞋa ntsɔ̧̀.

1 Tɔ̀màtià 3:1 Iomraidhean Croise

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

ÀfaꞋa 1:20

“Bɔ shɨ a èbem Àkata Mèkù̧ nê: ‘Tè lob tò tsiꞋi fəâ kà ye wòt tàa ntsèka a èbèm la.’ Mê nê, ‘Tè wòt tsa jɨ àdziꞋa àfaꞋa atò.’

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

Lûm 11:13

E ntsiꞋa ndàꞋa abua yɨ̧ bɨ̀a bòt kà wu bòt Izəèlȩê àfɨ̀Ꞌ yaa. Maa me ghàꞋtè am ane àfàꞋa am mbɨ̀Ꞌɨ̀ è ngu wantu̧ Yesò abua bòt kà wu bòt Izəèlȩê la,

Efesɔ̀s 4:12

Tà li ngɨ̀ àyaa mbɨ̀Ꞌɨ̀ e ghɨ̌ bòt Mbɔ̧ɔ̧mà bàgème aa kùꞋu a màngɨa àfaꞋa bɔ bɔ ndɨ bɔ̀ɔ ghɨ̀ la, ngɨ̀à bòt bu bɔ̀ wu mbɨ̧̀ ènyit Yesò Klistò la e kweelà.

Filìpȩ 1:1

Letà Pɔ̂l bɔ̂ Tɔ̀màtià bɔfàꞋ Yesò Klistò, Abua bòt Mbɔ̧ɔ̧mà bu bàgème a Filìpȩ bɔ̂ Yesò Klistò ba è tsiꞋi àghɨ yeamɔꞋ la. Ba shɨa fɔ̀ɔ̀le abua bɔɔjuŋ nè bèdikɨ̀n bu ayɔɔ yɨ̧ la.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

1 Tɔ̀màtià 4:9

Eyaa wu èngǎ̧ nkûŋ ba wu nèète ebɨ̧ɨ̧ne e mě ezì mèntɨ̧ɨ̧ ma adù̧ la.

2 Tɔ̀màtià 2:11

Èngà̧ waa wu èngǎ̧ nkûŋ: “È wu nê ba pfə nè tò, ko ba tò ba aa me tseke nɔ̂ mɨ̧̂.

Tȩtɔ̀s 1:7

Ndɨ̀ wu tà wu àtsəa bòt Yesò fàꞋà àfàꞋa Mbɔ̧ɔ̧mà la, tà ka me ghɨ̀ mènəè bòt àa me fèèle atò la, tà ka mbɔ̌ ètsəê kàbɔ̀ŋ, tà ka me ghèmtè, tà ka me nu mèlùꞋ nyaŋ, tà ka me kɨ èbet, tà ka me zǐ èntɨ̧ɨ̧ vi ane èkab nyaŋ.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 12:15

Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.

1 Pità 2:25

Bɨ li ndzaãaã ngua ndèma mbɨ̀Ꞌɨ̀ njɨ̀te tèa ngà tèbaꞋ tèbaꞋ la, ka nè àfɨ̀Ꞌ yaa bɨ kua akwèn tè nkɨ̀Ꞌɨ̂ abua mbaabà njɨ̀ wu è wu wòt tàa mbààba awɨ̧ la.

1 Pità 4:15

Ka wòt ane yɨ̧ ka ndzě ngoꞋ nkàà a kàbɔ̀ŋ tàa ngɨ̀à la, è wû màmbuŋa bòt, nè ètsɔŋ, kò màŋeꞋe avi echɨ̧ɨ̧ a èbem mènəè bòt tsa leꞋ la.

1 Pità 5:2

E ngua shù̧ù̧ta awɨ̧ nê bɨ̀ me baabe bòt bu Mbɔ̧ɔ̧mà zi a tèkitebu tɨ̧ la, mbɨ̀Ꞌɨ̀ mbaabà njɨ̀ nàa mbààba njɨ̀ ti la. Mbɔ̧ɔ̧mà nàà nkɨà nê bɨ̀ me baãaã awɔb ane mɨ̧ nê mènkɔ̀ŋke, è ka ngu ngaa mbɨ̀Ꞌɨ̀ bɔ ŋwèèlè àwɨ̧ ŋwèèle. Bɨ̀ ka me fàꞋà mbɨꞋɨ̀ bòt nkɨà wuê èkab la, bɨ̀ me fàꞋà nè èntɨ̧ɨ̧ ntsɔ̧̀.