1 Tɔ̀màtià 2:8 - Mundani

⁸ Maà nkɨà nê, àdzìꞋ àgème bòt e bù̧ù̧te etsàꞋte a Mbɔ̧ɔ̧mà la, mbâ̧tsə tè lɔ̀kè èbu bɔb ntsà a ègwet ntsàꞋtè a Mbɔ̧ɔ̧mà. Bɔ bɔ ndɨ bɔ̀ɔ wu mbaãte mènəè mɔb tɨ̧ɨ̧ ndɨŋndɨ̀ŋ e mbì Mbɔ̧ɔ̧mà bɔ̀ ka meè ngua ntsòa kò ndzɔ̀ nè bòt la.

1 Tɔ̀màtià 2:8 Iomraidhean Croise

Matìù 21:21

Yesò bɨ̀ɨ̀lè nê “Ane nkûŋ, tsiꞋ è shu awɨ̧ nê bɨ zìà èntɨ̧ɨ̧ wɨ̧ ane Mbɔ̧ɔ̧mà tè mbakà wua màkà, ko betsiꞋa bɨ ghɨ̀ àghɨa mâ ghɨ ane àyɨt a fik yaa la. È ntsě wuê ndàꞋà yùà, bɨ màà shu wuê abua èbȩ la nê ‘ŊeꞋe awê ndebe a èbem *èdzî,’ ko aa ŋeꞋe avi.

Matìù 5:44

Ka e ngua shua wɨ̧ nê ‘Bɨ̀ me kɔ̀ŋkè bɔmbù̧ bɨ̧, mè tsaꞋta a Mbɔ̧ɔ̧mà ane bòt bu bɔ̀ɔ nkɨà ètsə bɨ̧ enɨ la.’

Matìù 6:12

WaꞋa èfaãnəè ba mbɨ̀Ꞌɨ̀ bàambɔŋ e waꞋa èfaãnəè bɔnyɨ ba la.

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

Lûk 24:50

Yesò ghɨ̀ ale, nɨ̀ àwɔb ndzə a èbem àpfəèà nɨ̧ yu, ngà tè ngu a Betanì, ndɔ̀kè èbu bi fà̧à̧te awɔb.

Jɔ̌n 4:21

Yesò shuê abua tò nê “Àvi wa, bɨ̧ɨ̧ne ànəa e shua la, nkàà nê àfɨ̀Ꞌ aa nkɨ̀Ꞌa kà bòt e wu tsi me wùꞋte Mbɔ̧ɔ̧mà a ègwet èbȩ la, kò a Jèlusalèm leꞋ.

ÀfaꞋa 10:2

Ta li ngu wòt Mbɔ̧ɔ̧mà, me wùꞋtè a Mbɔ̧ɔ̧mà bɔ̂ bòt bi bàgème, mè ntàꞋa wua ntɨ̀ŋa bòt ntseb ayɔɔ Bèjuê, mè ntsàꞋtà a Mbɔ̧ɔ̧mà àfɨ̀Ꞌ àgème.

ÀfaꞋa 10:31

nê, ‘Kɔ̀nelìà! Mbɔ̧ɔ̧mà è zə àtsàꞋtè ayê, mè nkù̧ù̧te àfaꞋa ntsɔ̧̀ àyê adù̧ bòt ntseb.

ÀfaꞋa 10:4

Tà tsitè àghɨ azi ane tò, ènyit tò e kȩ. Tà bɔ̂ mbììte a wantu̧ wu nê, “Tê, à kɨa ghà à?” Wantu̧ wu bɨ̀ɨ̀lè nê, “Ntsɔ̧̀ wu àa ngɨa ane bòt ntseb la, nè ndɨ̀ wu àa ntsàꞋta Mbɔ̧ɔ̧mà la e ghɨ̂ tà kù̧ù̧te awê.

ÀfaꞋa 21:5

Ba tseke abàꞋ və tè àfɨ̀Ꞌ aya a kùꞋ, ba dzəè mbà̧à̧ àtsəalu̧ aya. Bà me ghǎ, bòt Yesò bu bàgème nè bèzi bɔb bɔ̂ bɔ̧ bɔb, e dzəè àpfəèà nɨ̧ yu nga etsàà àwa. Ba tò ba e gha a ngèt èdzî wu, ba teme tènjùŋ ta a ègwet tèsoŋtsə ntsaꞋte a Mbɔ̧ɔ̧mà.

ÀfaꞋa 7:60

Tà ntèm tènjûŋ ti a si ŋȩ̂ ane àtɔŋ nɨ̧ nê, “Lefɨ̀Ꞌ, ko mbɨ̀Ꞌɨ̀ à bèà ànəa kàbɔ̀ŋ yaa bɔ ghɨ̀ la a èntɨ̧ɨ̧ wê.” Tà shu ale, mbɔ̂ mpfə.

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

1 Kɔlìn 7:7

Bòt bàgème e ghɨ̀ ale, ngu mbɨ̀Ꞌɨ̀ mmɔ̌, ko a bɔ̀ŋ am, ka Mbɔ̧ɔ̧mà nàà ŋǎ èghab wòt ègème tsa. Tàà ngɨ̀à wòt kǒ a èlɨ̀ waa, ngɨ̀à è via ane via nè èlɨ̀.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

Filìpȩ 1:12

Bɔnyɨ bɔ̧, maa nkɨ̀a bɨa ko nê, mènəè maa ndze am la è paà ntsiꞋi ghaꞋa èlu̧ bòt e me zə Ntu̧ Ntsɔ̧̀ Yesò Klistò nɨa ngà nè mbì.

1 Tèsàlonikà 1:8

Ntu̧ Ntsɔ̧̀ Yesò yaa lè kaꞋa dzə abua yɨ̧ e ghà wuê ndaꞋa Màsèdonìà bɔ̂ Akayà. Bòt èdziꞋ ègème e zə fɔ̀ɔ̀le ndɨ bɨ zì mèntɨ̧ɨ̧ mɨ̧ ane Mbɔ̧ɔ̧mà la, tè ànəa ko à ka tsi ngu bàa mě shu awɔb la.

1 Tɔ̀màtià 5:14

Mbɨ̀Ꞌɨ̀ àa ale la, è wu nè mmɔ̌, ko bènempfə bu bɔ̀ bele bɔɔ̀zi techɨɨle la e mě ndzɔ̀Ꞌɔ bèlu̧, mbì bɔ̧ bɔb, mè ntsèke a si me taŋke lob tɔb. Bɔ ghɨ̀ ale, ko bɔmbù̧ ba è ka ye èlu̧ elàꞋa mènəè kàbɔ̀ŋ adù̧ ya a.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Jimsì 4:8

Bɨ̀ tente awɨ̧ nga a mbɨ̧̀ Mbɔ̧ɔ̧mà, ko taa səèꞋtè àvi kɨꞋɨ a mbɨ̧̀ yɨ̧. Bɨ̀a bòt mènəè kàbɔ̀ŋ, bɨ̀ tsì èbu bɨ̧ a èbem mènəè kàbɔ̀ŋ. Bɨ̀a bòt èntɨ̧ɨ̧ tebe è shùù mèntɨ̧ɨ̧ mɨ̧.

1 Pità 3:7

Bɨ̀a mbâ̧tsə, bɨ̀ me tseke ntsɔ̧̀ nè bèzi bɨ̧ mɨ̧̂. Bɨ̀ me mbaãaã wɔb ntsɔ̧̀, nɨa wɔb mbɨ̀Ꞌɨ̀ bòt bɔ̀ɔ njùa la. Bɨ̀ me baãaã wɔb ntsɔ̧̀ ndɨ̀ wu Mbɔ̧ɔ̧mà nyɨꞋte a ntsɔ̧̀ vi ane yɨ̧ bɨ̀agème mbɨ̀Ꞌɨ̀ eŋa awɨ̧ mèmpème kàlìà la. Bɨ̀ ghɨ̀ ale mbɨ̀Ꞌɨ̀ bɨ̀ me tsàꞋte a Mbɔ̧ɔ̧mà, àghɨa ko à ka nket nê tà ka ndzə.