1 Tɔ̀màtià 2:15 - Mundani

¹⁵ A batè ngu anè, ka Mbɔ̧ɔ̧mà bɔ̂ ngu e ghɨ̌ bèzi aa ghǎ a èlɨ̀ wu bɔ̀ɔ mbia la e peme. Bɔɔ peme na bɔ zì mèntɨ̧ɨ̧ mɔb ane tò, me kɔ̀ŋkè bòt, mènəè mɔb mè ntɨ̧ɨ̧ ndɨŋndɨ̀ŋ a mbì tò, bɔ mè me ghɨ̀ mènəè mbɨ̀Ꞌɨ̀ bòt tò la.

1 Tɔ̀màtià 2:15 Iomraidhean Croise

Lûk 2:7

Màlià bi waã mbi vi, wambâ̧. Bɔ lèbte atò a èbem ndǐtsə mbɔ̂ nɔ̀ŋè atò a èbem èpfəêꞋ àdziꞋa bɔ̀ɔ njɨ̀a njɨ̀tsə la, nkàà nê àdziꞋ a li à ka wuê a èbem lob bègɨ̧̀ àa nkɨ̀Ꞌa ntsèka la, bɔɔ tseke.

1 Kɔlìn 12:23

mbɔ̂ è bu nè èdziꞋi ènyit bàa mɨ̀ɨ̀tà nê è ntsě àghɨ la, wu èbe bàa mbà̧aã ntsɔ̧̀ la. Baa nèètà nkàbta èdziꞋi ènyit baa bu àa ka bɔ a mànyɨꞋta àbȩ la,

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

1 Tɔ̀màtià 2:9

È me wu bèzi e me kɨ nê bɔ̀ me kwaãaã ndǐ tɔb ane èlɨ ntsɔ̧̀. Bɔ ka me kwaãaã ndǐ tɔb mbɨ̀Ꞌɨ̀ bòt bɔ̀ɔ ŋeꞋe awɔb a ègwet la. Bɔ̀ ka me baꞋa ètsə bɔb ane ngwȩ̀tsə. Bɔ̀ ka me kwaãaã mèkù nè ndìte tèa ntsoa èkab la.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.