1 Tɔ̀màtià 2:1 - Mundani

¹ Ànəê a mbì e nkɨ enɔ̀ŋe adù̧ bòt Yesò la wu nê bɔ̀ me tsàꞋte a Mbɔ̧ɔ̧mà àtsəa waa waa. Bɔ̀ me shu̧u̧te a Mbɔ̧ɔ̧mà nê, tà me tɨŋe awɔb, ŋà àwɔb àghɨa bɔ̀ɔ nkɨ̀ŋkà la, ndɔ̀Ꞌ mè kɔ̀ŋkè a Mbɔ̧ɔ̧mà ane wòt ègème.

1 Tɔ̀màtià 2:1 Iomraidhean Croise

ÀfaꞋa 17:30

Mbɔ̧ɔ̧mà è waꞋ mè ndèènè èfɨ̀Ꞌ bu bɔbȩ e li bɔ̀ ka ko atò la. Ka nè àfɨ̀Ꞌ yaa, tàa nkɨà nê waa waa adzìꞋ àgème waꞋa èwuu mènəè kàbɔ̀ŋ maa.

Lûm 1:8

Maà mbɨ̌ kɔ̀ŋke a Mbɔ̧ɔ̧mà am ane èlen Yesò Klistò ane yɨ̧ bɨ̀agème, ane ndɨ bòt a èdziꞋ ègème aà ndàꞋà ndɨ bɨ zi mèntɨ̧ɨ̧ mɨ̧ ane Yesò Klistò la.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

1 Kɔlìn 15:3

E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

2 Kɔlìn 8:6

Ndɨ̀ wu bòt Màsèdonìà è le wua ŋǎ nyaŋ la a ghɨ̂ ba me shu abua Tȩtɔ̀s nê, ndɨ̀ wu tà li ndzaŋe ebuꞋu àfàꞋ yaa la, tà kɨꞋɨ nkwene ane yɨ̧ mpàa àfaꞋa ntsɔ̧̀ a màfeta èghɨ bu bòt Mbɔ̧ɔ̧mà àa ŋǎ ambo èkɔŋ tò la.

Efesɔ̀s 3:13

Mâ shu̧u̧te awɨ̧ nê bɨ̀ ka mbɨ̧̀ɨ̧̀ne ntɨ̀ yɨ̧ yu ane Mbɔ̧ɔ̧mà nkàà nê e ndzea ngoꞋ ya ambo yɨ̧. Àbȩ̀ a ngoꞋ ya gha jɨ bɨ̀a.

Efesɔ̀s 5:20

Bɨ̀ me kɔ̀ŋka Tǎt wa Mbɔ̧ɔ̧mà àfɨ̀Ꞌ àgème ane àghɨ àgème a ghɨ̀ la ane èlen Yesò Klistò Lefɨ̀Ꞌ wa.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Filìpȩ 1:3

Màa ngɨ̀ è mɨ̀ɨ̀tè àwɨ̧ àfɨ̀Ꞌ àgème, e ntaꞋa kɔ̀ŋke a Mbɔ̧ɔ̧mà am.

Filìpȩ 4:6

Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.

1 Tèsàlonikà 3:12

Ba mè ntsàꞋtà nê Lefɨ̀Ꞌ ghɨa èkɔŋ wɨ̧ ane bɔnyɨ bɨ̧ è me kweela ngà nè mbì, bɨ̀ mèe me nèèta nkɔ̀ŋkà waa waa wuê mbɨ̀Ꞌɨ̀ bàa nkɔ̀ŋkà àwɨ̧ la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

1 Tɔ̀màtià 2:4

tà mè me kɔ̀ŋkè nê, bòt bàgème è pem nko èngǎ̧ tò wu è wû nkûŋ la.

1 Tɔ̀màtià 5:5

Àvi wu tà wu ngule nempfə kà ye wòt tàa tɨŋe atò la, nàa ngɨ̀ tà me zì wuê ntɨ̀ zi ane Mbɔ̧ɔ̧mà, ntsèke ntsàꞋtà àli àgème ndò̧a ètɨŋe abua tò.

2 Tɔ̀màtià 2:24

Wɔ̀fàꞋ Mbɔ̧ɔ̧mà bakà bɔ ndɨ tàa me yɔ̌ bɔ̂ bòt la. Tà bɔ ndɨ tàa me ghɨ̌ a ntsɔ̧̀ abua waa waa, e mě ewu nyɨꞋtà ntsɔ̧̀ tà bɔ àbɔɔla èntɨ̧ɨ̧ la.

Tȩtɔ̀s 2:11

Bòt è ghɨ̌ a èlɨ̀ waa nkàà nê Mbɔ̧ɔ̧mà è nèètè nyɨ̀Ꞌte a ntsɔ̧̀ vi abua waa waa mbɨ̀Ꞌɨ̀ baa peme.

Tȩtɔ̀s 3:2

Shu abua yɔb nê, wòt ka ndàꞋa kàbɔ̀ŋ adù̧ wòt kǒ, wòt ka nkɨ̀ àyɔ̀ŋ, bɔ̀ nɨ a waa waa mbɨ̀Ꞌɨ̀ shu̧, mè me ghɨ a ntsɔ̧̀ abua wòt ègème.

Ebùlù 6:11

Baa nkɨà nê, wòt ègème ane yɨ̧ baãaã wuê a èlɨ̀ waa tè ngà ndìà, mbɨ̀Ꞌɨ̀ ebɔ àghɨa tà kuule èntɨ̧ɨ̧ vi me chɨ̀Ꞌɨ la.

Jimsì 5:16

È wu ale, bɨ̀ me shu mènəè kàbɔ̀ŋ mɨ̧ abua bɔnyɨ bɨ̧, mè ntsàꞋta Mbɔ̧ɔ̧mà àtsəa waa waa mbɨ̀Ꞌɨ̀ ekweele. Wòt wu tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la nàa ngɨ̀ tà tsàꞋte atò, mèntsàꞋte mu bɔ mètàŋ, ànəa tà kɨa la a bê mè ngu wuê yùà.