1 Tɔ̀màtià 1:9 - Mundani

⁹ Ba chɨɨme nko ntsɔ̧̀ nê, Mbɔ̧ɔ̧mà li tà kà wua ngɨ̀à mbɨ̧ taa abua bòt bɔ tɨ̧ɨ̧ ndɨŋndɨ̀ŋ la. Tà li ngùa ngɨ̀à mbɨ̧tsə abua bòt bɔ̀ɔ mpààtà mbɨ̧tsə la, nè bòt àtsə àkekweelè. Mbɨ̧tsə te wu abua bòt bu bɔ̀ɔ ntsò̧ò̧ta a Mbɔ̧ɔ̧mà, mè ngɨ̀à mènəè kàbɔ̀ŋ la. Mè ngu abua bòt bu mènəè mɔb bakà tɨ̧ɨ̧ ndɨŋndɨ̀ŋ a mbì tò la, mè nè bòt bu bɔ̀ɔ ntsòꞋa èngǎ̧ tò la. Mbɔ̧ɔ̧mà li mèe ngɨ̀ mbɨ̧ taa abua bòt bu bɔ̀ɔ mbùŋà bètǎt bɔb nè bènyɨ̌ bɔb la, nè waa waa tàa mbùŋa bɔbȩ la.

1 Tɔ̀màtià 1:9 Iomraidhean Croise

Matìù 10:21

“Bòt aa li ŋa bɔnyɨ bɔb ne bɔ buŋa, bètǎt bɔ̧ e mè ngɨ̀ wuê a èlɨ mbɔŋ ane bɔ̧ bɔb, bɔ̧ e mè ngu li elɔ̀ke mbù̧tsə ane bètǎt bɔb e ghɨ̌ bɔ bùŋè àwɔb.

Lûm 1:30

Ntsòkà tèlente bòt, mpààbà a Mbɔ̧ɔ̧mà, ntsò̧ò̧tà bòt, ŋèꞋa tèkwȩ tɔb a ègwet, shua nê bɔ ghe. Bɔ mè me ntsèka mɨ̀ɨ̀tà wuê balu̧ fi a màngɨa kàbɔ̀ŋ, bɔ̀ ka wua ndzəa bètǎt bɔb bɔ̂ bènyɨ̌ bɔb.

Lûm 4:13

Mbɔ̧ɔ̧mà li nkàꞋa Abàlàghâm nè wòt ègème bɔ̀ɔ̀ li bi atò àndǎ̧ tò la, nê ngɔ̀ŋ naa wu yɔb, mbɔ̂ ngɨ̀ mbɨ̀Ꞌɨ̀ tà shu la, ka tà kà wua ngɨ̀à nkàà nê Abàlàghâm li ngua nɔ̀ŋà mbɨ̧. Tà li ngɨ̀ ale nkàà nê Abàlàghâm li ndzì èntɨ̧ɨ̧ vi ane tò, Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Lûm 5:20

Mbɔ̧ɔ̧mà li ntsèke tè ŋǎ mbɨ̧ mbɨ̀Ꞌɨ̀ kàbɔ̀ŋ naa kwèꞋne, ka mbɨ̀Ꞌɨ̀ kàbɔ̀ŋ è kwèꞋnè la, ntsɔ̧̀ Mbɔ̧ɔ̧mà paa nkwèꞋne.

Lûm 6:14

Bɨ te ntsě èbùꞋ abua kàbɔ̀ŋ, ndɨ̀ wu è te ntsě mbɨ̧ ka nàa mbà̧aã awɨ̧ la. Àghɨa mbà̧aã awɨ̧ àfɨ̀Ꞌ yaa la tsiꞋi ntsɔ̧̀ Mbɔ̧ɔ̧mà.

Gàlashìà 3:19

Mbɨ̀Ꞌɨ̀ àa anè la, àfaꞋa mbɨ̧tsə mèe ngu ghà à? Mbɔ̧ɔ̧mà li ŋa mbɨ̧tsə e nɨ nyɨꞋte awa àghɨa kàbɔ̀ŋ wu yùà la tè tea tsiꞋi lìa àfɨꞋa waã wu Mbɔ̧ɔ̧mà li nkàꞋ ànəê yu abua tò la è kɨꞋɨ la. Bɔntu̧ Mbɔ̧ɔ̧mà e li ntsè ane wòt tà tɨ̧ a kètsìà la ŋa mbɨ̧te mbɔŋ abua bɔbȩ.

Gàlashìà 5:18

Ka è wu nê bɨa ngɨ̀à àghɨa Fo Mbɔ̧ɔ̧mà nàa nkɨà la, ko bɨ te ntsě a èten mbɨ̧tsə.

Gàlashìà 5:21

MàngoꞋna bòt, màmbuŋa wòt, màmbea mèlùꞋ, nè màngɨa àghɨ àgème èntɨ̧ɨ̧ wê àa nkɨà la, fɔ̀ɔ̀lè ne èghɨ ko tsa. TsiꞋ e mèe səèŋkè ètû̧ bɨ̧ mbɨ̀Ꞌɨ̀ e ndi ndzii ghɨ̀ la, nê bòt bu bɔ̀ɔ ngɨ̀à èwuu èghɨ mbɔŋ la è ka li nyi a kèfɔ̧̀ Mbɔ̧ɔ̧mà a.

Gàlashìà 5:23

nè màshuke awê a si, ndɔ̀Ꞌ nè màmbaãaã ènyit yê. Wòt ghɨà èghɨ bàa, ko tà bakà bəꞋ mbɨ̧.

2 Tèsàlonikà 2:8

Wu àfɨꞋa mbɔŋ ka wòt wu tàa ka bê nkɨ ezə ànəa Mbɔ̧ɔ̧mà la nàa pùùlà la. Ka Yesò Lefɨ̀Ꞌ naa me ghɨ̀ tê nkɨ̀Ꞌɨ̂ ane ènɨ̧ vi mbê foo atò, ngɨ̀ àyea tò a mì.

1 Tɔ̀màtià 4:7

Ko mbɨ̀Ꞌɨ̀ à yute tèlete èkèghɨ̧̀ tu bòt àa ndzèa ngoꞋ ntsàà kà te bɔ ànəê ane èngǎ̧ Mbɔ̧ɔ̧mà la. Me taŋke awê ndɨ àa me tseke wuê mbɨ̀Ꞌɨ̀ Mbɔ̧ɔ̧mà è kɨa la.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

2 Tɔ̀màtià 2:16

Ko mbɨ̀Ꞌɨ̀ à zì ètsəê wê ane mènəè àku mu kà bɔ àbu ane mènəè Mbɔ̧ɔ̧mà la. Èwuu mènəè mbɔŋ nàà mpàa ntsìà bòt tsǐ ane Mbɔ̧ɔ̧mà.

2 Tɔ̀màtià 3:2

Naa li ngu ane èli mbɔŋ, waa waa tsiꞋa kɔ̀ŋkà wuê avi zìambɔŋ, nkwàꞋtà wuê ànəa mèkab mɔb, ngù̧a nkùꞋ tɔb mè ŋèꞋa tèkwȩ tɔb a ègwet. Naa li ngu ane èli mbɔŋ, bòt e tsiꞋa ntsɔ̧̀ɔ̧̀tà beko, ngɨ̀à àtsə àkekweelè abua bètǎt bɔb, bɔ̀ ka tsi ngùa nkuŋà Mbɔ̧ɔ̧mà, wòt ghɨa ntsɔ̧̀ abua wòt tà kà lem ntsi nkɔ̀ŋkè atò.

Tȩtɔ̀s 1:10

Bòt ko nyaŋ aà və bɔ̀ɔ ŋàa àtsə àsaa, bɔ̀ ka bê ngùa ndzəèa ànəê, mè me nɨ mèngǎ̧ àkû èfɨ̀ta bòt ko la. Bɔɔ̀ ndzea àya nyaŋ ane Bèjuê bu ayɔɔ yɔb bɔ̀ɔ ŋwèèlà shua wuê nê bɔ naŋe wòt ka tà wu wòt Mbɔ̧ɔ̧mà la.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Tȩtɔ̀s 1:6

Ko nê, wòt tà wu àtsəa bòt Yesò la, bakà bɔ ndɨ tàa me ghɨ̀ mènəè bòt àa me fèèle atò la. Tà bɔ ndɨ tàa bɔ wuê àvi wemɔ̀Ꞌ la, bɔ̧ tò mè ngu bòt bɔ zì mèntɨ̧ɨ̧ mɔb ane Yesò la. Bɔ̀ ka me ghɨ̀ mènəè mbɨ̀Ꞌɨ̀ nyaãtebàꞋ, bɔ̀ ka me ghɨ̀ àtsəa kekweelè.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Ebùlù 11:31

Èntɨ̧ɨ̧ wu ghȩ̀ȩ̀nè ghȩ̀ȩ̀ne wu èlen tò li ngu Leghàb la li ndzi ane Mbɔ̧ɔ̧mà la, e li ngɨ̀ tà bà̧à̧ bɔntu̧ bu bòt Izəèlȩê e li ntsàà bɔɔ kɨꞋɨ eye abot egha shu awɔb la ntsɔ̧̀. Àyaa a li ngɨ̀ bɔ̀ ka bùŋe atò ayɔɔ bòt bu bɔ li ngua nkwèèla àtsə abua Mbɔ̧ɔ̧mà la.

Ebùlù 12:16

Bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ me jɨ ngò̧ò̧tètsə, kò ntsìà èntɨ̧ɨ̧ vi ane mènəè Mbɔ̧ɔ̧mà leꞋ. Wòt ghɨ̀ ale, ko taa tsiꞋi mbɨ̀Ꞌɨ̀ Esaɔ̀ wu tà li ŋà àdziꞋa zi mbɨ̀Ꞌɨ̀ waã mbì abua wanyɨ vi ambo apfəèꞋ èghɨjɨ la.

1 Pità 2:7

Tà wu ngule wòt abua yɨ̧ wu bɨ zi èntɨ̧ɨ̧ wɨ̧ ane tò la. È me wu bòt bu bɔ̀ baka zi èntɨ̧ɨ̧ wɔb ane tò la ko Àkata Mbɔ̧ɔ̧mà a làꞋa ànəa yɔb nê, “Èti lu bèmbɔ̧ɔ̧ lob e li ngwaꞋ la, e tsiꞋi ngule èti tɔ̀Ꞌà lob.”

1 Pità 3:20

Èlɨ̀ŋkè baa wu èlɨ̀ŋkè bòt bu bɔ li bɔ̀ ka yute ànəa Mbɔ̧ɔ̧mà li shu àfɨꞋa Noà la. Mbɔ̧ɔ̧mà li ndâ ngua nchɨ̀Ꞌà wɔb bɔɔ kubte ane mènəè kàbɔ̀ŋ mɔb, tè ngà ndzəa àfɨꞋa Noà li mpàa ngɨ̀ ànkànuꞋ yu la. A li ngà me lìa è wu ndàꞋ bòt bafà̧aã bɔ li nyi a èbem ànkànuꞋ yu mèleb ŋeꞋe awɔb ngɨ̀ bɔ pem la.

1 Pità 4:18

Àkata Mbɔ̧ɔ̧mà a laꞋnê, “A chɨɨme ngu me kweele bòt bu bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la a mànyia kèfɔ̧̀ tò, ko àa wu na ane bòt kàbɔ̀ŋ bu bɔ̀ɔ ka kuŋe balu̧ tò la à?”

Jûd 1:15

Tà kɨꞋa esaꞋa bòt bàgème e màꞋa bòt bu bɔ tu̧u̧ atò la a èbem ngoꞋ ane èbɨꞋte ènəê bu bɔ ghɨ̀ la, nè èwuu èbɨꞋte mèngà̧ mu bòt kàbɔ̀ŋ baa e làꞋà adù̧ tò la!”

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.