1 Tɔ̀màtià 1:3 - Mundani

³ Maà nkɨà nê, à tseke a Efesɔ̀s wuê mbɨ̀Ꞌɨ̀ e ndi shu awê àfɨ̀Ꞌ yu e ndi ngu alu̧ ngà a Màsèdonìà la. Tseke abàꞋ və mbɨ̀Ꞌɨ̀ e kele bòt bu bɔ̀ɔ nyɨ̀Ꞌta bòt mènəè fɨ̀te la.

1 Tɔ̀màtià 1:3 Iomraidhean Croise

ÀfaꞋa 18:19

Bɔ̀ ghà tê bɔ̀ nyi a Efesɔ̀s, è wû àpfəè yu tàa lɔ̀Ꞌɔ ntɔ a Plìsilà bɔ̂ Àkwilà abot la, tà ntsè nga a lob Mbɔ̧ɔ̧mà Bèjuê me kàànè bɔ̂ tò ba.

ÀfaꞋa 18:21

mbɔ̂ shu abua yɔb wuê nê, “Mbɔ̧ɔ̧mà è bɨ̧̀ɨ̧̀nâ nê e mě nkɨ̀Ꞌɨ̂, ko maa kɨꞋɨ.” Tà làꞋ ale, tà nyi a èbem ànkànuꞋ a Efesɔ̀s və me ghǎ.

Lûm 15:26

Bòt Mbɔ̧ɔ̧mà bu a Màsèdonìà la, nè è bu a Akayà la e li ŋa èghɨ abua bòt ntseb bu ayɔɔ bòt Mbɔ̧ɔ̧mà bu a Jèlusalèm la nè mèngùꞋte.

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

Filìpȩ 2:24

Mâ lâ nkoê nê, Tǎt wa Yesò Klistò naa tɨŋe am maa yàŋe ekɨꞋɨ eye awɨ̧ mɨ̧̂.

1 Tɔ̀màtià 4:11

NyɨꞋte awɔb nkɨ̀a tàa nè mènəè maa.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

1 Tɔ̀màtià 5:7

Shu abua bòt Yesò nê, bɔ̀ me ghɨ̀ a èlɨ̀ waa mâ shu la, mbɨ̀Ꞌɨ̀ bòt tsa e me làꞋa kàbɔ̀ŋ adù̧ yɔb.

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

1 Tɔ̀màtià 6:3

Wòt ègème tàa nyɨ̀Ꞌta mènəè tsǎ, mè ntù̧ ngule mènəè Yesò Klistò Lefɨ̀Ꞌ wa, nè ndɨ bàa nyɨ̀Ꞌta mènəè Mbɔ̧ɔ̧mà ma la,

2 Tɔ̀màtià 1:18

Maà shù̧ù̧ta nê Tǎt wa Yesò li nkù tèsȩte tò ane àli yu Tǎt wa mbɔŋ nàa li mě ekɨꞋɨ la. Àwɔ̀ mbɔŋ à ko nê, Ònesìfolùs li ntàꞋa tɨŋe am àfɨ̀Ꞌ yu e ndi ngu a Efesɔ̀s la.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

Ètsə 2:14

“ ‘Ka èghɨ ko aa və bɨ̀a ngɨ̀à màa ka kɔ̀ŋkè la. Bòt ko aa ayɔɔ yɨ̧ bɔ̀ɔ ngɨ̀à èghɨ bu Balààm li ngua nyɨ̀Ꞌta la. Tà li nkɨ̀ɨ̀te a Balàk tà fɨte bòt Izəèlȩê bɔ ghɨa kàbɔ̀ŋ. Balàk li ngɨ̀ bɔ me paꞋte àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.