1 Tɔ̀màtià 1:2 - Mundani

² Abua Tɔ̀màtià, ngule waã am ane Yesò. Maà shù̧ù̧ta nê Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ wa è me nyɨꞋte a ntsɔ̧̀ wɔb abua yê, nkua tèsȩ tê, mè ngɨ̀ à bɔ àlàŋkè a èntɨ̧ɨ̧ wê.

1 Tɔ̀màtià 1:2 Iomraidhean Croise

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Gàlashìà 1:3

Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò nê bɔ̀ ŋa awɨ̧ a ntsɔ̧̀ bɔ̂ àlàŋkè.

1 Tèsàlonikà 3:2

bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.

1 Tɔ̀màtià 1:12

Maà ŋàa mènkɔ̀ŋke abua Yesò Klistò Lefɨ̀Ꞌ wa wu tà ŋa am mètàŋ ane àfàꞋ am la. Mâ kɔ̀ŋke atò ane ndɨ̀ wu tà ye nê, e ngu ngule wòt, mè ndȩ̀ am nê è me ghɨ̌ àfàꞋ àzi la.

1 Tɔ̀màtià 1:18

Waã am Tɔ̀màtià, mâ zì mènəè maa ègème a tèkitebu tê. Me ku̧u̧te mènəè mu bɔ li ndzaŋe elàꞋa ane yê ane àtɔŋ Mbɔ̧ɔ̧mà la, nɨ̀ mènəè ngaa nɨŋ nù èbele Mbɔ̧ɔ̧mà adù̧.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

2 Tɔ̀màtià 1:2

Abua Tɔ̀màtià waã èkɔŋ am. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ wa nê bɔ̀ me nyɨꞋte a ntsɔ̧̀ wɔb abua yê, nkua tèsȩ tê, mè ngɨ̀ à bɔ àlàŋkè a èntɨ̧ɨ̧ wê.

2 Tɔ̀màtià 2:1

È me wu awê à waã am, à me kweele ane mènəè Mbɔ̧ɔ̧mà mu è wuê ma, ndɨ̀ wu ba tsiꞋi àghɨ yeamɔꞋ ane Yesò Klistò la.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

Tȩtɔ̀s 2:2

Shu abua mbà̧te juŋ nê, bɔ̀ me yu ane mènəè mɔb, nɨ̀a èyì ka ngɨ̀à mènəè, mè mbà̧aã mèntɨ̧ɨ̧ mɔb ka ngɨ̀à mùà. Bɔ̀ mě me nèèta ndzìà mèntɨ̧ɨ̧ mɔb ane Mbɔ̧ɔ̧mà, nèètà nkɔ̀ŋkà bòt, mè nkìà ngoꞋtsə.

Tȩtɔ̀s 3:15

Bòt bàgème ba tò ba è wu nɔ̂ la e tsàꞋtè awê. TsàꞋtè bèshu̧ ba bòt Yesò ko bu ŋa abua ya. Maà shù̧ù̧ta nê Mbɔ̧ɔ̧mà è me nyɨꞋte a ntsɔ̧̀ vi abua yɨ̧ bɨ̀agème.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

2 Jɔ̌n 1:3

Maà shù̧ù̧ta Tǎt wa Mbɔ̧ɔ̧mà bɔ̂ Waã vi Yesò Klistò nê bɔ̀ nyɨꞋte a ntsɔ̧̀ wɔb abua ya, nkù tèsȩ ta mè ngɨ̀ bà bɔ àlàŋkè. Èghɨ baa è wu abua ya wu ba ko nkûŋ mè me kɔ̀ŋkè bɔnyɨ ba la.

3 Jɔ̌n 1:4

Ànəa ko a ntsě betsiꞋa a bɔ̀ am nyaŋ tè ntsè ndɨ mâ zə nê, bɔ̧ bɔ̧ aà ngɨ̀à mènəè nkûŋ la.

Jûd 1:2

Maà shù̧ù̧ta Mbɔ̧ɔ̧mà nê, tà me paa nkua tèsȩ tɨ̧, ngɨ̀ bɨ̀ me bɔ àlàŋkè a mèntɨ̧ɨ̧ mɨ̧, mè ngɨ̀ èkɔŋ wɨ̧ ane bɔnyɨ bɨ̧ è me ghà ne mbì.