1 Tɔ̀màtià 1:13 - Mundani

¹³ È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

1 Tɔ̀màtià 1:13 Iomraidhean Croise

Lûk 12:47

“È me wu wafàꞋ wu tà ko àghɨa tǎt vi nàa kɨa nê yè ghɨa, ka tà kà nɔŋe avi e ghɨ̌ yùà la ko bɔɔ li shu̧u̧ atò kwàꞋ ànyaꞋne.

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

ÀfaꞋa 22:4

E ndi ngua kɨa àtsə a bòt bɔ̀ɔ nkùŋà Alu̧ Yesò waa la tè ngɨ̀à tè mbùŋà àwɔb. E ndi ngua mbà̧aã bèzi nè mbâ̧tsə màꞋtà wɔb a tèfȩ.

ÀfaꞋa 3:17

“Mbɨ̀Ꞌɨ̀ àa ale la à bɔnyɨ bɔ̧, mâ ko nê àghɨa bɨ bɔɔjuŋ bɨ̧ e li ngɨ ane Yesò la, bɨ li ngɨ̀ kà koê.

ÀfaꞋa 8:3

Ka è me wu a Sɔ̂l tà nyɔ̀Ꞌte nê yea me tseke a si ntaa chɔsì wu. Tà me ghǎ a lobtsə səèŋnà mbâ̧ ègème nè àvi tà zì èntɨ̧ɨ̧ vi ane Yesò la nɨa wɔb ngà maꞋa a tèfȩ.

ÀfaꞋa 9:1

Mbɨ̀Ꞌɨ̀ mènəè maa nàa ntsèà la, Sɔ̂l me ghǎ wuê nè mbì nkàà, nkɨ ekɨɨme wuê bɔkatè bu bɔ zì mèntɨ̧ɨ̧ mɔb ane Yesò la. Tà li ngà fɔ̀ɔ̀le abua àtsəa bèntsìà mèpɨ̧̀ Mbɔ̧ɔ̧mà

ÀfaꞋa 9:13

Ànàniàs bɨ̀ɨ̀lè nê, “Tè Yesò, bòt nyaŋ e taꞋa làꞋa ànəa mbê waa, e dzə. Bɔ shu èwuu èbɨꞋte èghɨ ègème tà ghɨ ane bòt Mbɔ̧ɔ̧mà a Jèlusalèm la mɨ̧̂.

ÀfaꞋa 9:5

Tà bììte nê, “À wu wàà a Tè?” Àtɔŋ yu a nê, “E ngu Yesò wu àa nkɨà àtsəa tò enɨ la.

1 Kɔlìn 15:9

E ngu tandiakwèn ane bɔntu̧ Yesò Klistò. E mbakà kuꞋu wòt bɔ̀ɔ me tɔ atò ane wantu̧ Yesò Klistò la nkàà nê, e ndi ngua nkɨà ètsə bòt chɔsì Mbɔ̧ɔ̧mà enɨ.

1 Kɔlìn 7:25

È me wu ane ànəa bòt kà yɔꞋ, ko ànəa ko Tè Yesò shu am nê è ndaꞋa la a ntsě, ka maa shu ndɨ màa ndzea la, mbɨ̀Ꞌɨ̀ wòt Tè Yesò nɨ tèsȩ ti ngɨ̀ tà kùꞋù è we bòt àa lɨ̀Ꞌɨ̀ àwɔb ane tò la.

Gàlashìà 1:13

Bɨ zə mènəè e ndi ngua ngɨ̀à àfɨꞋa mbì ane èlɨ Bèjuê e li ngua nkɨ̀à nɨ̀a nkùŋa Mbɔ̧ɔ̧mà la. E ndi ngua nùà chɔsì Mbɔ̧ɔ̧mà ndâ nkɨ eliime awɔb kwàꞋ ane ètɨ̧̂, kà ku tèsȩ.

Filìpȩ 3:6

Ànəa mbɨ̧te Bèjuê a li ngu àtsə am tè e me gheeba nkɨà àtsəa bòt chɔsì enɨ. È wu ànəa màntɨ̧a ndɨŋndɨ̀ŋ a mbì Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la, ko e ndi è nka ghɨ̂ àghɨa ko bòt àa fèèlè am adù̧ la.

1 Tɔ̀màtià 1:16

Ka Yesò Klistò li nkù tèsȩ taã, è ngu wòt kàbɔ̀ŋ mbì la, mbɨ̀Ꞌɨ̀ enɨ e nyɨꞋte bɔbȩ ndɨ ye wu mbɔɔlà wòt ane àlia nè àlia la. Tà li ngùa nyɨ̀Ꞌta àyaa ane àlȩê enɨ elɔ̀ktè àtsəa bòt bu bɔ̀ɔ zì mèntɨ̧ɨ̧ mɔb ane tò, taa ŋa awɔb mèmpème kàlìà la.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

1 Pità 2:10

È li ngu àfɨ̀Ꞌ àko bɨ̀ ka wu bòt Mbɔ̧ɔ̧mà, ka nè àfɨ̀Ꞌ yaa bɨ̀ tsiꞋi bòt tò. È li ngu àfɨ̀Ꞌ àko Mbɔ̧ɔ̧mà kà wua nkua tèsȩ tɨ̧, ka nè àfɨ̀Ꞌ yaa tà ku tèsȩ tɨ̧.