1 Tɔ̀màtià 1:11 - Mundani

¹¹ Mènəè maa e dzə a èbem Ntu̧ Ntsɔ̧̀ yu Mbɔ̧ɔ̧mà li ndzì a tèkitebu taã nê è me tsɔ̀tè la. Ntu̧ mbɔŋ nàà nyɨ̀Ꞌta ènɨ̧ Mbɔ̧ɔ̧mà wu, tà wû ndàꞋ wòt bòt àa ngùꞋtà la.

1 Tɔ̀màtià 1:11 Iomraidhean Croise

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

Lûm 2:16

Ntu̧ Ntsɔ̧̀ yu màa ntsɔ̀tà la nàa shua nê, eyaa wu ndɨ bɔ̀ɔ li lo esaꞋa bòt ane àli yu Mbɔ̧ɔ̧mà nàa ghɨ̌ Yesò Klistò naa saꞋa mènəè ndò̧ mu a mèntɨ̧ɨ̧ bòt la.

1 Kɔlìn 9:17

Mâ ghɨ̀ ale, ngua ngɨ̀à àyaa ane mènkɔ̀ŋke mɔ̧, ko maa bɔ àbȩ̀, ka ndɨ̀ wu màa ka ghɨ ane mènkɔ̀ŋke mɔ̧ la, ko wu Mbɔ̧ɔ̧mà ka tà zǐ àfaꞋa mbɔŋ a tèkitebu taã nê è me ghɨ̀ la.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Gàlashìà 2:7

Ka bɔ li ndzè na Mbɔ̧ɔ̧mà zi ànəa màndaꞋa Ntu̧ Ntsɔ̧̀ zi abua bòt kà wu Bèjuê a tèkitebu taã wuê mbɨ̀Ꞌɨ̀ tà li ndzì ànəa màndaꞋa èngǎ̧ vi abua Bèjuê a tèkitebu Pità la.

Efesɔ̀s 1:12

Tà li ngɨ̀ anè mbɨ̀Ꞌɨ̀ bàa wu Mbɔ̧ɔ̧mà li ngɨ̀ ba wu bòt mbì e nɔ̀ŋe ntɨ̀ ya e me chɨ̀Ꞌɨ̀ a Yesò Klistò la, aa me tseke ndɨ bòt àa me wùꞋtè ènɨ̧ Mbɔ̧ɔ̧mà la.

Efesɔ̀s 1:6

Bà wùꞋte a Mbɔ̧ɔ̧mà ane taꞋà ntsɔ̧̀ tò waa tà tsě ane waã èkɔŋ vi nyɨ̀Ꞌte abua ya àku la.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Kɔ̀losìà 1:25

Wu Mbɔ̧ɔ̧mà ka tà li ndzì am ane wɔ̀fàꞋ bòt Yesò nê è me fàꞋa ntɨ̀ŋa wɔb la. ÀfaꞋa mbɔŋ wu ndɨ màa me tsɔ̀te Ntu̧ Mbɔ̧ɔ̧mà yu mbɨ̀Ꞌɨ̀ bòt aa paa eko la.

1 Tèsàlonikà 2:4

Bàa ngɨ̀ ba wua ndàꞋà wuê mènəè Mbɔ̧ɔ̧mà nàa nkɨà nê bà laꞋa la, nkàà nê tà lɨ̀ŋkè àwa ba kùꞋù èbe tàa zǐ Ntu̧ Ntsɔ̧̀ yu a tèkitebu ta la. Bà ka laꞋà àghɨa bɔbȩ àa nkɨà la. Baa ndàꞋà wuê ndɨ àa bɔ̌ abua Mbɔ̧ɔ̧mà wu tà ko mèntɨ̧ɨ̧ ma la.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

1 Tɔ̀màtià 6:15

Taa li kɨꞋɨ àfɨꞋa ntsɔ̧̀ yu Mbɔ̧ɔ̧mà è taŋke la. Wu ndàꞋà tòà tà wu àtsəa bɔbȩ bàgème la. Bɔ̀ɔ ngùꞋtà wuê atò. Tà wu Fɔ̧̀ bèfɔ̧̀, mè ngu Tǎt bètàt.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

2 Tɔ̀màtià 1:11

Mbɔ̧ɔ̧mà è lȩ̀ am ane wantu̧ vi nê è nyɨꞋte mè ntsɔ̀tè Ntu̧ Ntsɔ̧̀ yu abua bɔbȩ.

2 Tɔ̀màtià 1:14

Neeta mbààbe èghɨ nkûŋ bu Fo Kèfə yu nàa ntsèka ane ya la è zì a tèkitebu tê la.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

Tȩtɔ̀s 1:3

Àfɨ̀Ꞌ a li nkùꞋ, Mbɔ̧ɔ̧mà ghɨ̀ bɔ tsɔ̀tè èngǎ̧ tò, ngɨ̀ bòt e ko àghɨ yu tà li nkàꞋ la. Wu Mbɔ̧ɔ̧mà, Mpemnà wa tà li ndzì ntu̧ yaa a tèkitebu taã nê è me tsɔ̀tè la.