1 Jɔ̌n 4:8 - Mundani

⁸ Wòt ègème tàa ka kɔ̀ŋkè bɔnyɨ bi la bakà ko a Mbɔ̧ɔ̧mà, nkàà nê Mbɔ̧ɔ̧mà wu èkɔŋ.

1 Jɔ̌n 4:8 Iomraidhean Croise

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

Efesɔ̀s 2:4

Tèsȩte Mbɔ̧ɔ̧mà teà ndzà̧a nyaŋ, tà kɔ̀ŋkè àwa kwàꞋ ànyaꞋne,

Ebùlù 12:29

Nkàà nê, Mbɔ̧ɔ̧mà wa wu ngule èwet àa shɨ̀à èghɨ la.

1 Jɔ̌n 1:5

Èngǎ̧ ba zə abua Waã tò mè me shua wɨ̧ la wu nê, Mbɔ̧ɔ̧mà wu èkaꞋà, tè àdziꞋa ndzěm à ka bê ngu ane tò.

1 Jɔ̌n 2:4

Wòt nê ye ko atò, ka mbakà wua ngɨ̀à ànəa tà shua la, ko wòt mbɔŋ wu wòt mèfà̧, tè nkûŋ ka bê ngu ane mènəè tò.

1 Jɔ̌n 2:9

Waa waa tà laꞋnê ye wu a èbem èkaꞋà, mbɔ̂ me pààbè wanyɨ vi la, bele a èbem ndzěm mbɨ̀Ꞌɨ̀ tà li ngu la.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.

1 Jɔ̌n 3:6

Àyaa a nyɨꞋte awa nê, waa waa bɔ̂ Yesò Klistò è tsiꞋi àghɨ yeamɔꞋ la, bakà baãaã a kàbɔ̀ŋ e me ghɨa ngà wuê nè mbì. Ka è wu nê wòt è baãaã mènəè kàbɔ̀ŋ, me ghɨa ngà wuê nè mbì, a nyɨꞋte nê ŋut te bakà ye a Yesò Klistò, tà kà li tè mè ko atò.

1 Jɔ̌n 4:16

Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.

1 Jɔ̌n 4:7

Ngule bèshu̧ bɔ̧, bà me kɔ̀ŋkè bɔnyɨ ba nkàà nê èkɔŋ e dzə abua Mbɔ̧ɔ̧mà. Wòt ègème tàa nkɔ̀ŋkà bɔnyɨ bi la wu Waã Mbɔ̧ɔ̧mà, mèè nko a Mbɔ̧ɔ̧mà wu.