1 Jɔ̌n 4:4 - Mundani

⁴ Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.

1 Jɔ̌n 4:4 Iomraidhean Croise

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Jɔ̌n 14:30

È nka tsi làꞋà ba nɨ̧̀ ba ane àfɨ̀Ꞌ à seè à, nkàà nê Satàn wu, tà wu àtsəa ngɔ̀ŋ yaa la nàà nkɨ̀Ꞌa. Tà bakà bɔ mètàŋ a ègwet laã.

Jɔ̌n 16:11

Bɔɔ li mě eye èsaꞋa Mbɔ̧ɔ̧mà nkàà nê, Mbɔ̧ɔ̧mà saꞋa wòt wu tà wu àtsəa ngɔ̀ŋ yaa la tè ndɔ̀Ꞌ.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Lûm 8:31

Bàà wu anè laꞋ nê ghǎ ane ayaa? Mbɔ̧ɔ̧mà wu nè nà, ko wòt wu betsiꞋa tà ghɨ̀ àghɨ ane ya la wu wàà?

Lûm 8:37

Àghɨ a ntsě. Èghɨ bàà aà mbàta ngɨ̀à ane ya ale, ka baa bɔ̂ ndâ ntsè èbùà ègème, nkàà Yesò wu tà kɔ̀ŋkè awa la.

1 Kɔlìn 2:12

Ba bakà bɔ fo ngɔ̀ŋ yaa, ba bɔ Fo Mbɔ̧ɔ̧mà zìambɔŋ, mbɨ̀Ꞌɨ̀ naa ghɨ̌ baa ko èghɨ bu Mbɔ̧ɔ̧mà ŋǎ abua ya la.

1 Kɔlìn 6:13

Bɨa shua nê, “Èghɨjɨ e wu abua èbêm, èbêm e mê ngu abua èghɨjɨ,” Ka Mbɔ̧ɔ̧mà bɔ̂ ngu ghɨ̀ èghɨ mbɔŋ ègème aa baka tsi ngu àghɨ. Bɨ̀ ka me nɨ mbɨ̧te ènyit tɨ̧ mpàꞋta àbɨ̧, ka bɨ̀ me nɨa nkùkta Tè Yesò. Wu Tè Yesò ka tà bɔ mbɨ̧̀ ènyit la.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Efesɔ̀s 6:10

Enɨ lìa, bɨ̀ me kweele ndɨ̀ wu bɨ̀ tsiꞋi àghɨ yeamɔꞋ nè Tè Yesò la, mè tsiꞋ tà ŋa awɨ̧ mètàŋ kèkweelè mi.

1 Jɔ̌n 2:1

E shɨa àkatè yaa abua yɨ̧, bɔ̧ bɔ̧, mbɨ̀Ꞌɨ̀ wòt kǒ ane yɨ̧ ghɨ a kàbɔ̀ŋ. Ka wòt ane yɨ̧ ghɨ a kàbɔ̀ŋ, tà ko nê wòt kǒ nàà və tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tàa ndɨ̀à ànəa kàbɔ̀ŋ wa abua Tǎt wa Mbɔ̧ɔ̧mà la. Ŋut wu Yesò Klistò à.

1 Jɔ̌n 2:13

Bètǎt bɔ̧, e shɨa àkatè yaa abua yɨ̧ nkàà nê bɨ ko a tòà wu tà li nguê ka ngɔ̀ŋ naa li lɔ̀Ꞌɔ ebùꞋù la. E shɨa àkatè yaa abua yɨ̧ bɔngwàꞋ, nkàà nê bɨ tseke àtsəa Satàn wòt kàbɔ̀ŋ. E shɨa àkatè yaa abua yɨ̧, bɔngwàꞋ nkàà nê, bɨ ko a Tǎt wa Mbɔ̧ɔ̧mà.

1 Jɔ̌n 3:20

Èntɨ̧ɨ̧ wa e saꞋa wa nê ba ghɨa kàbɔ̀ŋ, ba ko nê Mbɔ̧ɔ̧mà e tsè èntɨ̧ɨ̧ wa, tà mè nko ànəê àgème.

1 Jɔ̌n 3:24

Waa waa tàa ngɨ̀à ànəa Mbɔ̧ɔ̧mà shu la tsiꞋi àghɨ yeamɔꞋ bɔ̂ tò; Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut. Àghɨa a ghɨ̀ ka ba nê ba tsiꞋi àghɨ yeamɔꞋ nè Mbɔ̧ɔ̧mà la, wu nè tà zi Fo zi a mèntɨ̧ɨ̧ ma.

1 Jɔ̌n 4:13

Ba ko nè ba tò ba e tsiꞋi àghɨ yeamɔꞋ, tà mè ntsìꞋi àghɨ yeamɔꞋ nè nà nkàà Fo tò yu tà zi a mèntɨ̧ɨ̧ ma la.

1 Jɔ̌n 4:16

Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.

1 Jɔ̌n 4:6

È me wu awa, ko ba wu bòt Mbɔ̧ɔ̧mà. Waa waa tà ko a Mbɔ̧ɔ̧mà la nàà ndzəa awa, waa waa kà wu wòt Mbɔ̧ɔ̧mà kà wua ndzəa awa. Eyaa wu àghɨa àa ghɨ̌ ka baa ko fo yu ndàꞋà nkûŋ la, nè èye ndàꞋà àfɨte la.

1 Jɔ̌n 5:19

Ngɔ̀ŋ yaa è batè ngu a tèkitebu Satàn wòt kàbɔ̀ŋ, ka baa koê nê ba wu bɔ̧ Mbɔ̧ɔ̧mà.

1 Jɔ̌n 5:4

nkàà nê waa waa tà wù Waã Mbɔ̧ɔ̧mà la tà tsě ngɔ̀ŋ yaa. Àghɨa a ghɨ̂ ba tsè ngɔ̀ŋ yaa la wu ndɨ̀ wu ba bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà li ndzɔꞋ ntsà la.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.