1 Jɔ̌n 4:2 - Mundani

² Àghɨa àa ghɨ̌ bɨa ko nê fo yu ane wòt la wu ye Mbɔ̧ɔ̧mà la wu nê, waa waa tà bɨ̧ɨ̧nè mè me shu ane ètsəê vi nê, Yesò Klistò li ntsìꞋi wɔ̀bȩ̂ la, bɨ ko nê fo yu ane ŋut la wu ye Mbɔ̧ɔ̧mà.

1 Jɔ̌n 4:2 Iomraidhean Croise

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

1 Kɔlìn 12:3

Ale, maà nkɨà bɨa ko nê, betsiꞋa wòt Fo Kèfə è ghɨ̂ tà me làꞋà la ka tsɔ̧ɔ̧ a Yesò, wòt kà mê ngu ko shu nê Yesò wu Tàt, kà wu wòt Fo Kèfə nàa èntɨ̧ɨ̧ tò la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Jɔ̌n 1:2

Èngǎ̧ mèmpème waa e li mpuula ayaã, ba ye wùà. Ba wu anè ndàꞋà ànəa ba ye mè ndzə la, mè ngua shua wɨ̧ ànəa mèmpème kàlìà mu è li mbɨ̀ ngu bɔ̂ Tǎt wa Mbɔ̧ɔ̧mà ka tà tùꞋù abua ya la.

1 Jɔ̌n 2:23

Wòt tù̧a Waã Mbɔ̧ɔ̧mà, a wu nê tà tu̧ a Tǎt tò Mbɔ̧ɔ̧mà mɨ̧̂. Ka wòt tà bɨ̧ɨ̧ne ànəa Waã Mbɔ̧ɔ̧mà la, è bɨ̧ɨ̧ne a Tǎt tò Mbɔ̧ɔ̧mà mɨ̧̂.

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 4:3

Ka wòt ègème tà tu̧ nê Yesò Klistò li tà kà tsiꞋi wɔ̀bȩ̂ la, bɨ ko nê fo yu ane ŋut la ntsě ye Mbɔ̧ɔ̧mà. Fo mbɔŋ wu ye wɔ̀mbù̧ Yesò Klistò wu bɨ li ndzə nê taa li ekɨꞋɨ la, è bê nkɨ̀Ꞌɨ̂ tè ntsìꞋi àbȩ àfɨ̀Ꞌ yaa la.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.