1 Jɔ̌n 3:9 - Mundani

⁹ Waa waa tà wù Waã Mbɔ̧ɔ̧mà la nàà kà tsi ngɨ a kàbɔ̀ŋ, nkàà nê ŋut e nɔ̀ŋe èngǎ̧ Mbɔ̧ɔ̧mà a èntɨ̧ɨ̧ vi, tà kà tsi ngu e ghɨ̌ a kàbɔ̀ŋ nkàà nê tà wu Waã Mbɔ̧ɔ̧mà.

1 Jɔ̌n 3:9 Iomraidhean Croise

Matìù 7:18

Àyɨt a ntsɔ̧̀ aà kà kɔɔle tètaãaãte kàbɔ̀ŋ; àyɨt a kàbɔ̀ŋ à ka wua nkɔ̀ɔ̀la tètaãaãte ntsɔ̧̀.

Jɔ̌n 1:13

Ka bɔ me wu bɔ̧ Mbɔ̧ɔ̧mà ale, è kà wu wɔ̀bȩ̂ tà bi awɔb bɔ tsiꞋi àlo̧ atò la, è kà mê ngu wɔ̀bȩ̂ ka tà ghɨ̀ a wu ale la. Wu Mbɔ̧ɔ̧mà zìambɔŋ ka tà ghɨ̀à wɔb bɔ tsiꞋi bɔ̧ tò la.

Jɔ̌n 3:3

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà bi wòt a membǐ fi, tà kà nyi a kèfɔ̧̀ Mbɔ̧ɔ̧mà.”

ÀfaꞋa 4:20

BetsiꞋa bà ka tseke kà làꞋ àghɨa bàambɔŋ e ye mè ndzə la.”

Lûm 6:2

BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?

Gàlashìà 5:17

Aa ale nkàà nê, àghɨa mbɨ̧̀ ènyit nàa nkɨà la ntsě àghɨa Fo Mbɔ̧ɔ̧mà nàa nkɨà la, àyea Fo Mbɔ̧ɔ̧mà nàa nkɨà la è kà wu àyea mbɨ̧̀ ènyit nàa nkɨà la. Èghɨ baa aà ngà èlu̧ tsa tsa, mbɨ̀Ꞌɨ̀ ka bɨ ghɨ̀ àghɨa bɨ ghɨ̂ mbɔ ndɨ bɨ̀a ghɨ̀ la.

Tȩtɔ̀s 1:2

e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

1 Pità 1:23

Èngǎ̧ Mbɔ̧ɔ̧mà wu àa ŋǎ mèmpème, mè ngu ane àlia nè àlia la, e ghɨ̂ bɔ bi awɨ̧ a membǐ fi. Bɨa nè ntsìꞋi bɔ̧ Mbɔ̧ɔ̧mà wu tà wu ane àlia nè àlia kà wu epfə la.

1 Jɔ̌n 2:29

Bɨ koa nê Yesò Klistò tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, bɨ bɔ ndɨ bɨ̀a ko nê waa waa tàa ngɨ̀à àghɨa Mbɔ̧ɔ̧mà nàa nkɨà la wu Waã Mbɔ̧ɔ̧mà la.

1 Jɔ̌n 3:6

Àyaa a nyɨꞋte awa nê, waa waa bɔ̂ Yesò Klistò è tsiꞋi àghɨ yeamɔꞋ la, bakà baãaã a kàbɔ̀ŋ e me ghɨa ngà wuê nè mbì. Ka è wu nê wòt è baãaã mènəè kàbɔ̀ŋ, me ghɨa ngà wuê nè mbì, a nyɨꞋte nê ŋut te bakà ye a Yesò Klistò, tà kà li tè mè ko atò.

1 Jɔ̌n 4:7

Ngule bèshu̧ bɔ̧, bà me kɔ̀ŋkè bɔnyɨ ba nkàà nê èkɔŋ e dzə abua Mbɔ̧ɔ̧mà. Wòt ègème tàa nkɔ̀ŋkà bɔnyɨ bi la wu Waã Mbɔ̧ɔ̧mà, mèè nko a Mbɔ̧ɔ̧mà wu.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

1 Jɔ̌n 5:18

Ba ko nê waa waa tà tsiꞋi Waã Mbɔ̧ɔ̧mà la nàà kà ghɨa kàbɔ̀ŋ, nkàà nê Waã Mbɔ̧ɔ̧mà zìambɔŋ nàà mbààba ŋut mbɨ̀Ꞌɨ̀ Satàn wòt kàbɔ̀ŋ zì àlɔꞋ ane tò.

1 Jɔ̌n 5:4

nkàà nê waa waa tà wù Waã Mbɔ̧ɔ̧mà la tà tsě ngɔ̀ŋ yaa. Àghɨa a ghɨ̂ ba tsè ngɔ̀ŋ yaa la wu ndɨ̀ wu ba bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà li ndzɔꞋ ntsà la.

3 Jɔ̌n 1:11

Ngule shu̧ yaã, à ka me fɨŋe bòt bu bɔ̀ɔ ngɨa kàbɔ̀ŋ la. Me fɨŋe wuê è bu bɔ̀ɔ ngɨa ntsɔ̧̀ la. Waa waa tàa ngɨ̀à ntsɔ̧̀ la wu wòt Mbɔ̧ɔ̧mà, ka wòt tàa ngɨ̀à kàbɔ̀ŋ la, wu wòt kà ko a Mbɔ̧ɔ̧mà.