1 Jɔ̌n 3:8 - Mundani

⁸ Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

1 Jɔ̌n 3:8 Iomraidhean Croise

Matìù 12:28

Ka è wu nkûŋ nê màa nɨa mètàŋ Fo Mbɔ̧ɔ̧mà ka nɨa fəèà fote kàbɔ̀ŋ, ko a nyɨꞋtè nê kèfɔ̧̀ Mbɔ̧ɔ̧mà kɨꞋɨ tê ntsìꞋi nè nɨ̧̀ àfɨ̀Ꞌ yaa tè ndɔ̀Ꞌ.

Matìù 13:38

mbȩ yu wu mbɨ̀Ꞌɨ̀ ngɔ̀ŋ yaa, èsaãaãme ntsɔ̧̀ wu wu bòt bu bɔ̀ɔ ndzəa mènəè kèfɔ̧̀ Mbɔ̧ɔ̧mà la. AfəèꞋ kàbɔ̀ŋ wu, wu mbɨ̀Ꞌɨ̀ bòt Satàn wòt kàbɔ̀ŋ.

Matìù 4:3

Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”

Ntu̧ Ntsɔ̧̀ MAK 1:24

“Yesò wòt Nazàlet, à kɨa ghà abua ya à? À kɨ̀Ꞌa a si ŋaa eliime awa à? Mâ ko wòt à wu wùà la. À wu ngule wantu̧ Mbɔ̧ɔ̧mà.”

Lûk 10:18

Yesò bɨ̀ɨ̀lè nê, “E ndɨ ndzě ndɨ Satàn lɔ̀Ꞌɔ a ègwet mbɨ̀ŋkê nkwen mbɨꞋɨ̀ èfâŋ la.

Jɔ̌n 12:31

Eyaa wu àfɨꞋa Mbɔ̧ɔ̧mà nàa saꞋa ngɔ̀ŋ yaa la. Eyaa mè ngu àfɨꞋa Mbɔ̧ɔ̧mà nàa tsɔꞋɔ wòt wu tà wua àtsəa ngɔ̀ŋ yaa la emàꞋa àbȩ la.

Jɔ̌n 16:11

Bɔɔ li mě eye èsaꞋa Mbɔ̧ɔ̧mà nkàà nê, Mbɔ̧ɔ̧mà saꞋa wòt wu tà wu àtsəa ngɔ̀ŋ yaa la tè ndɔ̀Ꞌ.

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

Lûm 16:20

Mbɔ̧ɔ̧mà wu tàa ngɨ̀à baa bɔ àlàŋkè la, bele yàŋe tsòkè mètàŋ Satàn, e ghɨ̌ tàa tsiꞋi a èten lɨ̧̂. Maà ntsàꞋtà nê Yesò Klistò Lefɨ̀Ꞌ wa nyɨꞋte a ntsɔ̧̀ vi abua yɨ̧.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Kɔ̀losìà 2:15

Yesò Klistò li mpfə a mbɨ̧̀ mbasa ale ngɨ̀ fo tu tèa mbà̧aã èlaꞋ mè ntsìta mènəè la tè ka tsi mbɔ̀ mètàŋ. Tà li ntsè awɔb tè nkùùla awɔb ngɨ̀ bɔ tsiꞋa ngȩȩna akwen tò waa waa yea.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ebùlù 9:26

Tà li me wu ale ngɨ̀ ale, ko tà li mbɔ̌ ndɨ tàa ye ngoꞋ a ngo̧ a ngò̧ ebuꞋu àfɨ̀Ꞌ yu Mbɔ̧ɔ̧mà li ngɨ̀ ngɔ̀ŋ la. Ka mbɨ̀Ꞌɨ̀ àa la, tà bê nkɨ̀Ꞌɨ̂ ngò̧ yemɔ̀Ꞌ, àfɨ̀Ꞌ yaa ngɔ̀ŋ tsìꞋa ndìà lìa la, ŋà àtsəa zi mbɨ̀Ꞌɨ̀ eyòò mènəè kàbɔ̀ŋ mu bòt àa ngɨ̀à la.

2 Pità 2:4

Mbɔ̧ɔ̧mà li tà kà sa bɔntu̧ bi bu bɔ li ngɨa kàbɔ̀ŋ la bɔɔ gha àku. Tà li màꞋà wɔb a èbem nkɨ̀Ꞌnè ngoꞋ, àdziꞋa bɔ kuule awɔb ane fȩtsə nɔ̀ŋè a èbem kèbìꞋà me chɨ̀Ꞌɨ̀ Àlia èsaꞋa Mbɔ̧ɔ̧mà la.

1 Jɔ̌n 1:2

Èngǎ̧ mèmpème waa e li mpuula ayaã, ba ye wùà. Ba wu anè ndàꞋà ànəa ba ye mè ndzə la, mè ngua shua wɨ̧ ànəa mèmpème kàlìà mu è li mbɨ̀ ngu bɔ̂ Tǎt wa Mbɔ̧ɔ̧mà ka tà tùꞋù abua ya la.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.

1 Jɔ̌n 5:19

Ngɔ̀ŋ yaa è batè ngu a tèkitebu Satàn wòt kàbɔ̀ŋ, ka baa koê nê ba wu bɔ̧ Mbɔ̧ɔ̧mà.

Jûd 1:6

Bɨ̀ ku̧u̧te ànəa bɔntu̧ Mbɔ̧ɔ̧mà bu bɔ li ngwaꞋa àdziꞋa tà tsia awɔb la ntsiꞋi me ghɨ a èlɨ tsa la. Tà kuule awɔb ane fȩte kà wu li loote, nɔ̀ŋè àwɔb a èbem kèbìꞋà me chɨ̀Ꞌɨ̀ àli yu tàa li saꞋa ngɔ̀ŋ yaa la.

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.