1 Jɔ̌n 3:2 - Mundani

² Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

1 Jɔ̌n 3:2 Iomraidhean Croise

Matìù 5:8

Ntsɔ̧̀ wu bòt mèntɨ̧ɨ̧ kèfə e mbì Mbɔ̧ɔ̧mà, bèŋût aa li ye a Mbɔ̧ɔ̧mà.

Lûk 17:30

“Eyaa wu ndɨ àa li wu àfɨꞋa Waã Wòt nàa li pùùla ayaã la.

Lûk 20:36

Bɔɔ li tsiꞋi mbɨ̀Ꞌɨ̀ bɔntu̧ Mbɔ̧ɔ̧mà kà wu li pfə. Bɔ wu bɔ̧ Mbɔ̧ɔ̧mà nkàà nê bɔ yu̧u̧me ayɔɔ bèmpfəà.

Jɔ̌n 1:12

Ka bòt bàgème bɔ sèe atò, ndzì mèntɨ̧ɨ̧ mɔb ane èlen tò la, tà ghɨ̀ àwɔb bɔ tsiꞋi bɔ̧ Mbɔ̧ɔ̧mà.

Jɔ̌n 11:52

Ka tà kà lem ngua nga epfə wuê àtsəa bòt àlaꞋ a mbɔŋ. Tà wua nga epfə mbɨ̀Ꞌɨ̀ efete bɔ̧ Mbɔ̧ɔ̧mà bu bɔ taatè me tseke a èdziꞋ èdzìꞋ la, bɔɔ tsiꞋi mbɨ̀Ꞌɨ̀ wòt wemɔ̀Ꞌ.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Lûm 8:16

È wu Fo Mbɔ̧ɔ̧mà èfɔte ne àghɨa àa mèntɨ̧ɨ̧ ma la, shua nê ba wu bɔ̧ Mbɔ̧ɔ̧mà la.

Lûm 8:18

Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

Lûm 8:29

Bòt bu Mbɔ̧ɔ̧mà li mbele àfɨꞋa tsa ndà la, tà li nɔ̀ŋè nê bɔ̀ wu mbɨꞋɨ̀ waã vi nàa la, mbɨ̀Ꞌɨ̀ e ghɨ̌ taa wu waã mbì ayɔɔ bɔnyɨ nyaŋ.

1 Kɔlìn 13:12

Àghɨa bàa ndzea àfɨ̀Ꞌ yaa la, a wu mbɨ̀Ꞌɨ̀ ba lɨ̀ŋke a èbem àlùgɨ̀lâ, me ye mbàꞋtsə, ka àfɨ̀Ꞌ aa li kɨꞋɨ bàa me ye èghɨ ntsɔ̧̀ la. Mâ ko wuê àdzìꞋ àfɨ̀Ꞌ yaa, mbɔ̂ ngu li ko nènkèm, wuê mbɨ̀Ꞌɨ̀ Mbɔ̧ɔ̧mà ko am nènkèm la.

1 Kɔlìn 15:49

Ale, ndɨ bɔ wèè awa mbɨ̀Ꞌɨ̀ wòt sitsǎꞋ la, wu wuê ndɨ bɔ̀ɔ wèè awa mbɨ̀Ꞌɨ̀ wòt wu tà li ndzə a ègwet la.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Gàlashìà 4:6

Ane èlɨ̀ wu bɨ̀ tsiꞋi bɔ̧ Mbɔ̧ɔ̧mà la, tà tsàà Fo waã vi a mèntɨ̧ɨ̧ ma, ŋȩ nê, “Abà! Tǎt wa!”

Filìpȩ 3:21

Taa li nkɨ̀Ꞌɨ̂, nɨ̀ mètàŋ kèkweelè mi mu tàa nɨ e ghɨ̌ àghɨ àgème aa tsiꞋi a èten tò la, enɨ ghɨ̌ mbɨ̧te ènyit ta tàa tèa fìà la, tea kubte etsiꞋi mbɨ̀Ꞌɨ̀ ngule ye tò.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

2 Pità 1:4

Eyaa wu ndɨ Mbɔ̧ɔ̧mà tse ngɨ̀ ba bɔ ngule èghɨ ntsɔ̧̀ bu tà li ndzàŋe kàꞋà la. BetsiꞋa ba peme àfɨ̀Ꞌ yaa ane èbɨꞋte ènəê bu mèntɨ̧ɨ̧ bòt nàa ŋwèèlà wɔb bɔ ghɨa a ngɔ̀ŋ ŋaa la, tè ntsìꞋa ntsèka ndzəa wuê a Mbɔ̧ɔ̧mà ngɨ̀à mènəè mbɨ̀Ꞌɨ̀ tòà.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

1 Jɔ̌n 2:7

Ngule bèshu̧ bɔ̧, mbɨ̧ yaa e shɨa abua yɨ̧ la ntsě ànəa fi Mbɔ̧ɔ̧mà laꞋnê bɨ̀ me ghɨ̀ la. Wu mbɨ̧ bɨ li ndzə e bùꞋù tê ane àlia mbì yu bɨ li ndzì mèntɨ̧ɨ̧ mɨ̧ ane Yesò Klistò la. Mbɨ̧ nyǎꞋ wu ànəa yu bɨ yaŋe zə la.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.

1 Jɔ̌n 3:21

Ngule bèshu̧ bɔ̧, è wu ale mèntɨ̧ɨ̧ ma bakà saꞋa wa nê ba ngɨa kàbɔ̀ŋ, ba ko nê ba tɨ̧ɨ̧ e mbì Mbɔ̧ɔ̧mà kà bɔ àtsəa kɔꞋɔ.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

Ètsə 2:28

Maa mě ŋa atò kěnto̧ fu kèa sàꞋa a ntɔtetsɔ̌Ꞌ la.

Ètsə 22:4

Bɔɔ li e ye èsi Mbɔ̧ɔ̧mà, èlen tò e mè ngu wu a mèsi mɔb.