1 Jɔ̌n 3:1 - Mundani

¹ Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

1 Jɔ̌n 3:1 Iomraidhean Croise

Lûk 20:36

Bɔɔ li tsiꞋi mbɨ̀Ꞌɨ̀ bɔntu̧ Mbɔ̧ɔ̧mà kà wu li pfə. Bɔ wu bɔ̧ Mbɔ̧ɔ̧mà nkàà nê bɔ yu̧u̧me ayɔɔ bèmpfəà.

Jɔ̌n 1:12

Ka bòt bàgème bɔ sèe atò, ndzì mèntɨ̧ɨ̧ mɔb ane èlen tò la, tà ghɨ̀ àwɔb bɔ tsiꞋi bɔ̧ Mbɔ̧ɔ̧mà.

Jɔ̌n 11:52

Ka tà kà lem ngua nga epfə wuê àtsəa bòt àlaꞋ a mbɔŋ. Tà wua nga epfə mbɨ̀Ꞌɨ̀ efete bɔ̧ Mbɔ̧ɔ̧mà bu bɔ taatè me tseke a èdziꞋ èdzìꞋ la, bɔɔ tsiꞋi mbɨ̀Ꞌɨ̀ wòt wemɔ̀Ꞌ.

Jɔ̌n 15:21

Ka bɔ̀ɔ ghɨ̧̀ɨ̧̀nè àwɨ̧ anè ndɨ̀ wu bɨ̀ wu bòt bɔ̧ la, nkàà nê, bɔ bakà ko wòt tà tsàà am la.

Jɔ̌n 16:3

Bɔɔ ghɨ̧̀ɨ̧̀nè àwɨ̧ anè nkàà nê bɔ bakà li mè ko a Tǎt am, bɔ̀ ka meè nko am.

Jɔ̌n 17:25

“Lefɨ̀Ꞌ, àwɔ̀ wu mènəè mê tɨ̧ɨ̧ ndɨŋndɨ̀ŋ la, bòt ngɔ̀ŋ e bakà ko awê, ka e mbɔ̂ nko awê, bòt bɔ̧ baa e mè nko nê, àwɔ̀ ka à tsàà am la.

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.

Lûm 5:8

Ka Mbɔ̧ɔ̧mà nyɨꞋte èkɔŋ vi abua ya ndɨ̀ wu bà le bele bòt kàbɔ̀ŋ tà ghɨ̀ Yesò Klistò è pfə ambo ya la.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

Lûm 8:21

nkàà nê taa li tsǐ èghɨ bu ègème tà li ngɨ̀ la a èbem ngoꞋ yu nàa ghɨ̌ aa fì la, mbɨ̀Ꞌɨ̀ ghɨ̌ aa baka tsi fì, e bɔ ènɨ̧ wu e ghe, tà nɔ̀ŋe abua bɔ̧ bi la mɨ̧̂.

Lûm 8:32

Tè tò wu tà li tà kà shuulè waã vi, ŋa tò nê tà pfə ambo ya bàgème la, ka mèe ŋa awa èghɨ ko tsa mbɨ̀Ꞌɨ̀ tà ŋa waã vi la à?

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Gàlashìà 3:29

Ale, bɨ wu anè ngu bòt Yesò Klistò, ko bɨ wu bɔ̧ Abàlàghâm, mbɨ̀Ꞌɨ̀ Mbɔ̧ɔ̧mà li nkàꞋ la.

Kɔ̀losìà 3:3

Bɨ li mpfəèꞋte mèntsèke mbì mu è lìà, tè mèntsèke mɨ̧ tsiꞋi a tèkitebu Yesò Klistò mbɨ̀Ꞌɨ̀ Mbɔ̧ɔ̧mà nɔ̀ŋè la.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

1 Jɔ̌n 4:17

Lə yu Mbɔ̧ɔ̧mà è lu̧u̧ne mèntɨ̧ɨ̧ ma nè èkɔŋ la wu mbɨ̀Ꞌɨ̀ e ghɨ̌ baa li me ghàꞋtè àwa ane àli yu tàa li saꞋa bòt ngɔ̀ŋ la, nkàà nê ba bê ngu a ngɔ̀ŋ ŋaa wuê mbɨ̀Ꞌɨ̀ Yesò Klistò nàa la.

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.