Bìoball air-loidhne

1 Jɔ̌n 2:4 - Mundani

⁴ Wòt nê ye ko atò, ka mbakà wua ngɨ̀à ànəa tà shua la, ko wòt mbɔŋ wu wòt mèfà̧, tè nkûŋ ka bê ngu ane mènəè tò.

Faic an caibideil Dèan lethbhreac

« Roimhe

dol air ais ⬆

Air adhart »

1 Jɔ̌n 2:4
13 Iomraidhean Croise

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

Faic an caibideil

Tȩtɔ̀s 1:10

Bòt ko nyaŋ aà və bɔ̀ɔ ŋàa àtsə àsaa, bɔ̀ ka bê ngùa ndzəèa ànəê, mè me nɨ mèngǎ̧ àkû èfɨ̀ta bòt ko la. Bɔɔ̀ ndzea àya nyaŋ ane Bèjuê bu ayɔɔ yɔb bɔ̀ɔ ŋwèèlà shua wuê nê bɔ naŋe wòt ka tà wu wòt Mbɔ̧ɔ̧mà la.

Faic an caibideil

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Faic an caibideil

1 Jɔ̌n 1:10

Ba me shu nê, ba bakà ghɨ a kàbɔ̀ŋ, ba wua shua nê Mbɔ̧ɔ̧mà wu wòt mèfà̧, èngǎ̧ tò è ka mê ngu a èbem mèntɨ̧ɨ̧ ma.

Faic an caibideil

1 Jɔ̌n 1:6

Ale, ba me shu nê, ba tsiꞋi àghɨ yeamɔꞋ nè Mbɔ̧ɔ̧mà ka mbɔ̂ me ghɨ̀ mènəè ndzěm, ko ba tsiꞋi bòt mèfà̧, èghɨ bàa ngɨ̀à mè shua la ka wu nkûŋ.

Faic an caibideil

1 Jɔ̌n 1:8

Ba me shu nê ba bakà ghɨ a kàbɔ̀ŋ, ba wua fɨ̀ta awa bàa mbɔŋ, bà ka me nko nkûŋ ane ànəa Mbɔ̧ɔ̧mà.

Faic an caibideil

1 Jɔ̌n 2:3

Ba me ghɨ̀ àghɨa Mbɔ̧ɔ̧mà shua la, ba ko nê ba ko atò.

Faic an caibideil

1 Jɔ̌n 2:9

Waa waa tà laꞋnê ye wu a èbem èkaꞋà, mbɔ̂ me pààbè wanyɨ vi la, bele a èbem ndzěm mbɨ̀Ꞌɨ̀ tà li ngu la.

Faic an caibideil

1 Jɔ̌n 3:6

Àyaa a nyɨꞋte awa nê, waa waa bɔ̂ Yesò Klistò è tsiꞋi àghɨ yeamɔꞋ la, bakà baãaã a kàbɔ̀ŋ e me ghɨa ngà wuê nè mbì. Ka è wu nê wòt è baãaã mènəè kàbɔ̀ŋ, me ghɨa ngà wuê nè mbì, a nyɨꞋte nê ŋut te bakà ye a Yesò Klistò, tà kà li tè mè ko atò.

Faic an caibideil

1 Jɔ̌n 4:20

Wòt nê yeà nkɔ̀ŋkà Mbɔ̧ɔ̧mà mbɔ̂ me pààbè wanyɨ vi, ŋut ko nê ye wu wòt mèfà̧. BetsiꞋa wòt ghɨ̀ nà me kɔ̀ŋke a Mbɔ̧ɔ̧mà wu tàa ka ye atò la, mbɔ̂ me pààbè wanyɨ vi wu tàa ndzèa atò la à?

Faic an caibideil

1 Jɔ̌n 4:7

Ngule bèshu̧ bɔ̧, bà me kɔ̀ŋkè bɔnyɨ ba nkàà nê èkɔŋ e dzə abua Mbɔ̧ɔ̧mà. Wòt ègème tàa nkɔ̀ŋkà bɔnyɨ bi la wu Waã Mbɔ̧ɔ̧mà, mèè nko a Mbɔ̧ɔ̧mà wu.

Faic an caibideil

Lean sinn:

Ceanglaichean taic

Sanasan

1 Jɔ̌n 2:4 - Mundani

1 Jɔ̌n 2:413 Iomraidhean Croise

1 Jɔ̌n 2:4
13 Iomraidhean Croise