1 Jɔ̌n 2:3 - Mundani

³ Ba me ghɨ̀ àghɨa Mbɔ̧ɔ̧mà shua la, ba ko nê ba ko atò.

1 Jɔ̌n 2:3 Iomraidhean Croise

Lûk 6:46

“Ghǎ ghɨ̂ bɨ me tɔ am nê, ‘Tê, Tê,’ ka bɨ̀ ka wua ngɨ̀à àghɨa màa shuà la à?

Jɔ̌n 14:15

“Bɨ me kɔ̀ŋkè am, ko bɨa me ghɨ̀ àghɨa mâ shu nê bɨ̀ ghɨa la,

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 15:14

Bɨ me ghɨ̀ àghɨa e shua la, ko bɨa wu bèshu̧ bɔ̧.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

1 Jɔ̌n 2:13

Bètǎt bɔ̧, e shɨa àkatè yaa abua yɨ̧ nkàà nê bɨ ko a tòà wu tà li nguê ka ngɔ̀ŋ naa li lɔ̀Ꞌɔ ebùꞋù la. E shɨa àkatè yaa abua yɨ̧ bɔngwàꞋ, nkàà nê bɨ tseke àtsəa Satàn wòt kàbɔ̀ŋ. E shɨa àkatè yaa abua yɨ̧, bɔngwàꞋ nkàà nê, bɨ ko a Tǎt wa Mbɔ̧ɔ̧mà.

1 Jɔ̌n 3:14

Bàa mbɔŋ e ko nê ba dzə a èbem èvə tè mbɔ̀ mèmpème nkàà nê baà nkɔ̀ŋkà bɔnyɨ ba. Waa waa tàa ka kɔ̀ŋkè wanyɨ vi la nàà ntsèka a èbem èvə.

1 Jɔ̌n 3:19

Ba me kɔ̀ŋkè bɔnyɨ ba a èlɨ̀ waa, ko baa ko nê ba wu bòt mènəè nkûŋ. Eyaa mè ngu àghɨa àa ghɨ̌ ka mèntɨ̧ɨ̧ ma naa tseke ka wua mbèntâ a mbì Tǎt wa Mbɔ̧ɔ̧mà la.

1 Jɔ̌n 3:6

Àyaa a nyɨꞋte awa nê, waa waa bɔ̂ Yesò Klistò è tsiꞋi àghɨ yeamɔꞋ la, bakà baãaã a kàbɔ̀ŋ e me ghɨa ngà wuê nè mbì. Ka è wu nê wòt è baãaã mènəè kàbɔ̀ŋ, me ghɨa ngà wuê nè mbì, a nyɨꞋte nê ŋut te bakà ye a Yesò Klistò, tà kà li tè mè ko atò.

1 Jɔ̌n 4:13

Ba ko nè ba tò ba e tsiꞋi àghɨ yeamɔꞋ, tà mè ntsìꞋi àghɨ yeamɔꞋ nè nà nkàà Fo tò yu tà zi a mèntɨ̧ɨ̧ ma la.

1 Jɔ̌n 4:7

Ngule bèshu̧ bɔ̧, bà me kɔ̀ŋkè bɔnyɨ ba nkàà nê èkɔŋ e dzə abua Mbɔ̧ɔ̧mà. Wòt ègème tàa nkɔ̀ŋkà bɔnyɨ bi la wu Waã Mbɔ̧ɔ̧mà, mèè nko a Mbɔ̧ɔ̧mà wu.

1 Jɔ̌n 5:19

Ngɔ̀ŋ yaa è batè ngu a tèkitebu Satàn wòt kàbɔ̀ŋ, ka baa koê nê ba wu bɔ̧ Mbɔ̧ɔ̧mà.

1 Jɔ̌n 5:2

Ba me kɔ̀ŋka Mbɔ̧ɔ̧mà ngɨ̀à àghɨa tà shu la, ba bɔ ndɨ bàa me kɔ̀ŋkè bɔ̧ tò la mɨ̧̂.

1 Jɔ̌n 5:3

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Mbɔ̂ betsiꞋa mènəè tò ngaa ka tse awa a màngɨa,

Ètsə 12:17

A ghɨ̀ ale, dlagɔ̀n wu tsǒ ane àvi wu kwàꞋ ànyaꞋne, tè ngà è màꞋà èbet nè àbəꞋa bòt àndǎ̧ atò, è wu bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mè bɨ̧̀ɨ̧̀ne nê èghɨ bu Yesò nyɨꞋte la wu nkûŋ la. Dlagɔ̀n wu tɨ̧ɨ̧ a ngèt *èdzî.

Ètsə 14:12

Ale, a nyɨꞋtè nê bòt Mbɔ̧ɔ̧mà è kuule mèntɨ̧ɨ̧ mɔb, bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mèè me kùŋa Yesò nè èntɨ̧ɨ̧ wɔb wemɔꞋ la.

Ètsə 22:14

Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.