1 Jɔ̌n 2:1 - Mundani

¹ E shɨa àkatè yaa abua yɨ̧, bɔ̧ bɔ̧, mbɨ̀Ꞌɨ̀ wòt kǒ ane yɨ̧ ghɨ a kàbɔ̀ŋ. Ka wòt ane yɨ̧ ghɨ a kàbɔ̀ŋ, tà ko nê wòt kǒ nàà və tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tàa ndɨ̀à ànəa kàbɔ̀ŋ wa abua Tǎt wa Mbɔ̧ɔ̧mà la. Ŋut wu Yesò Klistò à.

1 Jɔ̌n 2:1 Iomraidhean Croise

Lûk 10:22

“Tǎt am è ŋa èghɨ ègème abua am. Wòt kǒ tà lâ ko àghɨa waã wu yùà kà wu tǎt tò la è ntsě; wòt kǒ tà meè ndâ ko a tǎt waã kà wuê waã mbɔŋ la ka wuê, nè bòt waã wu è kɔ̀ŋkè nê bɔ̀ ko atò la.”

Jɔ̌n 10:15

wuê mbɨ̀Ꞌɨ̀ mâ ko a Tǎt am Mbɔ̧ɔ̧mà, tà mè nkǒ am la. Ale, mâ bɨ̧ɨ̧ne eŋa àtsə am ane njɨ̀ taã.

Jɔ̌n 13:33

“Bɔ̧ bɔ̧, è nka tsi tseke ba nɨ̧̀ ba ane àfɨ̀Ꞌ à seè a. Bɨa me kɨ am, ka tsiꞋ è shua wɨ̧ àfɨ̀Ꞌ yaa àghɨa e ndi shu abua Bèjuê la nê, ‘BetsiꞋa bɨ̀ ka kɨꞋɨ àdziꞋa e ngà la’.

Jɔ̌n 14:16

e mè ngu eshu̧u̧te a Tǎt am, taa ŋa wòt tsa taa me tseke bɨ tò ba ane àlia nè àlia ntɨ̀ŋa wɨ̧ la.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 21:5

ÀfɨꞋa mbɔŋ, Yesò bììte awɔb nê, “Bɨ bakà baãaã basə a bɔ̧ bà?” Bɔ nê “ChaꞋ ba bakà baãaã àghɨ.”

Jɔ̌n 5:14

Àfɨ̀Ꞌ a tseke tê me wu, Yesò ye atò a èbem lob nɨ̧ Mbɔ̧ɔ̧mà, shuê abua tò nê “Ye, à peme tê ndɔ̀Ꞌ. Ka tsi ngɨa kàbɔ̀ŋ mbɨ̀Ꞌɨ̀ ànəa a bɨ ntsè ayaa la a yea wê.”

Jɔ̌n 5:36

“Ka èghɨ màa ngɨ̀à la aà nyɨ̀Ꞌta wòt è ngu wùà la, tè ntsè àghɨa a li nyɨ̀Ꞌte ane ànəa Jɔ̌n li shu ane yaã la, nkàà nê e ngu anè ngɨ̀à èghɨ bu Tǎt am li nê è mpaa ngɨ̀ la. Wu bùà bu èa nyɨ̀Ꞌta nê tòà ka tà tsàà am la.

Jɔ̌n 6:27

Bɨ̀ ka ŋà àtsəa yɨ̧ ane èghɨjɨ àa lɔ̀Ꞌɔ elìa la. Ka bɨ̀ ŋa wuê ane èghɨjɨ bu àa ŋǎ mèmpème kàlìà la. Eyaa wu èghɨjɨ bu Waã Wòt nàa ŋa abua yɨ̧ la, nkàà nê wu tòà Tǎt wa Mbɔ̧ɔ̧mà nyɨꞋtè nê tà wu wòt ye laa nê tà me ghɨ àfàꞋ yaa la.”

Jɔ̌n 8:11

Àvi wu bɨ̀ɨ̀lè nê, “Wòt ntsě a Tê.” Yesò mè shu abua tò nê, “BetsiꞋa mmɔ̌ mbɔŋ mɨ̧̂ è nka shu nê bɔ̀ bùŋè àwê. Dù me ghǎ, ka à ka tsi ngɨa kàbɔ̀ŋ.”]

ÀfaꞋa 7:52

Ngule ndàꞋàtɔŋ Mbɔ̧ɔ̧mà kǒ nàà və bètǎt nyaꞋ bɨ̧ e li bɔ̀ ka wua nkɨà àtsəa tò enɨ la à? Bɔ li mbùŋè bòt bu Mbɔ̧ɔ̧mà li ntsàà nê bɔ̀ kɨꞋɨ ntsɔ̀tè ànəa mènkɨ̀Ꞌɨ̂ WafaꞋ vi wu tàa ndzəa vi ntsɔ̧̀ la. Bɨ me wu àfɨ̀Ꞌ yaa ko nê bɨ jɨ mènàŋ tò mbùŋe atò.

Lûm 5:10

Baa li mbèle bɔmbù̧ Mbɔ̧ɔ̧mà, tà ghɨ̀ baa tsiꞋi ane àlàŋkè nè tò, nkàà èvə waã tò. Àyaa a wua mpàa nyɨ̀Ꞌta nê ndɨ̀ waa bàà tsiꞋi ane àlàŋkè nè tò la, taa li ghɨ̌ baa peme nkàà nê waã tò wu yu̧.

Lûm 6:15

Tè àa wu naa? Tè baa me ghɨ̀ wuê a kàbɔ̀ŋ ndɨ̀ wu è te ntsě ànəa mbɨ̧, è tsìꞋi wuê ànəa ntsɔ̧̀ Mbɔ̧ɔ̧mà la? BetsiꞋa à ka wu ale!

Lûm 8:34

Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

1 Kɔlìn 15:34

Bɨ̀ kubte mènkwàꞋte mɨ̧, bɨ̀ ka tsi ngɨ a kàbɔ̀ŋ. ÀbəèꞋ àyɨ̧ ako a bakà bê nkoê wòt Mbɔ̧ɔ̧mà wû wùà la. E ndàꞋà àyaa mbɨ̀Ꞌɨ̀ bɨa bɔ àtsəa kɔꞋɔ.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Gàlashìà 4:19

Bɔ̧ bɔ̧, ànəa yɨ̧ aà saa am mbɨ̀Ꞌɨ̀ àvi nàa ngɨ̀ tà me lu̧u̧te nkɨ ebi la te eghǎ e wu àfɨꞋa bɔ̀ɔ ye nê Yesò Klistò naa ane mèntsèke mɨ̧ la.

Efesɔ̀s 2:18

E tsě ane Yesò bàagème ba bɔ Fo Mbɔ̧ɔ̧mà yemɔ̀Ꞌ ngu ko eghǎ a mbì tò.

Efesɔ̀s 4:26

À me tsoo ane wanyɨ wè, à ka mbɨ̧̀ɨ̧̀ne ntsǒ mbɔŋ ŋwèèlè awê à ghɨa kàbɔ̀ŋ. A ka ngɨ̀ ndzěm kwen ane ntsǒ a èntɨ̧ɨ̧ wê. À ka ŋà èlu̧ abua Satàn.

1 Tɔ̀màtià 2:5

Aa ale nkàà nê Mbɔ̧ɔ̧mà nàà wemɔ̀Ꞌ, wòt tàa ntsəèꞋna àyɔ̀ŋ a kètsìà Mbɔ̧ɔ̧mà bɔ̂ bɔbȩ la mè ngu wemɔ̀Ꞌ. Ŋut wu Yesò Klistò à.

1 Tɔ̀màtià 3:14

Mbɨ̀Ꞌɨ̀ e shɨa letà waa abua yɨ̧ la, maà nkwàꞋtà nê, e mbele eyàŋe ekɨꞋɨ eye awɨ̧.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.

Jimsì 3:9

Baà nɨa lùà nɨa ŋǎ mèngùꞋte abua Tǎt wa Mbɔ̧ɔ̧mà, mè nɨa lùà ntsɔ̧̀a bòt bu Mbɔ̧ɔ̧mà ghɨa wɔb mbɨ̀Ꞌɨ̀ zia la.

1 Pità 2:22

Tà li tà kà ghɨa kàbɔ̀ŋ, èngǎ̧ fɨte è ka li mè dzəa ètsəê tò.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.

1 Jɔ̌n 3:7

Bɔ̧ bɔ̧, ko mbɨ̀Ꞌɨ̀ wòt kǒ fɨte awɨ̧. Waa waa tàa ngɨ̀à mènəè ntsɔ̧̀ la wu wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, wuê mbɨ̀Ꞌɨ̀ Yesò Klistò tɨ̧ɨ̧ ndɨŋndɨ̀ŋ la.

1 Jɔ̌n 4:4

Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.

1 Jɔ̌n 5:17

Mènəè kà kùꞋ ègème wu kàbɔ̀ŋ, ka bèkàbɔ̀ŋ ko e bɔ̂ ngu bèa ka ghɨ̀ wòt pfə la.

1 Jɔ̌n 5:21

Bɔ̧ bɔ̧, bɨ ko mbɨ̀Ꞌɨ̀ bɨ zì mèntɨ̧ɨ̧ mɨ̧ ane bènambəa.

3 Jɔ̌n 1:4

Ànəa ko a ntsě betsiꞋa a bɔ̀ am nyaŋ tè ntsè ndɨ mâ zə nê, bɔ̧ bɔ̧ aà ngɨ̀à mènəè nkûŋ la.