1 Jɔ̌n 1:9 - Mundani

⁹ Ka ba bɨ̧ɨ̧ne mènəè kàbɔ̀ŋ ma a mbì Mbɔ̧ɔ̧mà, ko taa ghɨ̀ mbɨꞋɨ̀ tà li nkàꞋ la, e ghɨ̀ àghɨa a kùꞋù la, e waꞋà bèkàbɔ̀ŋ ba, e mě shùù awa ane èbɨꞋte ènəê ègème ba li mè ghɨ̀ la.

1 Jɔ̌n 1:9 Iomraidhean Croise

Matìù 3:6

Bɔ gha ale, mbɨ̧ɨ̧nè mènəè kàbɔ̀ŋ mɔb, tà zì àwɔb a èdzî Jodàn.

Ntu̧ Ntsɔ̧̀ MAK 1:5

ÀlaꞋ a Jùdià nè bòt Jèlusalèm bàgème e li ngà abua tò, mbɨ̧̀ɨ̧̀nè mènəè kàbɔ̀ŋ mɔb, tà zì àwɔb a èdzî Jodàn.

Lûk 22:57

Tà bê ntu̧ nê, “Àvi wàà, e mbakà ko atò.”

Jɔ̌n 17:25

“Lefɨ̀Ꞌ, àwɔ̀ wu mènəè mê tɨ̧ɨ̧ ndɨŋndɨ̀ŋ la, bòt ngɔ̀ŋ e bakà ko awê, ka e mbɔ̂ nko awê, bòt bɔ̧ baa e mè nko nê, àwɔ̀ ka à tsàà am la.

ÀfaꞋa 19:18

ÀfɨꞋa mbɔŋ bòt nyaŋ bɔ ghɨ ndzì mèntɨ̧ɨ̧ mɔb ane Yesò la e pùùlà a mbì ntùꞋtè mènəè kàbɔ̀ŋ bɔ ghɨ̀ la.

Lûm 3:26

Ka àfɨ̀Ꞌ yaa Mbɔ̧ɔ̧mà nyɨꞋte ane èvə Yesò nê yea ngɨ̀à mènəè mi àfɨ̀Ꞌ àgème ndɨŋndɨ̀ŋ, mě nyɨ̀Ꞌte nê wòt yea nɨa mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wu wòt wu tà zi èntɨ̧ɨ̧ vi ane Yesò Klistò la.

1 Kɔlìn 1:9

Mbɔ̧ɔ̧mà naa lâ ghɨ̀ àyaa ane yɨ̧ nkàà nê tàà ngɨ̀à àghɨa tà shu la àfɨ̀Ꞌ àgème. Wu tòà tà tɔ àwɨ̧ nê bɨ̀ kɨꞋɨ ngu a èbem mèntsèke ntsɔ̧̀ nè waã vi Tǎt wa Yesò Klistò Lefɨ̀Ꞌ wa la.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

Efesɔ̀s 5:26

Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 10:23

Bɨ̀ ghɨa bà neeta nɔ̀ŋè ntɨ̀ ya adù̧ àghɨ yu bàa ndàꞋà ànəa yùà la ntsɔ̧̀, nkàà nê Mbɔ̧ɔ̧mà nàa nkàꞋà ànəê tè tà ghɨ̀.

Ebùlù 11:11

Sàda mɨ̧̂ li ndzì èntɨ̧ɨ̧ ane Mbɔ̧ɔ̧mà tà ghɨ̀ tà bi waã àfɨꞋa tà li ntsìꞋi kwàꞋ ndènè àvi la, nkàà nê tà li nko nê Mbɔ̧ɔ̧mà naa ghɨ̀ àghɨa tà kàꞋà la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.