1 Jɔ̌n 1:8 - Mundani

⁸ Ba me shu nê ba bakà ghɨ a kàbɔ̀ŋ, ba wua fɨ̀ta awa bàa mbɔŋ, bà ka me nko nkûŋ ane ànəa Mbɔ̧ɔ̧mà.

1 Jɔ̌n 1:8 Iomraidhean Croise

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

Lûm 3:10

Eyaa wu àghɨa bɔ shɨ a èbem Àkata Mbɔ̧ɔ̧mà la nê, “Wòt kǒ tàa ngɨ̀à ntsɔ̧̀ la e ntsě, ka wuê wemɔ̀Ꞌ

Lûm 3:23

nkàà nê waa waa è ghɨa kàbɔ̀ŋ tè tà kà tsi mbɔ̀ ènɨ̧ wu Mbɔ̧ɔ̧mà li ngɨ̀ atò nê tà bɔŋ la.

1 Kɔlìn 3:18

Ko mbɨ̀Ꞌɨ̀ wòt fɨ̀te avi. Wòt kǒ ane yɨ̧ me mɨ̀ɨ̀te nê ye bɔ èyì ane ndɨ bòt ngɔ̀ŋ àa mɨ̀ɨ̀tà la, tà tsiꞋi nɨ avi mbɨ̀Ꞌɨ̀ àkèghɨ̧̀ mbɨ̀Ꞌɨ̀ lâ bɔ èyì.

Gàlashìà 6:3

Wòt me mɨ̀ɨ̀te nê ye wu àghɨa ko, kà lem ngu àghɨ, tà wua fɨ̀ta avi zìambɔŋ.

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 3:13

È me wu bòt kàbɔ̀ŋ nè bòt mèfà̧, ko bɔɔ me bɨa ngà wuê nè mbì, fɨ̀ta bòt ko, mè fɨ̀ta awɔb mɨ̧̂.

Jimsì 1:22

Bɨ̀ ka me fɨte awɨ̧ bɨ̀ambɔŋ ndzəèa àghɨa èngǎ̧ Mbɔ̧ɔ̧mà e shua la zə, bɨ̀ me ghɨ̀ mbɨ̀Ꞌɨ̀ e shua la.

Jimsì 1:26

Wòt mɨ̀ɨ̀tè nê ye wu wòt Mbɔ̧ɔ̧mà, ka mbakà wua mbà̧aã èlɨ̧ li, tà ko nê ye fɨte avi zìambɔŋ, me tò nè mènkǒ Mbɔ̧ɔ̧mà wu àku.

Jimsì 3:2

Bàa gème aà fà̧à̧tà mènəè. Ale, wòt me làꞋa mbakà wua fà̧à̧tà mènəè, tà ko nê, mènəè mi ègème lâ nkùꞋ, ye mè ngu ko ebaabe mbɨ̧̀ ènyit zi ègème.

2 Pità 2:13

NgoꞋ naa nɔ̀ŋke àtsəa yɔb wuê mbɨ̀Ꞌɨ̀ bɔ ghɨ̂ è nɔ̀ŋke àtsəa bòt ko la. Àghɨa àa mbɔ̀ àwɔb la, wu màngɨa àghɨ àgème mbɨ̧te ènyit tɔb tèa nkɨà la kwàꞋ a kètsìà nèngû̧. Bɔ wua ndòa mèkù mɔb mɨ̧̂. Bɔ̀ɔ ngɨ̀ bɔ me fɔte èghɨjɨ bɨ tò ba njɨ̀a àdziꞋa bɨ̀a mbù̧ù̧tà la, mbɔ̂ mènəè mɔb wu èbɨꞋte ènəê àtsəa kɔꞋɔ. Aà mbɔ̀ àwɔb ndɨ bɔ̀ɔ ngɨ̀à èghɨ ngaa a kètsìà wɨ̧ la.

1 Jɔ̌n 1:10

Ba me shu nê, ba bakà ghɨ a kàbɔ̀ŋ, ba wua shua nê Mbɔ̧ɔ̧mà wu wòt mèfà̧, èngǎ̧ tò è ka mê ngu a èbem mèntɨ̧ɨ̧ ma.

1 Jɔ̌n 1:6

Ale, ba me shu nê, ba tsiꞋi àghɨ yeamɔꞋ nè Mbɔ̧ɔ̧mà ka mbɔ̂ me ghɨ̀ mènəè ndzěm, ko ba tsiꞋi bòt mèfà̧, èghɨ bàa ngɨ̀à mè shua la ka wu nkûŋ.

1 Jɔ̌n 2:4

Wòt nê ye ko atò, ka mbakà wua ngɨ̀à ànəa tà shua la, ko wòt mbɔŋ wu wòt mèfà̧, tè nkûŋ ka bê ngu ane mènəè tò.

1 Jɔ̌n 4:20

Wòt nê yeà nkɔ̀ŋkà Mbɔ̧ɔ̧mà mbɔ̂ me pààbè wanyɨ vi, ŋut ko nê ye wu wòt mèfà̧. BetsiꞋa wòt ghɨ̀ nà me kɔ̀ŋke a Mbɔ̧ɔ̧mà wu tàa ka ye atò la, mbɔ̂ me pààbè wanyɨ vi wu tàa ndzèa atò la à?

2 Jɔ̌n 1:2

Ba nkɔ̀ŋkà àwɨ̧ anè nkàà èngǎ̧ nkûŋ yu è wu a mèntɨ̧ɨ̧ ma, mè ngu etseke a mèntɨ̧ɨ̧ ma ane àlia nè àlia la.

3 Jɔ̌n 1:3

E ndi ntaꞋa wùꞋtè am ndɨ bɔnyɨ ba ko ayɔɔ bòt Yesò, e li nkɨ̀Ꞌɨ̂ a si ŋàa shua am ndɨ àa ntsèka wuê mbɨ̀Ꞌɨ̀ èngǎ̧ Mbɔ̧ɔ̧mà e kɨa la, mè ndâ me ghɨ̀ mènəè nkûŋ la.