1 Jɔ̌n 1:6 - Mundani

⁶ Ale, ba me shu nê, ba tsiꞋi àghɨ yeamɔꞋ nè Mbɔ̧ɔ̧mà ka mbɔ̂ me ghɨ̀ mènəè ndzěm, ko ba tsiꞋi bòt mèfà̧, èghɨ bàa ngɨ̀à mè shua la ka wu nkûŋ.

1 Jɔ̌n 1:6 Iomraidhean Croise

Matìù 7:22

Naa li ngu ane àlia mbɔŋ bòt nyaŋ e shu abua am nê ‘Tê, tè bà le kaꞋ a wua nɨ̀a èlen lê ndàꞋà èngǎ̧ Mbɔ̧ɔ̧mà, nɨ̀a èlen lê fəèà fote kàbɔ̀ŋ, mè nɨ̀a èlen lê ngɨ̀à tèwuute ènəê kà ye fɨ̀Ꞌ?’

Jɔ̌n 11:10

Ka è wu wòt tàa ngȩ̀ȩ̀nà ètsəꞋ la, tà me kwene a si, nkàà nê tà bakà bɔ èkaꞋà.”

Jɔ̌n 12:35

Yesò bɨ̀ɨ̀lè nê “ÈkaꞋà e bele nè nɨ̧̀ ane ketem àfɨ̀Ꞌ àko. Bɨ̀ me ghȩȩne àfɨ̀Ꞌ yaa èkaꞋà è bele la, mbɨ̀Ꞌɨ̀ ka ndzěm kwene ane yɨ̧. Wòt nàa ngɨ̀ tà me ghȩ̀ȩ̀ne a èbem ndzěm tà kà ko àdziꞋa ye ghà la.

Jɔ̌n 12:46

Mâ kɨꞋɨ a ngɔ̀ŋ ŋaa mbɨ̀Ꞌɨ̀ wòt tàa ngɨ̀à èkaꞋà e beꞋa la, mbɨ̀Ꞌɨ̀ wòt ègème tà zi èntɨ̧ɨ̧ vi ane yaã la ka tsi tseke a èbem ndzěm a.

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

Jɔ̌n 8:55

Bɨ te bakà ko atò, ka e mbɔ̂ nko atò. E nê, e mbakà ko atò, ko maa wu wòt mèfà̧ mbɨ̀Ꞌɨ̀ bɨ̀a, ka mâ lâ nko atò, mè me ghɨ̀ àghɨa tà shu la.

1 Tɔ̀màtià 4:2

Bòt bu bɔ̀ɔ me nyɨꞋte èwuu mènəè maa la, wu bòt bu bɔ̀ɔ fɨta nê bɔ wu bòt Mbɔ̧ɔ̧mà la. Bɔ bakà tsi nko a ntsɔ̧̀, ngu nê Satàn ghɨ̂ mèntɨ̧ɨ̧ mɔb fene tê è kà tsi ngua fèèlè àwɔb.

Jimsì 2:14

Bɔnyɨ bɔ̧, wòt nê ye zi èntɨ̧ɨ̧ vi ane Mbɔ̧ɔ̧mà, ka àfaꞋa tò a bakà wua nyɨ̀Ꞌta èlɨ mbɔŋ, àbȩ̀ wu ghà à? Tè betsiꞋa èntɨ̧ɨ̧ mbɔŋ e ghɨ̀ tà bɔ̀ mèmpème?

Jimsì 2:16

wòt kǒ ane yɨ̧ shu abua tò nê, “Ghȩ̀ȩ̀ne ntsɔ̧̀, fo ka mbà̧à̧te awê, ndzitsə tè ka nkùà wê.” Tè tà shu ale ka mbakà ŋa èghɨ bu ŋut kɨ̀ŋkà la, tà ko nê ye ghɨ̌ ka ànəa ntsɔ̧̀ à?

Jimsì 2:18

Wòt kǒ naa laꞋnê, “A zi èntɨ̧ɨ̧ wê ane Mbɔ̧ɔ̧mà, e me fàꞋa èfaꞋa ntsɔ̧̀.” À bɨ̀ɨ̀lè am wu nê “NyɨꞋte am èntɨ̧ɨ̧ wu à zi ane Mbɔ̧ɔ̧mà la, è nɨ èfaꞋa ntsɔ̧̀ bɔ̧ nyɨ̀Ꞌte awê èntɨ̧ɨ̧ wu mâ zi ane Mbɔ̧ɔ̧mà la.”

1 Jɔ̌n 1:10

Ba me shu nê, ba bakà ghɨ a kàbɔ̀ŋ, ba wua shua nê Mbɔ̧ɔ̧mà wu wòt mèfà̧, èngǎ̧ tò è ka mê ngu a èbem mèntɨ̧ɨ̧ ma.

1 Jɔ̌n 1:3

Ba wua mè ndàꞋà ànəa ba ye mè ndzə la, mbɨ̀Ꞌɨ̀ bɨa fɔta wa ba nɨ̧̀ ba nè Tǎt wa Mbɔ̧ɔ̧mà bɔ̂ Waã vi Yesò Klistò baa tsiꞋi àghɨ yeamɔꞋ.

1 Jɔ̌n 1:8

Ba me shu nê ba bakà ghɨ a kàbɔ̀ŋ, ba wua fɨ̀ta awa bàa mbɔŋ, bà ka me nko nkûŋ ane ànəa Mbɔ̧ɔ̧mà.

1 Jɔ̌n 2:4

Wòt nê ye ko atò, ka mbakà wua ngɨ̀à ànəa tà shua la, ko wòt mbɔŋ wu wòt mèfà̧, tè nkûŋ ka bê ngu ane mènəè tò.

1 Jɔ̌n 4:20

Wòt nê yeà nkɔ̀ŋkà Mbɔ̧ɔ̧mà mbɔ̂ me pààbè wanyɨ vi, ŋut ko nê ye wu wòt mèfà̧. BetsiꞋa wòt ghɨ̀ nà me kɔ̀ŋke a Mbɔ̧ɔ̧mà wu tàa ka ye atò la, mbɔ̂ me pààbè wanyɨ vi wu tàa ndzèa atò la à?